2022 டிச.29: பிரேசிலின் கால் பந்து ஜாம்பவான் ‘பீலே’ என்றழைக்கப்பட்ட எட்சன் அரண்டெஸ் டு நசிமெண்டோ (82) உடல் நலக் குறைவு காரணமாக காலமானார்.
2023 ஜன.12: முன்னாள் மத்திய அமைச்சர் சரத் யாதவ் (75) உடல் நலக் குறைவால் கால மானார். 7 முறை மக்களவைக்கும், 3 முறை மாநிலங்களவைக்கும் தேர்ந்தெடுக்கப்பட்டவர்.
ஜன.24: இந்திய கட்டிடக் கலையின் சகாப்தம் என்றழைக்கப்பட்ட பேராசிரியர் பால்கிருஷ்ணா விட்டல்தாஸ் என்கிற பி.வி. தோஷி (95) காலமானார்.
ஜன.31: மத்திய சட்டத் துறை முன்னாள் அமைச்சர் சாந்தி பூஷன் (97) காலமானார். மொரார்ஜி தேசாய் அரசில் 1977-79இல் அமைச்சராகப் பணியாற்றியவர் இவர்.
» கோகுல்ராஜ் கொலை வழக்கு முதல் அதிமுக வழக்குகள் வரை: உயர் நீதிமன்ற முக்கியத் தீர்ப்புகள் 2023
பிப்.4: தமிழ், தெலுங்கு உள்பட 19 மொழிகளில் பத்தாயிரத்துக்கும் மேற்பட்ட பாடல்களைப் பாடிய வாணி ஜெயராம் (77) சென்னையில் காலமானார்.
பிப்.5: பாகிஸ்தான் முன்னாள் அதிபரும், முன்னாள் ராணுவ தளபதியுமான பர்வேஸ் முஷரஃப் (97) உடல் நலக் குறைவால் துபாயில் காலமானார்.
மார்ச் 19: சென்னை வளர்ச்சி ஆராய்ச்சி நிறுவனத்தின் முன்னாள் இயக்குநரும் பொருளியல் அறிஞருமான பேராசிரியர் எஸ்.நீலகண்டன் (87) காலமானார்.
மார்ச் 28: இனக்குழு இசை, விளிம்புநிலையி லுள்ள மக்கள், பழங்குடி மக்கள், சமுதாயப் படிநிலை வரிசையில் கீழ்ப்படிகளில் உள்ளவர்கள் இன்னும் பாதுகாத்துவரும் இசையையும் பிற கலை வடிவங்களையும் மரபுகளையும் பற்றிய ஆராய்ச்சியில் ஈடுபட்டவரான ஜப்பானின் யோஷிடாகா தெராடா
காலமானார்.
மார்ச் 29: இந்தியாவின் முன்னோடி ஓவியக் கலைஞர்களில் ஒருவரான விவான் சுந்தரம் (79) காலமானார்.
ஏப்.25: பிரபல திரைப்பட ஆய்வாளர் ராண்டார் கை (86) வயது மூப்பு காரணமாக காலமானார்.
மே 21: திராவிட இயக்கங்கள் பற்றி நூல்கள் எழுதிய பேராசிரியர் ராபர்ட் ஹார்டுகிரேவ் (84) காலமானார்.
மே 22: தென்னிந்திய மொழிகளில் நடித்து புகழ் பெற்ற நடிகர் சரத்பாபு (71) உடல்நலக் குறைவால் ஹைதராபாத்தில் காலமானார்.
மே 29: இந்திய இயற்பியல் துறையின் பேராளுமையாகத் திகழ்ந்த பேராசிரியர் ஜி.ராஜசேகரன் (87) காலமானார்.
ஜூன் 19: புகழ்பெற்ற சமூகவியலாளரும் பேராசிரியருமான இம்தியாஸ் அகமது (83) உடல்நலக் குறைவால் காலமானார்.
ஜூலை 11: பிரபல பிரெஞ்சு எழுத்தாளர் மிலன் குந்தேரா (94) வயது மூப்பு காரணமாக பாரீஸில் காலமானார்.
ஜூலை 18: கேரள முன்னாள் முதல்வரும் காங்கிரஸ் கட்சியின் மூத்த தலைவருமான உம்மன் சாண்டி (79) உடல் நலக் குறைவால் பெங்களூருவில் காலமானார்.
