இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பழைய பிரச்சினைகளுக்கு மாறுபட்ட அணுகு முறையால் தீர்வு காண்பீர். ஆன்மிக நாட்டம் அதிகரிக்கும். உத்தியோகத்தில் அதிகாரிகள் முக்கிய அறிவுரை தருவர். வியாபாரரீதியான பயணம் ஆதாயம் தரும்.

ரிஷபம்: வீண் அலைச்சல், காரியத் தடை வரக் கூடும். எதிலும் நிதானத்துடன் செயல்படுவது நல்லது. அக்கம் பக்கத்தினருடன் அளவாக பழகவும். வியாபாரத்தில் ஓரளவு லாபமுண்டு. அலுவலகத்தில் அமைதி காக்கவும்.

மிதுனம்: குடும்பத்தாரின் ஒத்துழைப்பு அதிகரிக்கும். சேமிக்கும் எண்ணம் மனதில் தோன்றும். பிள்ளைகளால் பெருமை அடைவீர். அலுவலகத்தில் மதிப்பு உயரும். வியாபாரத்தில் புது வாடிக்கையாளர்கள் வருவார்கள்.

கடகம்: அரசு காரியங்களில் இருந்து வந்த தடைகள் விலகும். வெளிவட்டாரத் தொடர்பு அதிகரிக்கும். பயணங்கள் மகிழ்ச்சி தரும். வியாபாரத்தில் சரக்குகள் விற்று தீரும். அலுவலகத்தில் குழப்பம் நீங்கி நிம்மதி உண்டு.

சிம்மம்: ஒதுங்கியிருந்த உறவினர், நண்பர்கள் ஓடி வந்து பேசுவர். தம்பதிக்குள் நெருக்கம் அதிகமாகும். அக்கம் பக்கத்தினர் ஆதரவாக இருப்பர். வியாபாரத்தில் பாக்கி வசூலாகும். அலுவலகரீதியான பயணம் மேற்கொள்வீர்.

கன்னி: அவசரத்துக்கு கைமாற்றாக வாங்கியிருந்த தொகையை தந்து முடிப்பீர். தாய்வழி உறவினர் மத்தியில் மதிப்பு கூடும். வியாபாரம் விறுவிறுப்பாக அமையும். அலுவலகத்தில் விரும்பிய இடத்துக்கு மாற்றப்படுவீர்.

துலாம்: பிள்ளைகளின் பிடிவாதம் குறைந்து உங்கள் பேச்சுக்கு செவி சாய்ப்பர். மகளுக்கு உடனே திருமணம் கூடி வரும். வியாபாரத்தில் வராக் கடன் வந்து சேரும். அலுவலகத்தில் உங்கள் மீது இருந்த வீண் பழி விலகும்.

விருச்சிகம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லை நீங்கும். வியாபாரத்தில் ஏற்றம் காண்பீர். அலுவலகத்தில் இழு பறியாக இருந்த பணிகள் அனைத்தையும் முடிப்பீர்.

தனுசு: குடும்பத்தில் விட்டு கொடுத்து போவது நல்லது. பிள்ளைகளால் வீண் செலவு இருக்கும். வியாபாரத்தில் போட்டிகள் இருக்கும். புதிய பங்குதாரர் கிடைப்பார். அலுவலகத்தில் விவாதங்களை முற்றிலும் தவிர்ப்பீர்.

மகரம்: வெளிவட்டாரத்தில் கவுரவப் பதவிகள் தேடி வரும். மனைவிவழியில் ஒத்துழைப்பு அதிகரிக்கும். புதுவேலை அமையும். அரசால் அனுகூலம் உண்டு. வியாபாரம் சூடு பிடிக்கும். உத்தியோகத்தில் ஏற்றம் காண்பீர்.

கும்பம்: சுறுசுறுப்புடன் செயல்படுவீர். அதிகாரப் பதவியில் இருப்பவர்களின் அறிமுகம் கிடைக்கும். வியாபாரத்தில் புது சரக்குகளை கொள்முதல் செய்வீர். அலுவலகத்தில் மதிப்பு, மரியாதை உயரும். பொறுப்பு கூடும்.

மீனம்: முக்கிய பிரமுகர்களின் உதவியுடன் சில காரியங்களை விரைந்து முடிப்பீர். அரசால் அனுகூலம் உண்டாகும். வியாபாரத்தில் பாக்கிகளை வசூலிப்பீர். அலுவலகத்தில் யாரைப் பற்றியும் குறை கூறாதீர்கள்.

- ஜோதிஷபூஷண் வேங்கடசுப்பிரமணியன்