மேஷம்: தடைபட்டுவந்த காரியங்களெல்லாம் இன்று சுமுகமாக முடியும். சொந்த - பந்தங்களுக்கு மத்தியில் மதிக்கப்படுவீர்கள். வீடு, வாகன பராமரிப்புச் செலவுகள் அதிகரிக்கும். வீண் விவாதங்களைத் தவிர்ப்பீர்.
ரிஷபம்: சில காரியங்களை போராடி முடிப்பீர்கள். அநாவசியமாக யாருக்காகவும் எந்த உறுதிமொழியும் தர வேண்டாம். வெளி உணவுகளை தவிர்ப்பது நல்லது. நண்பர், உறவினர்களுடன் மனத்தாங்கல் உண்டாகும்.
மிதுனம்: மனநிறைவுடன் சில காரியங்களை செய்து முடிப்பீர்கள். சொந்தங்களின் வருகையால் வீட்டில் மகிழ்ச்சிகிட்டும். பூர்வீக வீட்டை சீரமைத்து விரிவுபடுத்தி கட்டுவீர்கள். வீண் அலைச்சலைத் தவிர்க்கவும்.
கடகம்: குடும்பத்தில் அமைதி நிலவும். நட்பு வட்டாரம் விரியும். கடன் பிரச்சினைகளுக்கு மாற்றுவழி காண்பீர்கள். கணவன் - மனைவிக்குள் அன்யோன்யம் பிறக்கும். வீட்டுக்கு தேவையானதை வாங்குவீர்கள்.
» நெல்லிக்குப்பம் அருகே அமைச்சர் பொன்முடி பயணித்த கார் மோதி இருவர் காயம்
» கரூர் - கோவை 4 வழிச்சாலை பணி ஓராண்டில் முடிக்கப்படும்: அமைச்சர் எ.வ.வேலு தகவல்
சிம்மம்: பிரியமானவர்களின் சந்திப்பு நிகழும். குடும்பத்தில் உள்ளவர்களிடம் மனம் விட்டுப் பேசுவீர்கள். முக்கிய விஐபிகளின் ஆதரவு கிடைக்கும்.பழைய கடனில் ஒன்று தீர வழி கிடைக்கும். பொருள் சேரும்.
கன்னி: தன்னம்பிக்கை பிறக்கும். விடாப்பிடியாக செயல்பட்டு சில வேலைகளை முடிப்பீர்கள். கணவன் - மனைவிக்குள் அன்யோன்யம் பிறக்கும். பணப் பற்றாக்குறை நீங்கும். பால்ய நண்பர்களை சந்தித்து மகிழ்வீர்கள்.
துலாம்: மனதில் பட்டதை பளிச்சென்று பேசுவீர்கள். குடும்பத்தில் கலகலப்பான சூழல் ஏற்படும். உறவினர்களால் மனநிம்மதி கிட்டும். யாருக்கும் எதற்காகவும் உறுதிமொழி தர வேண்டாம். பணவரவு உண்டு.
விருச்சிகம்: சொன்ன சொல்லைக் காப்பாற்ற பரபரப்புடன் செயல்படுவீர்கள். மனதுக்குப் பிடித்தவர்களுக்காக அதிகம் செலவு செய்வீர்கள். உடல் ஆரோக்கியம், பணவரவு திருப்திகரமாக இருக்கும்.
தனுசு: பழைய நினைவுகளில் மூழ்குவீர்கள். சிலர் நன்றி மறந்து பேசுவார்கள். வெளிவட்டாரத்தில் பெரிய பொறுப்புகளை உங்களை நம்பி ஒப்படைப்பார்கள். தேவையற்ற விவாதங்களைத் தவிர்ப்பீர்.
மகரம்: குடும்பத்தில் மகிழ்ச்சி தங்கும். உடல் நிலை சீராக அமையும். உறவினர்களின் வருகையுண்டு. கனவுத்தொல்லை, தூக்கமின்மை விலகும். வெளியூர் பயணம் செல்லத் திட்டமிடுவீர்கள். பணவரவு உண்டு.
கும்பம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என எண்ணுவீர்கள். உடல் ஆரோக்கியம் திருப்திகரமாக இருக்கும். நவீன மின்னணு சாதனம் வாங்குவீர்கள்.
மீனம்: வீண் செலவுகளை தவிர்ப்பீர். பேச்சில் தன்னம்பிக்கை பிறக்கும். குடும்ப வருமானத்தை உயர்த்த முயற்சி செய்வீர்கள். பழைய வாகனம் செலவு வைக்கும். யாருக்கும் ஜாமீன் கையெழுத்திட வேண்டாம்.
- ஜோதிஷபூஷண் வேங்கடசுப்பிரமணியன்