ஜூலை 27: உடல்நலக் குறைவு காரணமாக ஓவியர் மாருதி (86) புனேயில் காலமானார்.
ஆக.6: உழைக்கும் மக்களின் வாழ்க்கையை, பாடுகளை, போராட்டத்தைப் பாடிய மாபெரும் கலைஞர் கத்தர் காலமானார்.
ஆக.9: கல்வெட்டியல் அறிஞர் புலவர் செ.இராசு (85) கோவையில் கால மானார்.
ஆக.15: இந்தியாவில் பொதுக் கழிப்பறைகள் பரவலாக்கம் பெறுவதற்குக் காரணமாக விளங்கிய சமூக சேவகர் பிந்தேஷ்வர் பாடக் (80) காலமானார்.
ஆக.24: ரஷ்யாவுக்கு எதிராக ஆயுத நடவடிக்கையைத் தொடங்கிய ‘வாக்னர்’ அமைப்பின் தலைவர் யெவ்ஜெனி பிரிகோஸின் காலமானார்.
செப்.4: தலைச்சிறந்த மொழிபெயர்ப்பாளரான ஈடித் கிராஸ்மன் (87) காலமானார்.
செப்.8: அரசியல் கேலிச்சித்திர உலகில் மிக முக்கியமானவராகப் போற்றப்பட்ட அஜித் நைனான் (68) மைசூருவில் காலமானார்.
செப்.28: நாட்டின் பசுமைப் புரட்சிக்கு வித்திட்ட வேளாண் விஞ்ஞானி எம்.எஸ். சுவாமிநாதன் (98) வயது முதிர்வு காரணமாக சென்னையில் காலமானார்.
நவ.15: சுதந்திரப் போராட்ட தியாகியும் மார்க்சிஸ்ட் கம்யூனிஸ்ட் கட்சியின் முதுபெரும் தலைவருமான சங்கரய்யா (102) உடல்நலக் குறைவால் சென்னையில் காலமானார்.
நவ.21: இந்தியாவின் தலைசிறந்த கண் மருத்துவர்களில் ஒருவரும், சங்கர நேத்ராலயாவின் நிறுவனருமான டாக்டர் எஸ்.எஸ். பத்ரிநாத் (83) காலமானார்.
நவ.29: உலக விவகாரங்களில் பெரும் தாக்கத்தை ஏற்படுத்திய அமெரிக்காவின் முன்னாள் வெளியுறவுத் துறை அமைச்சர் ஹென்றி கிஸஞ்சர் (100) காலமானார்.
டிசம்பர் 28: தே.மு.தி.க. நிறுவனத் தலைவரும் நடிகருமான விஜயகாந்த் (71) உடல்நலக் குறைவால் சென்னையில் காலமானார்.
மறைந்த முத்துகள்:
டிச. 31, 2022: முன்னாள் போப் பெனடிக்ட் XVI (95), 2005 முதல் 2013 வரை கத்தோலிக்க திருச் சபையின் தலைவராக இருந்தவர்.
ஜனவரி 4, 2023: காங்கிரஸ் கட்சியைச் சேர்ந்த ஈரோடு கிழக்குத் தொகுதி சட்டமன்ற உறுப்பினர் திருமகன் ஈவெரா (45).
ஜனவரி 13: மதுரை எய்ம்ஸ் மருத்துவமனை தலைவர் மருத்துவர் வி. நாகராஜன் (77) காலமானார்.
ஜனவரி 19: இஸ்லாமிய அறிஞரும் வரலாற்று ஆய்வாளருமான அப்துல் கனி அசாரி (101), காஷ்மீர் பல்கலைக்கழகத்தின் அரபி மொழித் துறையின் தலைவராகப் பணி யாற்றியவர்.
ஜனவரி 30: கன்னட எழுத்தாளரும் மொழி பெயர்ப்பாளருமான டி.வி. திருமலேஷ் (82), ‘அக்ஷயா காவ்யா’ நூலுக்காக சாகித்ய அகாடமி விருது பெற்றவர்.
பிப்ரவரி 5: இயக்குநரும் நடிகருமான டி.பி. கஜேந்திரன், 15 படங்களை இயக்கியுள்ளார். நூற்றுக்கும் மேற்பட்ட படங்களில் நடித்துள்ளார்.
