இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எளிதில் முடிய வேண்டிய காரியங்கள் கூட இழுபறியாகும். வீட்டில் குழப்பம் ஏற்படும். அமைதி காக்கவும். வியாபாரத்தில் சிக்கல் வரக் கூடும். அலுவலகத்தில் நீங்கள் எதிர்பார்த்த இடமாற்றம் உண்டு.

ரிஷபம்: வெளிவட்டாரத் தொடர்புகள் விரிவடையும். குடும்பத்தில் இருந்த குழப்பம் நீங்கும். ஆன்மிகத்தில் நாட்டம் அதிகரிக்கும். வியாபாரத்தில் லாபம் பெற அதிகமாக உழைக்க வேண்டும். உத்தியோகம் சிறக்கும்.

மிதுனம்: பிள்ளைகளின் விருப்பத்தை நிறைவேற்றுவீர்கள். பூர்வீகச் சொத்துப் பிரச்சினை தீரும். மூத்த சகோதரர் உதவுவார். வியாபாரம் சிறக்கும். அலுவலகத்தில் விமர்சனங்களையும் தாண்டி முன்னேறுவீர்கள்.

கடகம்: தைரியமாக சில முக்கிய முடிவுகள் எடுப்பீர்கள். பிள்ளைகளால் உறவினர், நண்பர்கள் மத்தியில் மதிப்பு உயரும். தொழிலில் பங்குதாரர் ஆதரவாக இருப்பார். பாக்கி வசூலாகும். அலுவலகத்தில் விவாதம் வேண்டாம்.

சிம்மம்: குடும்பத்தாரின் விருப்பத்தை நிறைவேற்றுவீர். தந்தை வழியில் இருந்து வந்த மனஸ்தாபங்கள் விலகும். அலுவலகத்தில் உங்கள் ஆலோசனைகள் ஏற்கப்படும். வியாபாரம் சூடு பிடித்து நல்ல லாபம் பார்க்கலாம்.

கன்னி: இங்கிதமாகப் பேசி மற்றவர்களை அசத்துவீர்கள். முக்கிய பிரமுகர்களால் ஆதாயமுண்டு. பங்குதாரர் உதவியுடன் வியாபாரத்தை விரிவுபடுத்துவீர். அலுவல் கத்தில் உங்கள் மீது இருந்த வீண் பழி அகலும்.

துலாம்: யாருக்காகவும் எந்த உறுதிமொழியும் தர வேண்டாம். வியாபாரத்தில் பணியாட்களால் தொல்லை அதிகரிக்கும். உத்தியோகத்தில் எதிர்பார்த்த இடமாற்றம் கிடைக்கும். சக ஊழியர் மத்தியில் மதிப்பு உயரும்.

விருச்சிகம்: வீட்டில் விலையுயர்ந்த அலங்காரப் பொருட்கள் வாங்குவீர்கள். தெய்விக ஈடுபாடு அதிகரிக்கும். வியாபாரத்தில் போட்டிகள் விலகும். லாபம் உண்டு. அலுவலகத்தில் மேலதிகாரிகள் ஆதரவாக இருப்பர்.

தனுசு: உங்களை சுற்றியிருப்பவர்களில் நல்லவர்களை கண்டறிவீர். எடுத்த வேலைகளை விரைந்து முடிப்பீர். வியாபாரத்தை விரிவுபடுத்துவீர்கள். உத்தியோகத்தில் மேலதிகாரியுடன் இருந்து வந்த பனிப்போர் விலகும்.

மகரம்: சுறுசுறுப்புடன் செயல்பட்டு இழுபறியாக இருந்த வேலைகளை முடிப்பீர். சொந்த ஊரிலிருந்து நற்செய்திகள் வரும். வியாபாரத்தில் பழைய பாக்கிகள் வந்துசேரும். உத்தியோகத்தில் குழப்பம் நீங்கி நிம்மதி கிட்டும்.

கும்பம்: எதிர்பார்த்தபடி சில வேலைகளை முடிப்பீர். கணவன் மனைவிக்குள் விட்டுக் கொடுத்து போவீர்கள். வியாபாரத்தில் சில தந்திரங்களை கற்றுக் கொள்வீர்கள். அலுவலகத்தில் மேலதிகாரிகளின் பாராட்டு கிடைக்கும்.

மீனம்: புது திட்டங்களை தீட்டுவீர். பழைய நண்பர்கள் தேடி வருவர். தாயாரின் மருத்துவ செலவு குறையும். வியாபாரத்தில் பாக்கிகள் வசூலாகும். உத்தியோகத்தில் தான் உண்டு தன் வேலை உண்டு என்று இருக்கவும்.

- ஜோதிஷபூஷண் வேங்கடசுப்பிரமணியன்