இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: நேர்கொண்ட பார்வையுடன் சில முடிவெடுப்பீர்கள். பிரபலங்கள் உதவுவார்கள். பயணங்கள் சிறப்பாக அமையும். வியாபாரத்தில் புதிய யுக்திகளை கையாளுவீர்கள். வெளியூர் பயணம் உண்டு..

ரிஷபம்: நினைத்த காரியங்கள் மளமளவென்று நிறைவேறும். பிள்ளைகள் குடும்ப சூழ்நிலை அறிந்து பொறுப்புடன் செயல்படுவார்கள். உங்களை சுற்றியிருப்பவர்களில் நல்லவர்கள் யார் என்பதை கண்டறிவீர்கள்.

மிதுனம்: ராசிக்குள் சந்திரன் தொடர்வதால் முக்கிய முடிவுகளை கவனமாக எடுங்கள். மூத்தோரின் ஆலோசனைப்படி செயல்படுங்கள். வியாபாரத்தில் ஓரளவு லாபம் வரும். சில காரியங்கள் இழுபறிக்கு பின்னர் முடிவடையும்.

கடகம்: குடும்பத்தினரின் தேவைகளை உடனுக்குடன் நிறை வேற்றுவீர்கள். வெளிவட்டாரத் தொடர்புகள் அதிகரிக்கும். பழைய கடனைத் தீர்க்க முயற்சி செய்வீர்கள். வியாபாரத்தில் வீண் அலைச்சல், டென்ஷன் விலகும்.

சிம்மம்: புது வீடு, மனை வாங்குவது குறித்து குடும்பத்தினருடன் ஆலோசனை செய்வீர். வெளியூர் பயணங்களால் ஆதாயம் உண்டு. கூட்டுத் தொழிலில் போட்டிகள் விலகும். அலுவலகத்தில் பனிச்சுமை குறையும்.

கன்னி: நீங்கள் முன்பு செய்த உதவிகளுக்கு இப்போது பாராட்டப்படுவீர்கள். உறவினர்கள் மத்தியில் மதிக்கப்படுவீர்கள். ஆடை ஆபரணங்கள் வாங்குவீர்கள். பால்ய நண்பரை எதிர்பாராது சந்திப்பீர்கள்.

துலாம்: சுறுசுறுப்புடன் செயல்பட்டு காரியங்களை விரைந்து முடிப்பீர்கள். குடும்பத்தில் கலகலப்பான சூழல் ஏற்படும். சிந்தனைத்திறன் அதிகரிக்கும். ஆரோக்கியம் சீராகும். வரவேண்டிய பணம் கைக்கு வந்துசேரும்.

விருச்சிகம்: சந்திராஷ்டமம் நடப்பதால் வீண் அலைச்சல், டென்ஷன் அதிகரிக்கும். மனைவி வழியில் வீண் விவாதங்கள் வந்துபோகும். வாகனத்தில் செல்லும்போது கவனம் தேவை. எதிலும் நிதானமுடன் செயல்படுவது நல்லது.

தனுசு: இங்கிதமானப் பேச்சால் எல்லோரையும் கவருவீர்கள். தோற்றப்பொலிவு கூடும். பிள்ளைகள் நம்பிக்கை தருவார்கள். பயணங்கள் சிறப்பாக அமையும். மனைவிவழி உறவினர் உங்கள் உதவியை நாடுவார்.

மகரம்: குடும்பத்தாரின் உணர்வுகளை புரிந்து கொள்வீர்கள். பிள்ளைகளால் பெருமையடைவீர். வழக்கில் இருந்து வந்த தேக்க நிலை மாறும். விஐபிகளின் அறிமுகம் கிட்டும். விருந்தினர் வருகையால் வீடு கலகலப்பாகும்.

கும்பம்: வாழ்க்கையின் நெளிவு, சுளிவுகளை கற்றுக் கொள்வீர்கள். உடன்பிறந்தோர் தக்க சமயத்தில் உதவுவார்கள். சிலருக்கு நல்ல நிறுவனத்தில் வேலை கிடைக்கும். இழுபறியாக இருந்த தொகை வந்துசேரும்.

மீனம்: தள்ளி போய்க்கொண்டிருந்த சுபகாரியங்கள் கைகூடி வரும். வீடு, வாகன பராமரிப்புச் செலவுகள் ஏற்படும். வியாபாரத்தில் லாபம் அதிகரிக்கும். விலகியிருந்த சொந்தபந்தங்கள் தேடி வருவார்கள்.

- ஜோதிஷபூஷண் வேங்கடசுப்பிரமணியன்