இந்தநாள் உங்களுக்கு எப்படி?- 12 ராசிகளுக்கும் உரிய பலன்கள்

மேஷம்: பழைய கசப்பான சம்பவங்களைப் பற்றி யாரிடமும் விவாதிக்க வேண்டாம். சில விஷயங்களுக்கு அனுபவ அறிவை பயன்படுத்துவது நல்லது. வாகனம் செலவு வைக்கும்.

ரிஷபம்: நண்பர்களுடன் இருந்த மனக்கசப்பு நீங்கும். குடும்பத்தில் உங்கள் கை ஓங்கும். பிறமொழி பேசுபவர்கள் உதவுவார்கள். வீடு பராமரிப்பை மேற்கொள்வீர்கள்.

மிதுனம்: வழக்கில் சாதகமான தீர்ப்பு வரும். அரசால் அனுகூலம் உண்டு. பழைய கடனில் ஒரு பகுதியை பைசல் செய்ய வழி பிறக்கும். பூர்வீக சொத்துப் பிரச்சினை சுமுகமாகும்.

கடகம்: விலகியிருந்த சொந்தபந்தங்கள் தேடிவந்து பேசுவார்கள். பிள்ளைகளை அவர்களின் போக்கிலேயே விட்டு பிடியுங்கள். குலதெய்வ கோயிலை புதுப்பிக்க உதவுவீர்கள்.

சிம்மம்: குழப்பமாக இருந்து சில விஷயங்களில் தெளிவு பிறக்கும். திட்டமிட்ட காரியங்களை சிறப்பாக முடிப்பீர்கள். வீடு, மனை வாங்குவது நல்ல விதத்தில் முடிவடையும்.

கன்னி: வழக்கில் திடீர் திருப்பம் உண்டாகும். விஐபிகள் அறிமுகமாவார்கள். கணவன் - மனைவிக்குள் அன்யோன்யம் அதிகரிக்கும். நீண்டகாலமாக எதிர்பார்த்திருந்த தொகை கைக்கு வரும்.

துலாம்: பெரிய பதவியில் இருப்பவர்களின் தொடர்பும் உதவியும் கிடைக்கும். விலை உயர்ந்த ஆபரணங்கள் வாங்குவீர்கள். வீடு கட்டும் பணியில் இருந்த தேக்க நிலை மாறும்.

விருச்சிகம்: முன்கோபம் அடிக்கடி தலைதூக்கும். உடல் நலத்தில் கவனம் தேவை. அரசு காரியங்கள் தாமதமாக முடியும். யாருக்கும் சாட்சி, உத்தரவாத கையெழுத்து போட வேண்டாம்.

தனுசு: எதிர்காலம் பற்றிய கவலைகள் அவ்வப்போது வந்து போகும். ஆழ்ந்த உறக்கம் இல்லாமல் போகும். வீண் அலைச்சல், செலவுகள் ஏற்படக் கூடும். தாயாரின் உதவி கிடைக்கும்.

மகரம்: புகழ், கவுரவம் உயரும். புது வேலை அமையும். அரசால் ஆதாயம் உண்டு. பங்கு வர்த்தகம் மூலம் பணம் வரும். உறவினர் மத்தியில் மதிப்பு உயரும். கலைப்பொருட்கள் சேரும்.

கும்பம்: புது பொறுப்புகளுக்கு தேர்ந்தெடுக்கப்படுவீர்கள். அயல்நாடு செல்வதற்கான முயற்சியில் முன்னேற்றம் ஏற்படும். தந்தைவழி சொத்து சம்பந்தப்பட்ட வழக்குகள் சாதகமாகும்.

மீனம்: உங்களின் நிர்வாகத் திறன் கூடும். முக்கிய முடிவுகளை தள்ளிப் போடாமல் உடனடியாக எடுப்பீர்கள். சமூகத்தில் பெரிய அந்தஸ்தில் இருப்பவர்கள் அறிமுகமாவார்கள்.