இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அனைத்து வகையிலும் வெற்றி கிடைக்கும். எதிரிகள் கனிவாக பேசி சமாதானத்துக்கு வருவார்கள். குடும்பத்தில் சந்தோஷம் நிலைக்கும். எதிர்பார்த்த நல்ல செய்தி வந்து சேரும். வாகன பழுது நீங்கும்.

ரிஷபம்: எக்காரியத்திலும் நிதானமாக செயல்படவும். குடும்பத்தில் மூத்தோர் அறிவுரையை ஏற்று நடப்பது நல்லது. வியாபாரத்தில் சரக்குகள் தேங்கும். ஆன்மிகம், தியானத்தில் நாட்டம் ஏற்படும்.

மிதுனம்: கடந்தகால சுகமான அனுபவங்களை நினைத்துப் பார்த்து மகிழ்வீர்கள். வீடு, வாகனத்தை சரிசெய்வீர்கள். பிள்ளைகள் கேட்டதை வாங்கி தருவீர்கள். பிள்ளைகளால் நிம்மதி, மகிழ்ச்சி உண்டு.

கடகம்: தேவையற்ற செலவுகளை கட்டுப்படுத்தி, சேமிப் பில் கவனம் செலுத்துவீர்கள். தாய்வழி சொந்தங்கள் ஆதரவாக இருப்பார்கள். வியாபாரத்தில் போட்டிகளை தகர்த்து, முன்னேற்றம் காண்பீர்கள்.

சிம்மம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என எண்ணுவீர்கள். உத்தியோகத்தில் மேலதிகாரி நேசக்கரம் நீட்டுவார். பேச்சில் பொறுமை தேவை.

கன்னி: அலுவலகத்தில் வேலைச்சுமை இருந்து கொண்டே இருக்கும். குடும்பத்தினரின் ஆதரவு உண்டு. வாயு கோளாறால் நெஞ்சுவலி வந்து நீங்கும். உணவு பழக்கத்தில் கட்டுப்பாடு அவசியம்.

துலாம்: வெளி வட்டாரத்தில் மதிப்பு உயரும். பெரிய பதவிக்கு உங்கள் பெயர் பரிந்துரை செய்யப்படும். பெற்றோர் உடல்நலம் திருப்திகரமாக இருக்கும். கூட்டுத் தொழிலில் பங்குதாரர்களை பேசி சமாளிப்பீர்கள்.

விருச்சிகம்: வெளியூர் பயணத்தால் அலைச்சல், அசதி இருக்கும். பிள்ளைகளிடம் கனிவாக பேசுங்கள். திடீர் செலவுகள் வரும். மாலைப்பொழுதில் நல்ல தகவல் கிடைக்கும். வியாபாரத்தில் லாபம் கிடைக்கும்.

தனுசு: பழைய சொந்த பந்தங்கள் தேடி வருவார்கள். மனைவி வழியில் அந்தஸ்து உயரும். சோர்வு, களைப்பு வந்து நீங்கும். வாகன பயணத்தில் கவனம் தேவை. தொழில் போட்டிகள் இருந்தாலும் சமாளிப்பீர்கள்.

மகரம்: சொந்த ஊரில் மரியாதை, அந்தஸ்து அதி கரிக்கும். கவுரவ பதவிகள் தேடி வரும். சகோதர உறவு களுடன் இருந்த மனஸ்தாபம் நீங்கும். பங்கு சந்தை, கமிஷன் வகையில் அனுகூலம் உண்டு.

கும்பம்: பழைய பிரச்சினைகளை பேசி தீர்ப்பீர்கள். கணவன் - மனைவிக்குள் அன்யோன்யம் பிறக்கும். கையில் காசு பணம் புரளும். வியாபாரத்தில் போட்டிகள் குறையும். பணியாளர்களின் ஆதரவு உண்டு.

மீனம்: வெளி வட்டாரத்தில் புதிய நபர்களின் அறிமுகம் கிடைக்கும். கணவன் - மனைவிக்குள் மனஸ்தாபங்கள் நீங்கும். கடனாக கொடுத்த பணத்தை வசூலிப்பீர்கள். வாகன பழுது நீங்கும்.

- ஜோதிஷபூஷண் வேங்கடசுப்பிரமணியன்