நெட்டிசன் நோட்ஸ்: அதிமுகவில் தினகரன்- 1 ஓட்டுக்கு 5 முதல்வர்களா?

சொத்துக் குவிப்பு வழக்கில் சசிகலா, இளவரசி, சுதாகரன் ஆகியோர் குற்றவாளிகள் என உச்ச நீதிமன்றம் தீர்ப்பு வழங்கியதால், சசிகலா உள்ளிட்டோர் சிறை செல்கின்றனர். சொத்துக் குவிப்பு வழக்கு தீர்ப்பின் அதிர்வலைகளுடன் அதிமுகவில் உட்கட்சி பூசலும் வலுத்துவரும் நிலையில் அதிமுகவின் துணைப் பொதுச் செயலாளராக டி.டி.வி. தினகரன் நியமிக்கப்பட்டிருக்கிறார்.

கட்சியில் மீண்டும் சேர்க்கப்பட்டதாக அறிவிக்கப்பட்ட ஒருசில மணி நேரங்களிலேயே கட்சியின் முக்கியப் பொறுப்பு தினகரனுக்கு வழங்கப்பட்டிருப்பது நெட்டிசன்களின் மத்தியில் விமர்சனங்களை எழுப்பி வருகிறது. அவற்றின் தொகுப்பு இன்றைய நெட்டிசன் நோட்ஸில்...

Scoop Story ‏@ScoopStoryIND

அதிமுக சட்ட விதிகளின்படி, பொதுச் செயலாளர் இல்லாதபோது அவரின் அனைத்து அதிகாரமும் துணை பொதுச் செயலாளருக்கும் இருக்கும். #TTVDinakaran

Ashwin Athreya ‏@abiwin21

அதிமுக துணை பொதுச் செயலாளரும், தமிழக முதல்வரும் ஒருவராகவே இருக்க வேண்டும் என்ற கோரிக்கை எழுந்தாலும் ஆச்சரியப்படுவதற்கில்லை. #TTVDinakaran #OPSvsSasikala

Raaj Kumar ‏@raajkumar85

சில வாரங்களாக ஜெயலலிதா, சசிகலா ட்ரெண்டிங்கில் இருந்தார்கள். இப்போது தினகரன்... குற்றவாளிகளைத் தான் ட்ரெண்ட் ஆக்குகிறோம்.

Ilaya Raja

இப்பதான் உங்களுக்காக அனுதாபப் பட்டு பதிவு போட்டேன் சசிகலா...

அது தப்புன்னு இப்போதான் தெரியுது.

Sridharan J ‏@iamsridharan

குடும்ப அரசியல் இல்லாத கட்சி என்ற பெயரை அதிமுக இழந்துகொண்டு வருகிறது, மறைமுகமாக இருந்தவர்கள் இன்று நடுவீட்டில்.. #TTVDinakaran

SaravananGandhirajan ‏@iamsargandhi

அதிமுக எம்எல்ஏக்களே, மன்னார்குடி கும்பலுக்கு கட்சியை விற்று விட்டீர்கள். ஓட்டுக் கேட்டு தொகுதிப் பக்கம் வந்துவிடாதீர்கள்!

காட்டு பூச்சி ‏@naankaatupoochi

2 மாதங்களில் எடப்பாடி பழனிச்சாமியை ராஜினாமா செய்யச்சொல்லி விட்டு, தினகரன் முதல்வராகத் திட்டமா? 1 ஓட்டுக்கு 5 முதல்வர்களா?

Thiyagarajan K ‏@ThiyagarajanK4

ஒட்டுமொத்த தமிழகமும் சசிகலாவுக்கும் அவரின் குடும்பத்துக்கும் எதிராக நிற்கிறது. இப்படியே போனால், அதிமுக முடிந்தது. #TTVDinakaran

V ‏@arrow_writes

அதிமுகவில் இருந்து மொத்தமாக நீக்கப்பட்டவர்கள் இன்று கட்சியின் அதிகார மையத்தில் இருக்கின்றனர். அதிமுக அண்ணா திமுக இல்லை. அடிமை திமுக! #TTVDinakaran

Tpm Aathick

டி.டி.வி.தினகரன் இன்றுதான் கட்சியில் சேர்த்து கொள்ளப்பட்டார் என்றால், மூன்று நாள் முன்பு ஆளுநரை சந்திக்க சசிகலாவுடன் அவர் எப்படி செல்ல முடியும்?

