தங்கம் விலை பவுனுக்கு ரூ.240 குறைந்தது

சென்னை: தங்கம் விலை பவுனுக்கு ரூ.240குறைந்து ரூ.45,760-க்கு விற் பனையாகிறது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது. இந்நிலையில், தங்கம் விலை நேற்று சற்று குறைந்தது. கிராம் ஒன்றுக்கு ரூ.30 குறைந்து ரூ.5,720-க்கும், பவுனுக்கு ரூ.240குறைந்து ரூ.45,760-க்கும் விற்பனையானது. 24 காரட் சுத்த தங்கம் பவுன் ரூ.49,520-க்கு விற்பனையாகிறது. ஒரு கிராம் வெள்ளி ரூ.77.70-க்கு விற்பனையாகிறது. ஒரு கிலோ பார் வெள்ளியின் விலை நேற்று ரூ.77,700 ஆக உள்ளது.