தங்கம் விலை பவுனுக்கு ரூ.160 குறைந்தது

சென்னை: தங்கம் விலை பவுனுக்கு ரூ.160குறைந்து நேற்று ரூ.45,600-க்கு விற்பனையானது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு வருகிறது. இந்நிலையில், தங்கம் விலை நேற்று குறைந்தது. கிராம் ஒன்றுக்கு ரூ.20 குறைந்து ரூ.5,700-க்கும், பவுனுக்கு ரூ.160 குறைந்து ரூ.45,600-க்கும் விற்பனையானது. இதேபோல், 24 காரட் சுத்தத் தங்கத்தின் விலை பவுன் ரூ.49,360க்கு விற்பனையாகிறது. ஒரு கிராம் வெள்ளி ரூ.77-க்கு விற்பனையாகிறது. ஒரு கிலோ பார் வெள்ளியின் விலை நேற்று ரூ.77,000 ஆக இருந்தது.