மேஷம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என எண்ணுவீர்கள். உத்தியோகத்தில் மேலதிகாரி நேசக்கரம் நீட்டுவார். வியாபாரம் சிறக்கும்.
ரிஷபம்: குடும்பத்தில் அமைதி திரும்பும். வெளிநாட்டு பயணத்துக்கான விசா கிடைக்கும். வேற்றுமதத்தினரின் ஆதரவு கிட்டும். உத்தியோகத்தில் மேன்மை உண்டு. வியாபாரத்தில் புதிய யுக்திகளை கையாளுவீர்கள்.
மிதுனம்: எதிர்பார்த்திருந்த பணம் கைக்கு வருவதால் மன நிம்மதி கிட்டும். மனைவிவழி உறவினர் மத்தியில் மதிப்பு உயரும். வியாபாரம் சூடு பிடித்து லாபம் உண்டு. அலுவலகத்தில் சக ஊழியர்களின் ஆதரவு கிடைக்கும்.
கடகம்: பிரச்சினையிலிருந்து விடுபடுவதற்கான மாற்று வழியை கண்டறிவீர். குடும்பத்தில் உங்க கை ஓங்கும். வியாபாரத்தில் புதிய பங்குதாரர் கிடைப்பார். உத்தியோகத்தில் மேலதிகாரியின் ஆதரவு உண்டு.
» ட்ரம்ப் நிர்வாகத்தில் பணியாற்ற மிக ஆர்வமாக உள்ளேன்: எலான் மஸ்க் தகவல்
» குஜராத் மாநிலத்தில் ரூ.3,300 கோடியில் செமிகண்டக்டர் ஆலை நிறுவ மத்திய அரசு ஒப்புதல்
சிம்மம்: வெளிவட்டாரத்தில் மதிப்பு உயரும். பெரிய பதவிக்கு உங்கள் பெயர் பரிந்துரை செய்யப்படும். தாயாரின் ஆரோக்கியம் திருப்திகரமாக இருக்கும். கூட்டுத்தொழிலில் பங்குதாரர்களை பேசி சமாளிப்பீர்.
கன்னி: தவிர்க்க முடியாத செலவுகளும், பயணங்களும் ஏற்படும். குடும்பத்தினரிடம் விட்டுக் கொடுத்து போவது நல்லது. அலுவலகத்தில் விரும்பிய இடத்துக்கு மாற்றல் கிடைக்கும். வியாபாரத்தில் குழப்பம் நிகழும்.
துலாம்: சொந்த ஊரில் மதிக்கப்படுவீர்கள். கவுரவப் பதவிகள் தேடி வரும். உடன் பிறந்தவர்களுடன் இருந்த மனத்தாங்கல் நீங்கும். ஷேர், கமிஷன் மூலம் பணம் வரும். வியாபாரம், உத்தியோகத்தில் மேன்மை உண்டு.
விருச்சிகம்: வீட்டில் கல்யாண முயற்சிகள் பலிதமாகும். பயணங்களால் மகிழ்ச்சி உண்டு. வெளிவட்டாரத்தில் அந்தஸ்து உயரும். பூர்வீக வீட்டை விரிவுபடுத்துவீர். வியாபாரம் லாபம் தரும். உத்தியோகம் சிறக்கும்.
தனுசு: தம்பதிக்குள் இருந்து வந்த கருத்து வேறுபாடுகள் மறையும். விருந்தினர்களின் வருகையால் வீடு களைகட்டும். வியாபாரத்தில் சரக்குகள் விற்றுத் தீரும். அலுவலகத்தில் உங்கள் மீதான வீண் பழி அகலும்.
மகரம்: சொன்ன சொல்லைக் காப்பாற்றத் துடிப்புடன் செயல்படுவீர். தாயாரின் உடல்நிலை சீராகும். உறவினர், நண்பர்கள் உறுதுணையாக இருப்பர். வியாபாரம் சூடு பிடிக்கும். அலுவலகத்தில் அமைதி காப்பது நல்லது.
கும்பம்: நன்றி மறந்தவரை நினைத்து வருத்தமடைவீர். குடும்ப உறுப்பினர்களிடம் விட்டுக் கொடுத்து போவது நல்லது. வியாபாரத்தில் எச்சரிக்கையாக இருக்கவும். அலுவலகத்தில் வீண் விவாதங்களை தவிர்த்துவிடவும்.
மீனம்: குழப்பம் நீங்கி மனதில் உற்சாகம் பிறக்கும். ஆன்மிகத்தில் நாட்டம் உண்டு. முக்கிய பிரமுகர்களின் வீட்டு விசேஷங்களில் பங்கேற்பீர். தொழிலில் பணியாட்களை மாற்றுவீர். உத்தியோகம் சிறக்கும்.
- ஜோதிஷபூஷண் வேங்கடசுப்பிரமணியன்