பிப்ரவரி 19: திரைப்பட நகைச்சுவை நடிகர் மயில் சாமி (57) திடீர் மாரடைப்பால் காலமானார்.
ஏப்ரல் 10: நேர்மையான முறையில் தேர்தலை நடத்தியதற்காகப் பெயர்பெற்ற தமிழ்நாடு முன்னாள் தலைமை தேர்தல் அதிகாரி நரேஷ் குப்தா (72) காலமானார்.
ஏப்ரல் 25: சிரோன்மணி அகாலி தளக் கட்சியின் முன்னாள் தலைவரான பிரகாஷ் சிங் பாதல் (95) காலமானார். பஞ்சாப் முதல்வராக இவர் ஐந்து முறை பதவி வகித்தவர்.
மே 3: மே 3: இயக்குநர், நடிகர், தயாரிப்பாளரான மனோ பாலா (69) காலமானார். 40 திரைப்படங்களையும் 16 தொலைக்காட்சித் தொடர் களையும் இயக்கி யுள்ளார்.
ஜூன் 10: அன்னை மங்கலம் ஐயாசாமி (97) காலமானார். மலேசியாவின் அன்னை தெரசா என்று அழைக்கப்பட்டவர்.
ஆகஸ்ட் 11: கவிஞரும் எழுத்தாளருமான வாய்மைநாதன் (86) காலமானார். மரபுக் கவிதையில் தேர்ந்தவர். மதுரை வீரன் (கவிதை நாடகம்),
தியாகி களப்பால் குப்பு (வாழ்க்கை வரலாறு) உள்ளிட்ட நூல்களை எழுதியுள்ளார்.
செப்டம்பர் 8: திரைப்பட இயக்குநரும் நடிகருமான மாரிமுத்து (57) உடல்நலக் குறைவால் சென்னையில் காலமானார். சமீப காலமாகச் சின்னத்திரை நடிகராகவும் புகழ்பெற்றிருந்தார்.
செப்டம்பர் 24: மலையாள இயக்குநரான கே.ஜி. ஜார்ஜ் (77) காலமானார். கேரள அரசின் ஜே.சி.டேனியல் விருதையும் மத்திய அரசின் தேசிய விருதையும் பெற்றவர். இவரது ஏழு படங்கள் சர்வதேசத் திரை விழாக்களில் திரையிடப்பட்டுள்ளன.
அக்டோபர் 19: மேல் மருவத்தூர் ஆதிபராசக்தி சித்தர் பீடத்தின் நிறுவனரும் ஆன்மிகக் குருவுமான பங்காரு அடிகளார் (82) காலமானார்.
அக்டோபர் 23: இந்திய கிரிக்கெட் அணியின் முன்னாள் கேப்டனும் ஜாம்பவான் வீரருமான பிஷன் சிங் பேடி (77) உடல் நலக் குறைவால் டெல்லியில் காலமானார். 1966 முதல் 1979 வரை இந்திய அணியில் விளையாடியவர் இவர்.
நவம்பர் 2: நடிகர் ஜூனியர் பாலையா (70) உடல் நலக் குறைவால் சென்னையில் காலமானார்.
நவம்பர் 17: இந்திய வரலாற்று ஆய்வாளரான பி.என். கோஸ்வாமி, 26க்கும் மேற்பட்ட நூல்களை எழுதியுள்ளார். அவற்றில் ஓவியக் கலை குறித்தவை கணிசமானவை.
நவம்பர் 23: தமிழ்நாடு முன்னாள் ஆளுநர் பாத்திமா பீவி (96) கேரள மாநிலம் கொல்லத்தில் காலமானார். 1997-2001 வரை தமிழ்நாடு ஆளுநராக இருந்தவர். இவர் உச்ச நீதிமன்றத்தின் முதல் பெண் நீதிபதியாவார்.
டிசம்பர் 14: தமிழ்த் திரைப்பட இயக்குநரும் மூத்த நடிகருமான ரா.சங்கரன் (92) காலமானார். ‘தேன் சிந்துதே வானம்’, ‘தூண்டில் மீன்’, ‘வேலும் மயிலும் துணை’ போன்ற படங்களை இயக்கியுள்ளார்.