2022 எப்படி இருக்கும்? ரோகிணி நட்சத்திர அன்பர்களே! பாராட்டு கிடைக்கும்; கூடுதல் லாபம்; திறமை வெளிப்படும்; ஆரோக்கியத்தில் கவனம்! 

- பெருங்குளம் ராமகிருஷ்ண ஜோஸ்யர்

ரோகிணி:

சந்திரனை நட்சத்திரநாதனாகக் கொண்ட ரோகிணி நட்சத்திரத்தில் பிறந்த அன்பர்களே!

இந்த ஆண்டு செயல்திறன் மூலம் பாராட்டு கிடைக்கும். வாழ்க்கையில் திடீர் திருப்பங்கள் ஏற்படலாம். தெய்வ நம்பிக்கை அதிகரிக்கும். உடல்நல பாதிப்பு உண்டாகலாம். உஷ்ணம் சம்பந்தமான நோய் வரலாம். பணப் பற்றாக்குறை ஏற்படலாம். தொழில் வியாபாரத்தில் ஈடுபட்டு இருப்பவர்கள் கூடுதலான லாபம் கிடைக்கப் பாடுபடுவார்கள்.

உத்தியோகத்தில் இருப்பவர்கள் அரசு அதிகாரிகள் மற்றும் உயர் அதிகாரிகளிடம் கவனமாக நடந்து கொள்வது நன்மை தரும். புதிய வேலைக்கு முயற்சி செய்பவர்கள் அலைய வேண்டி இருக்கலாம். குடும்பத்தில் கூடுதல் செலவு உண்டாகும். வாழ்க்கைத் துணையின் உடல் நலத்தில் கவனம் தேவை. பிள்ளைகளின் நலனுக்காக பாடுபடவேண்டியிருக்கும்.

கணவன் மனைவிக்கிடையே கோபமான வார்த்தைகளைத் தவிர்ப்பது நல்லது. பெண்களுக்கு பணத்தேவை உண்டாகும். செயல்திறன் வெளிப்படும். கலைத்துறையினருக்கு எதிர்ப்புகள் அகலும். அரசியல்வாதிகளுக்கு பணவரத்து கூடும். மாணவர்கள் கல்விக்காக செலவு செய்ய வேண்டி இருக்கும். விளையாட்டில் திறமை வெளிப்படும். ஆசிரியர்கள் வழிகாட்டுதல்படி நடப்பது நன்மைதரும்.

பொதுவாக இந்த ஆண்டு உங்கள் வாழ்க்கையில் நல்ல மாற்றம் வரும்.

பரிகாரம்: கிருஷ்ணரை வணங்கிவர எல்லா காரியங்களும் நன்மையாக நடக்கும். மனதிருப்தி கிடைக்கும்.

மதிப்பெண்கள்: 81% நல்லபலன்களை எதிர்பார்க்கலாம்.
************************************************