சென்னை துறைமுகம் ஒரே நாளில் 3.40 லட்சம் டன் சரக்குகளை கையாண்டு சாதனை

சென்னை: சென்னை துறைமுகம் கடந்த 27-ம் தேதி ஒரே நாளில் 3 லட்சத்து 40 ஆயிரத்து 583 டன் சரக்குகளை கையாண்டு சாதனை படைத்துள்ளது. இதில், பெரிய எண்ணிக்கையிலான சரக்குகள் 36 ஆயிரத்து 184 டன், திரவ சரக்குகள் ஒரு லட்சத்து 28 ஆயிரத்து 575 டன், கன்டெய்னர் சரக்குகள் 1 லட்சத்து 75 ஆயிரத்து 824டன் ஆகியவை அடங்கும்.

இதற்கு முன்பு, கடந்த 2021 ஏப்.30-ம் தேதி மிக அதிக அளவாக 3 லட்சத்து 12 ஆயிரத்து 459 டன் சரக்குகள் கையாண்டதே பெரிய சாதனை அளவாக இருந்தது. புதிய சாதனையை நிகழ்த்த உறுதுணையாக இருந்த துறைமுக அதிகாரிகள், பங்குதாரர்கள் உள்ளிட்டோருக்கு சென்னை துறைமுக தலைவர் சுனில் பாலிவால் பாராட்டு தெரிவித்துள்ளார்.