என்எல்சி இந்தியா நிறுவனம், `இந்து தமிழ் திசை' இணைந்து நடத்திய விநாடி-வினா போட்டி இறுதி சுற்றுக்கு தகுதி பெற்ற அணிகளுக்கு பரிசு

சென்னை: கண்காணிப்பு விழிப்புணர்வு வாரத்தை முன்னிட்டு, என்எல்சி இந்தியா நிறுவனம், ‘இந்து தமிழ் திசை’ நாளிதழ் இணைந்து பள்ளி மாணவ, மாணவிகளுக்காக நடத்திய விநாடி-வினா போட்டியில் இறுதிச் சுற்றுக்கு தகுதிபெற்ற அணிகளுக்குப் பரிசுகள் வழங்கப்பட்டன.

இந்தப் போட்டியில் 5 முதல் 8-ம் வகுப்பு வரை பயிலும் மாணவ,மாணவிகள் ஜூனியர் பிரிவிலும், 9 முதல் 12-ம் வகுப்பு வரை பயிலும்மாணவ, மாணவிகள் சீனியர் பிரிவிலும் பங்கேற்றனர். சென்னை, மதுரை, திருச்சி, கோவை, நெய்வேலி என 5 மண்டலங்களில் போட்டிகள் நடைபெறுகின்றன.

சென்னை அடையாறில் உள்ளபாட்ரிஷியன் காலேஜ் ஆஃப் ஆர்ட் அண்ட் சயின்ஸ் வளாகத்தில் நேற்று நடைபெற்ற சென்னை மண்டல அளவிலான விநாடி-வினாபோட்டியில் ஏராளமான மாணவர்கள் ஆர்வமுடன் கலந்துகொண்டனர்.

சீனியர் பிரிவில் கே.கே.நகர்பத்ம சேஷாத்ரி பால பவன் பள்ளி11-ம் வகுப்பு மாணவர்கள் ஆர்.ஷ்யாம் சுந்தர், அர்ஜுன் வைத்யநாதன் முதலிடம் பிடித்தனர். மேலும், நேஷனல் பப்ளிக் ஸ்கூல் 12-ம் வகுப்பு மாணவர்கள் ரிஷப் அனுராம் மொஜிலி, டி.எஸ்.பிரணவ், கே.கே.நகர் பத்ம சேஷாத்ரி பால பவன் பள்ளி 10-ம் வகுப்பு மாணவர்கள் ஆன்டோனிட்டா அக்‌ஷயா சுரேஷ், கே.எல்.தீராஜ், ரங்கநாதன் மான்ட்போர்ட் மெட்ரிக் ஹையர் செகண்டரி ஸ்கூல் 11-ம் வகுப்பு மாணவர்கள் கே.சசிகரன், வி.ஆர்.சுஜன், எஸ்ஜேஎன்எஸ் ஜெயின் மெட்ரிக் ஹையர் செகண்டரி ஸ்கூல் 10-ம் வகுப்பு மாணவர் என்.உமர் முனூஸ், 12-ம்வகுப்பு மாணவர் பி.அனுருத் ஜெகன்நாத், அரும்பாக்கம் அரசு மாதிரி மெட்ரிக் ஹையர் செகண்டரி ஸ்கூல் 11-ம் வகுப்பு மாணவர்கள் ஜெ.முகமது பஸல், பி.பிரதீப் குமார் ஆகியோர் வெற்றி பெற்றனர்.

ஜூனியர் பிரிவில் கே.கே.நகர் பத்ம சேஷாத்ரி பால பவன் பள்ளி 8-ம் வகுப்பு மாணவர் வி.ஆர்.அஷுதோஷ் வித்யாஷங்கர், 7-ம் வகுப்பு மாணவர் ரமேஷ் எஸ்.கிருஷ்ணா முதலிடம் பிடித்தனர்.

மேலும், செயின்ட் மைக்கேல்ஸ் அகாடமி 8-ம் வகுப்பு மாணவர்கள் ஏ.எஸ்.ஆன்டன் விஜய், எஸ்.அலன் சாமுவேல், பெரம்பூர் கேஆர்எம் பப்ளிக் ஸ்கூல் (சிபிஎஸ்சி) 8-ம் வகுப்பு மாணவர்கள் ஆர்.என்.ஸ்பந்தனா, ஆர்.என்.மிர்துன், கே.கே.நகர் பத்ம சேஷாத்ரி பால பவன் பள்ளி 7-ம் வகுப்பு மாணவர்கள் ஆர்.அச்சுதன், எஸ்.எஸ்.தேவ்ரித், பெரம்பூர் கேஆர்எம் மெட்ரிக் ஹையர் செகண்டரி ஸ்கூல் 8-ம் வகுப்பு மாணவர்கள் வி.சி.அர்விந்த், எஸ்.சஞ்சய்ராஜ், வானகரம் வேலம்மாள் வித்யாலயா 8-ம் வகுப்பு மாணவர்கள் டி.கெளசிக், பி.வேதஷ் ரோஹன் ஆகியோர் வெற்றி பெற்றனர்.

சீனியர், ஜூனியர் பிரிவுகளில் முதலிடம் பெற்ற இரு அணிகள், மாநில அளவிலான போட்டியில் பங்கேற்க உள்ளன. போட்டியில் வென்ற மாணவர்களுக்கு சென்னை என்எல்சி நிறுவன துணைப் பொதுமேலாளர் ராகவன்னிவாசன், ‘இந்து தமிழ் திசை’ நாளிதழ் தலைமை இயக்ககஅலுவலர் ஷங்கர் வி.சுப்பிரமணியம், பொதுமேலாளர் டி.ராஜ்குமார், விளம்பரப் பிரிவு பொதுமேலாளர் வி.சிவகுமார், விநியோகப் பிரிவு துணை மேலாளர் மேலாளர் எஸ்.பிரசன்னா, விநியோகப் பிரிவு உதவி மேலாளர் முகமது முஸ்டாக் ஆகியோர் பரிசு வழங்கினர். விநாடி-வினா போட்டியை எக்ஸ்குவிஸ்இட் க்விஸ் மாஸ்டர் ஆர்.அரவிந்த், ஸ்வரண் ஆகியோர் நடத்தினர்.