அஸ்வின் ரவிச்சந்திரன் 10

இந்திய கிரிக்கெட் வீரர் அஸ்வின் ரவிச்சந்திரனுக்கு இன்று பிறந்தநாள். அவரைப் பற்றி அரிய முத்துக்கள் பத்து...

# அப்பா ரவிச்சந்திரன் கிளப் கிரிக்கெட் ஆடியவர். அம்மா சித்ரா. மனைவி ப்ரீத்தி.

# தகவல் தொழில்நுட்பப் பிரிவில் பி.டெக். பட்டம் பெற்றுள்ளார் அஸ்வின் ரவிச்சந்திரன்.

# இந்திய அணி மற்றும் சென்னை சூப்பர் கிங்ஸ் அணியில் இவரது டி-சர்ட் எண் 99. டிவிட்டர் கணக்கு ஐ.டி ashwinravi99.

# பள்ளிக் காலங்களில் தொடக்க ஆட்டக்காரராக இருந்தார். பிறகு தன்னை சுழல் பந்து வீச்சாளராக மாற்றிக்கொண்டார்.

# சென்னையில் ஐ.பி.எல். போட்டிகள் நடக்கும்போது நேரம் கிடைத்தால், தெருவில் ‘கல்லி’ கிரிக்கெட் ஆடுவார்.

# அவரது பலம்.. பல்திறனான பந்துவீச்சுகள். இலங்கையின் அஜந்தா மெண்டிஸிடம் இருந்து கேரம் பால் பந்துவீச்சைக் கற்றுக்கொண்டார்.

# இந்திய கிரிக்கெட் அணியில் முதல் போட்டிக்குத் தேர்வானதும் சச்சின் கையால் அவருக்குத் தொப்பி தரப்பட்டது.

# விதவிதமான ஹேர் ஸ்டைல்கள் வைத்துக்கொள்வது, டென்னிஸ் ஆடுவது, காரில் தனியாக நீண்ட பயணம் போவது பிடிக்கும்.

# 2011-ம் ஆண்டு மேற்கு இந்தியத் தீவுகள் அணிக்கு எதிரான டெஸ்ட் தொடரில் முதல் சதத்தை அடித்தார்.

# அறிமுகமான டெஸ்ட் தொடரில் இரண்டு முறை ஆட்ட நாயகன் விருதுகள், அதிவேக ஐம்பது டெஸ்ட் விக்கெட்கள், நம்பர் ஒன் ஆல் ரவுண்டர் என்று பல சாதனைகள் கைவசம் உள்ளன!