இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திட்டமிட்ட காரியங்களை சிறப்பாக செய்து முடிப்பீர்கள். கணவன் - மனைவிக்குள் அன்யோன்யம் அதிகரிக்கும். பிள்ளைகளை பொறுப்பாக வளர்க்க வேண்டும் என எண்ணுவீர்கள்.

ரிஷபம்: குடும்பத்தில் பல விஷயங்களையும் நீங்களே பார்க்க வேண்டியது வரும். தர்மசங்கடமான சூழ்நிலைகளில் அவ்வப்போது சிக்கி தவிப்பீர்கள். திடீர் பயணம் ஏற்படக் கூடும்.

மிதுனம்: எதிர்பார்த்த இடத்திலிருந்து பணம் வரும். புதிய சிந்தனைகள் மனதில் தோன்றும். கணவன் - மனைவிக்குள் மனம்விட்டுப் பேசுவீர்கள். உடன்பிறந்தவர்களின் ஆதரவு கிட்டும்.

கடகம்: திறமையுடன் செயல்பட்டு சில காரியங்களை முடிப்பீர்கள். மனதில் நிலவிய குழப்பங்கள் நீங்கும். வேற்றுமதத்தினரால் நன்மை கிட்டும். முன்கோபம், வீண் அலைச்சல் விலகும்

சிம்மம்: நீண்டகால கடனை பைசல் செய்வதற்கான வழி பிறக்கும். வெளிவட்டாரத்தில் மதிக்கப்படுவீர்கள். வீண் டென்ஷன், அலைச்சல் நீங்கும். வீடு, வாகனத்தை சீர் செய்வீர்கள்.

கன்னி: வெளியூரிலிருந்து எதிர்பார்த்த நல்ல செய்தி வந்து சேரும். குடும்பத்தினருடன் ஆலோசித்து முக்கிய முடிவுகள் எடுப்பீர்கள். ஆடம்பரச் செலவுகளை தவிர்ப்பது நல்லது.

துலாம்: எதிர்காலத்துக்கான முக்கிய முடிவுகள் எடுப்பீர்கள். ஆன்மிகத்தில் நாட்டம் அதிகரிக்கும். தாய்வழி உறவினரால் நன்மையுண்டு. பிரியமானவர்களைச் சந்தித்து மகிழ்வீர்கள்.

விருச்சிகம்: சிக்கனமாக செலவழித்து சேமிக்கத் தொடங்குவீர்கள். கணவன் - மனைவிக்குள் நிலவிய கருத்துவேறுபாடு நீங்கும். பிள்ளைகளால் பெருமையடைவீர்கள். பயணங்கள் மகிழ்ச்சி தரும்.

தனுசு: அலைச்சல், வேலைச்சுமையால் சோர்வாக காணப்படுவீர்கள். குடும்பத்தில் ஈகோ பிரச்சினை தலைதூக்கும். சில விஷயங்களுக்கு அனுபவ அறிவை பயன்படுத்துவது நல்லது.

மகரம்: நவீன மின்சாதனங்கள் வாஙகுவீர்கள். யாருக்கும் பணம், வாங்கித் தருவதில் தலையிட வேண்டாம். சுபச்செலவு அதிகரிக்கும். வீடு, மனை வாங்குவது குறித்து ஆலோசிப்பீர்கள்.

கும்பம்: எண்ணம்போல் செயல்பட வேண்டும் என்று எண்ணுவீர்கள். குடும்பத்தினரின் ஆதரவு கிட்டும். சொத்து சம்பந்தப்பட்ட பிரச்சினைகளுக்கு சுமுக தீர்வு ஏற்படும். கலைப்பொருட்கள் சேரும்.

மீனம்: மனதில் பட்டதை பளிச்சென்று பேசி அனைவரையும் ஆச்சரியப்படுத்துவீர்கள். கணவன் - மனைவிக்குள் அன்பு மேலோங்கும். விருந்தினர், நண்பர்கள் வருகையால் வீடு களைகட்டும்.