நெட்டிசன் நோட்ஸ்: 2ஜி தீர்ப்பும் சனி பகவானின் பார்வையும்!

2ஜி அலைக்கற்றை ஒதுக்கீடு ஊழல் வழக்கில் ஆ.ராசா மற்றும் கனிமொழி உள்ளிட்ட அனைவரையும் விடுவித்து சிபிஐ சிறப்பு நீதிமன்றம் தீர்ப்பு வழங்கியுள்ளது. இதுதொடர்பாக நெட்டிசன்கள் பகிர்ந்துவரும் கருத்துகளின் தொகுப்பு இன்றைய நெட்டிசன் நோட்ஸில்…

Vadivel Paramasivam

உச்ச நீதிமன்றத்தின் வழிகாட்டுதலின்படி உச்ச நீதிமன்றத்தின் கண்காணிப்பில் நடந்த வழக்கு என்பதால் நீதிபதி எடுத்தோம் கவிழ்த்தோம் என்று தீர்ப்பு எழுதியிருக்க முடியாது!

Sridhar Subramaniam

குஜராத் கலவர வழக்கில் மோடி குற்றமற்றவர், ஏனெனில் நீதிமன்றத்தால் அவர் விடுவிக்கப்பட்டுவிட்டார் என்று பாஜக அபிமானிகள் இத்தனை வருடங்களாக வாதாடி வருகிறார்கள்.

அந்த வாதம் ஏற்றுக் கொள்ளத்தக்கது என்றால் அதே வாதப்படி திமுகவும் 2ஜி விஷயத்தில் குற்றமற்றது என்றே ஏற்றுக்கொள்ள வேண்டும். பாஜக அபிமானிகள் இந்தத் தீர்ப்பை இகழ்வது தவறு என்று கருதுகிறேன்.

Karthick Krishna

இவங்க ரிலீஸ் ஆனது கூட பரவால்ல... வெளியே வந்து ''தர்மத்தின் வாழ்வுதனைனு.......'' ஆரம்பிப்பாங்க பாருங்க.. அதை நினைச்சாதான்...

D S Gauthaman

அடுத்து 2ஜி வழக்கில் எச்.ராஜா, தமிழிசை என்ன தீர்ப்பு சொல்வாங்கன்னு வெயிட்டிங்!

பாஜக ஆட்சிக்கு வந்ததால் திமுகவில் ஊழல் ஒழிந்ததுன்னு சொன்னாலும் சொல்வாங்க!

டான் அசோக்

இந்தியாவிலேயே மிகப்பெரிய ஊழல் என ஜோடிக்கப்பட்ட வழக்கைக் கண்டு அஞ்சவில்லை. நீதிமன்றத்தில் வக்கீலை அனுப்பி வாய்தா மேல் வாய்தா வாங்கிப் பதுங்கவில்லை. பல பத்தாண்டுகள் வழக்கை இழுத்தடிக்கவில்லை.

தொலைக்காட்சி நேரலைகளில் மக்களுடன் கலந்துரையாடி தன் தரப்பை தொடர்ந்து எடுத்து வைத்தார். "ஆமாம். மொபைல் அழைப்புகளின் விலையைக் குறைத்த நான் ஸ்பெக்ட்ரம் ராசா தான்," என துணிச்சலாக அறிவித்தார்.

பெரியாரைப் போல தனக்காக தானே நீதிமன்றத்தில் இறங்கி வாதாடினார். அவருடைய பல வாதங்கள் செய்தித்தாள்களில் வெளியாகின. அதில் குறிப்பிடத்தக்க ஒன்று, எதிர்தரப்பு வழக்கறிஞர், "அதிர்ஷ்டம் இருப்பவர்கள் ஜெயிக்கட்டும்," எனச் சொல்ல, இவரோ, "அதிர்ஷ்டத்தில் எனக்கு நம்பிக்கை இல்லை உண்மை யார் பக்கம் இருக்கிறதோ அவர்கள் ஜெயிக்கட்டும்," என்றார்.

வாழ்க்கையில் நம் மீது எழுப்பப்படும் பொய்யான குற்றச்சாட்டுக்களை எப்படி கேலி கிண்டல்களுக்கு அஞ்சாமல், விலகி ஓடாமல் நெஞ்சுரத்தோடு எதிர்கொள்ள வேண்டும் என்பதற்கு ஆ.ராசா ஒரு மாபெரும் உதாரணம்.

Srinivasan J

நீதிமன்றமே விடுதலை செய்தாலும் திமுக ஊழல் கட்சி! அதானே?

உச்ச நீதிமன்றமே குற்றவாளி என அறிவித்தாலும் ஜெ. உத்தமர்! அதானே???

