இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பிள்ளைகள் படிப்பு தொடர்பாக அலைச்சல், டென்ஷன் அதிகரிக்கும். மூத்தோரின் சொல் பேச்சை கேட்டு முக்கிய முடிவுகளை எடுக்கவும். வியாபாரத்தில் ஓரளவு லாபமுண்டு. அலுவலகத்தில் அமைதி காக்கவும்.

ரிஷபம்: நேர்கொண்ட பார்வையுடன் முடிவெடுப்பீர். பிரபலங்கள் உதவுவார்கள். அலுவலகரீதியான பயணம் சிறப்பாக அமையும். வியாபாரத்தில் பணியாட்கள் கடமையுணர்வுடன் செயல்படுவர். ஓரளவு லாபமுண்டு.

மிதுனம்: தேவைகள் பூர்த்தியாகும். வெளிவட்டாரத் தொடர்பு அதிகரிக்கும். பழைய கடனைத் தீர்க்க முயற்சி செய்வீர்கள். வியாபாரத்தில் இருந்த டென்ஷன் விலகும். அலுவலகத்தில் யாரையும் பகைத்துக் கொள்ளாதீர்கள்.

கடகம்: நினைத்தது நிறைவேறும். பிள்ளைகள் குடும்ப சூழ்நிலை அறிந்து செயல்படுவர். உங்களைச் சுற்றி இருப்பவர்களில் நல்லவர் யார் என்பதை கண்டறிவீர். வியாபாரம், உத்தியோகத்தில் முன்னேற்றம் காண்பீர்கள்.

சிம்மம்: புது வீடு, மனை, வாகனம் வாங்குவது குறித்து யோசிப்பீர். வெளியூர் பயணங்களால் ஆதாயம் உண்டு. கூட்டுத்தொழிலில் போட்டி விலகும். அலுவலகத்தில் பணிச்சுமை குறையும். மேலதிகாரிகள் பாராட்டுவார்கள்.

கன்னி: தாயாரின் மருத்துவ செலவுகள் தொடர்பான கவலைகள் அதிகரிக்கும். வியாபாரத்தில் பாக்கிகளை வசூலிக்கும்போது இங்கிதமாக பேசி காரியம் சாதிக்கப் பாருங்கள். அலுவலகத்தில் கூடுதலாக பணிகள் சேரும்.

துலாம்: நீங்கள் முன்பு செய்த உதவிகளுக்கு இப்போது பாராட்டப்படுவீர்கள். உறவினர்கள் மத்தியில் மதிப்பு, உயரும். வியாபாரத்துக்காக புது சரக்குகளை கொள்முதல் செய்வீர். அலுவலகத்தில் அமைதி காப்பது நல்லது.

விருச்சிகம்: இங்கிதமான பேச்சால் அனைவரையும் கவருவீர்கள். தோற்றப் பொலிவு கூடும். பிள்ளைகள் நம்பிக்கை தருவார்கள். அலுவலகரீதியான பயணங்கள் சிறப்பாக அமையும். தொழிலில் போட்டிகள் குறையும்.

தனுசு: சுறுசுறுப்புடன் செயல்களை விரைந்து முடிப்பீர். குடும்பத்தில் கலகலப்பான சூழல் ஏற்படும். சிந்தனைத் திறன் அதிகரிக்கும். உத்தியோகத்தில் ஏற்றம் காண்பீர். வியாபாரம் சூடு பிடிக்கும். பழைய பாக்கி வசூலாகும்.

மகரம்: குடும்பத்தாரின் உணர்வுகளை புரிந்து கொள்வீர். பிள்ளைகளால் பெருமையடைவீர். சொத்து வழக்கில் இருந்த தேக்க நிலை மாறும். வியாபாரம் சிறக்கும். அலுவலகரீதியாக முக்கிய பிரமுகர்களை சந்திப்பீர்.

கும்பம்: வாழ்க்கையின் நெளிவு, சுளிவுகளை கற்றுக் கொள்வீர். நண்பர்கள் உதவியுடன் வேலை கிடைக்கும். மனைவிவழி உறவினர்கள் பணிவார்கள். வியாபாரம் லாபம் தரும். அலுவலகத்தில் நற்பெயர் கிட்டும்.

மீனம்: குழப்பம் நீங்கி தெளிவு பிறக்கும். தள்ளிப்போன சுபகாரியங்கள் கை கூடி வரும். பணவரவால் வீடு, வாகனத்தை மாற்றுவீர். கூட்டுத்தொழிலில் பங்குதாரர் உதவிகரமாக நடந்து கொள்வார். உத்தியோகம் சிறக்கும்.

- ஜோதிஷபூஷண் வேங்கடசுப்பிரமணியன்