Em Saravanan

அதிமுக-வின் துணை பொதுச்செயலாளராக டிடிவி.தினகரன் நியமனம்: சசிகலா அறிவிப்பு. உலகத்துலயே கட்சில சேர்ந்த 1 மணி நேரத்துல, துணை பொதுச் செயலாளரா ஆக்குனது நீங்கதான்...

Murali Nagarajan ‏@murali0120

அபகரித்த சொத்துக்களைப் பாதுகாக்க, மன்னார்குடியினருக்கு அதிகாரம் தேவை. #TTVDinakaran

karan ‏@karanjhaa

125 எம்எல்ஏக்களை மன்னார்குடி கும்பலால் கூவத்தூரில் கொடுமைப்படுத்த முடியும் என்றால், தனியாக இருந்த ஜெயலலிதாவின் நிலைமையைக் கொஞ்சம் கற்பனை செய்து பாருங்கள்.

Kadavur Subramani M

இரவில் மன்னிப்பு கடிதம்.

அதிகாலையில் ஏற்றுக்கொள்ளப்பட்டது.

காலையில் துணை பொதுச் செயலாளர்.

நாளை முதல்வர்..

குப்புச்சாமி

அதிமுகவின் அடுத்த கட்ட அழிவு ஆரம்பம்... துணை பொதுச்செயலாளராக தினகரன் நியமனம்.

Bairava Moorthy

ஜெயலலிதாவால நீக்கப்பட்ட தினகரன் கட்சியில் சேர்க்கப்பட்டார். அவர் தேர்ந்தெடுத்த பன்னீர் கட்சியை விட்டு நீக்கப்பட்டார்.

Sridharan J ‏@iamsridharan

இவ்ளோ ஓப்பனா பண்றதுக்கு கொஞ்சம் கூட கூச்சமாயில்லையா? #ADMK #TTVDinakaran

இராசையா சின்னத்துரை

தினகரன், வெங்கடேசன் என்று உறவினர்களைக் கட்சி பொறுப்புகளில் நியமித்து சசிகலா தவறுகளைத் தொடர்கிறார். மேலும் தொடரலாம். ஆனால் சசிகலா சிறை வாழ்க்கையில் இருந்து வெளியே வரும்போது சொந்த பந்தங்கள் கட்சியை ஒப்படைக்க போவதில்லை. அநேகமாக சசியை மக்கள் விடலாம். உறவினர்களும் கண்டுகொள்ளமாட்டார்கள். ஏனெனில் அதிகாரம் எந்த இருவரையும் ஒன்றாக இருக்கவிடாது.

Sridharan J ‏@iamsridharan

இப்பொழுதும் அதிமுக நிர்வாகிகள் எதிர்ப்பு தெரிவிக்க தயாராக இல்லையெனில் அவர்கள் சமுதாயத்தில் மரியாதையை இழப்பார்கள். பொதுவெளியில் பெருமையுடன் அவர்களால் ஒருநாளும் இருக்கமுடியாது.

ரோபல்காந்த் ‏@roflkanth

அதிமுகவில் டிடிவி தினகரன், வெங்கடேஷ் ஆகியோர சேர்க்கல; அதிமுகவ தான் தினகரன், வெங்கடேஷ்கிட்ட சேர்த்துட்டு போறாங்க சசிகலா.

shaanthi ‏@shaan_64

தினகரன், சுதாகரன், பாஸ்கரனுக்குத்தான் அந்தம்மா ஒரிஜினல் சின்னம்மா. அவங்களத்தான் வாழ வைப்பாங்க. நீங்கெல்லாம் ஏம்ப்பா சின்னம்மா சின்னம்மானுட்டு?

Jothimani ‏@jothims

டிடிவி தினகரன் போன்ற தியாகிகள் தான் இனி அதிமுகவையும் தமிழகத்தை வழிநடத்தப் போகும் தலைவர்கள்! ஜெவால் நிராகரிக்கப்பட்டவர்கள்.

நாடு எங்க போகுது?? ‏@Piramachari

தினகரன் மன்னிப்பு கடிதம் கொடுத்தார்- செய்தி

யாருக்கிட்ட?

ஜெ.கிட்ட மன்னிப்பு கடிதம் கொடுத்து கட்சில சேர்ந்த சசிகலாகிட்ட!

A K MANIKANDAN ‏@akmanikandan001

அ.தி.மு.க துணை பொதுச் செயலாளராக டிடிவி தினகரன் நியமனம் - சசிகலா.

இப்படி எல்லாம் நடக்கும்னு தெரிஞ்சிருந்தா எம்ஜிஆர் கட்சியே ஆரம்பிச்சிருக்கமாட்டார்.