ரா புவன்

2ஜி பற்றி யோசிக்கவேண்டியது நிறைய இருக்கிறது. கண்டிப்பாக ரூ.1.76 லட்சம் கோடி ஊழல் என்பது பொய்தான். ஆனால் 1 ரூபாய் கூட ஊழலே கிடையாது என்பதையெல்லாம் நம்புமளவுக்கு நாம் முட்டாள் கிடையாது. அனைத்தும் அரசியல், அனைத்தும் அதிகாரம்.

Ganeshan Gurunathan

பாஜக அனுதாபிகள் காங்கிரசே பரவாயில்லையே என நினைக்கவும், திமுக அனுதாபிகள் பாஜகவே பரவாயில்லையே என நினைக்கவும் வாய்த்த விநோத சூழல்..!

Kadanganeriyaan Perumal

சாதிக் பாட்ஷா ஆன்மா சாந்தியடையட்டும்....

Vijay Sivanandam

நேற்று நிறைய துப்பறிவாளர்களைக் கண்டோம்....

இன்று பல சட்ட வல்லுநர்களைக் காண்கிறோம்...

எப்படி பேஸ்புக்ல மட்டும் எல்லோரும் இம்புட்டு அறிவா இருக்காங்க.....

Ag Sivakumar

உடன்பிறப்புகளோட ஆட்டம் ரொம்ப ஓவரா இருக்கே? இருங்கய்யா.,. சுப்பிரமணியன் சாமி அப்பீலுக்கு போயிருக்காராம். அந்த தீர்ப்பும் வரட்டும்.

Rahim Journalist

இலையுடன் கூட்டணி வைப்பதற்குப் பதிலாக.... கனியுடன் கூட்டணி வைக்கும் மலர்... #2ஜி

KR Athiyaman

அரசியல் அழுத்தங்களை விட பணத்திற்கு விலை போகும் நீதிபதிகள்தான் அதிகம்.

Sundaram Chinnusamy

பிரதமரின் இன்ப்ளூயன்சினால்தான் தீர்ப்பு திமுகவுக்கு சாதமாக வந்ததுன்னு பாஜக ஆதரவாளர்களே சொல்றாங்க...

என்னய்யா சொல்றீங்க? கோர்ட்டை இன்ப்ளூயன்ஸ் செய்வது எவ்வளவு குற்றம்னு தெரியுமா?

மதுரை ரவி‏ @ravisankarmdu

2ஜி விடுதலைக்கு பிறகு அடுத்ததென்ன?

நம்ம சின்னம்மா விடுதலைதான்! கொய்ங்க்!

கர்ணாசக்தி‏ @karna_sakthi

2ஜி ஊழல் என்கிற அரசியல் ஆதாயத்திற்காக ஊதிப்பெருக்கப்பட்ட பலூனை நீதி எனும் ஊசிமுனையால் குத்தி படீர் என வெடிக்கவைத்த நீதிமன்றத்திற்கு நன்றி. அறத்துடன் நேர்மையாக போராடிய ராசாவிற்கு வாழ்த்துக்கள்.

எமகாதகன் @Aaathithamizhan

இந்த செய்தியைக் கேட்ட சந்தோஷத்தில் கலைஞருக்குத் தலை கால் புரிய ஆரம்பிச்சிடும். எழுந்து நடந்தாலும் ஆச்சர்யப்படுவதற்கில்லை.

மெத்த வீட்டான்‏ @HAJAMYDEENNKS

காற்றை பிடித்து சாட்சிக்கு வைத்திருந்தால் 2ஜி வழக்கில் கனிமொழிக்குத் தண்டனை கிடைத்திருக்கும்!

வாழை.வை.சு.பா @kalpbagya32

2ஜி வழக்கில் கனிமொழி, ராசா விடுதலை: செய்தி

கடவுளையே நம்பாத ஆளுகளுக்குத்தான் சனிபகவான் பார்வை கூடப் படாது போல!

ஆல்தோட்டபூபதி‏ @thoatta

ஏர்டெல் 4ஜி ஸ்பீடுல போடப்பட்ட வழக்கு, பிஎஸ்என்எல் 3ஜி ஸ்பீடுல நடந்து, ஐடியா 2ஜி ஸ்பீடு மாதிரி தீர்ப்பு கிடைச்சிருக்கு

மெத்த வீட்டான்‏ @HAJAMYDEENNKS

2ஜி வழக்கில் கனிமொழி, ராசா விடுதலை.

இனி திமுகவில் தில்லாவார் மு.க.!

சிந்தனையாளன் @ungalhabeeb

2ஜி வழக்கில் கனிமொழி, ராசா குற்றவாளி இல்லை.

இதை சொல்ல 6 வருஷமா?- 2ஜி வழக்கு 2ஜி வேகத்துலயே...

Hariharasuthan Thangavelu

7 1/2 வருசம் வச்சு செஞ்சா அது சனி.

7 வருசம் வச்சும் ஒண்ணுமே செய்யாம விட்டா அது சைனி. #2ஜிதீர்ப்பு