இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திட்டமிட்ட காரியங்களை சிறப்பாக செய்து முடிப்பீர்கள். பிள்ளைகளை பொறுப்பாக வளர்க்க வேண்டும் என எண்ணுவீர்கள். அலுவலகத்தில் மேலதிகாரி நேசக்கரம் நீட்டுவார். வியாபாரம் சிறக்கும்.

ரிஷபம்: புது நண்பர்கள் அறிமுகமாவர். தம்பதிக்குள் அன்யோன்யம் பிறக்கும். கடனாக கொடுத்த பணத்தை வசூலிப்பீர்கள். வாகனப் பழுது நீங்கும். வியாபாரம் சூடு பிடிக்கும். உத்தியோகத்தில் மேன்மை உண்டு.

மிதுனம்: கடந்த கால சுகமான அனுபவங்களை நினைத்து மனதில் சந்தோஷம் பொங்கும். வீடு, வாகனத்தை சீர் செய்வீர். தேங்கிக் கிடந்த அலுவலக பணிகள் முடிவுக்கு வரும். வியாபாரத்தில் லாபமுண்டு.

கடகம்: செலவுகளைக் குறைத்து சேமிப்பீர். தாய்வழி சொந்தங்கள் ஆதரவாக இருப்பார்கள். வியாபாரத்தில் போட்டிகளை தகர்ப்பீர்கள். உத்தியோகத்தில் புதிய பதவிக்கு பரிந்துரை செய்யப்பட வாய்ப்பு உள்ளது.

சிம்மம்: தடைபட்ட காரியங்கள் முடிவுக்கு வரும். பிள்ளைகளின் சாதனைகளால் மகிழ்ச்சியுண்டு. தாய்வழி உறவினர்களின் ஆதரவு கிடைக்கும். வியாபாரரீதியாக விஐபிகளை சந்திப்பீர். அலுவலகத்தில் மதிப்பு உயரும்.

கன்னி: அலைச்சல் இருக்கும். எடுத்த வேலைகளில் தாமதம் ஏற்படும். வியாபாரத்தில் ஓரளவு லாபம் கிட்டும். பூர்வீக வீட்டை சீரமைத்து விரிவுபடுத்துவீர். உத்தியோகத்தில் எதிர்பார்த்த இடமாற்றம் உண்டு.

துலாம்: மனநிம்மதியுடன் காணப்படுவீர்கள். தாயாரின் உடல் நலம் சீராக இருக்கும். பிள்ளைகளின் படிப்பு தொடர்பாக அலைச்சல் இருக்கும். வியாபாரம், உத்தியோகத்தில் அவசர முடிவுகள் வேண்டாம்.

விருச்சிகம்: வெளிவட்டாரத்தில் மதிப்பு உயரும். பெரிய பதவிக்கு உங்கள் பெயர் பரிந்துரைக்கப்படும். தாயாரின் ஆரோக்கியம் திருப்திகரமாக இருக்கும். கூட்டுத் தொழிலில் பங்குதாரர்களை பேசி சமாளிப்பீர்.

தனுசு: எதிர்பார்த்திருந்த பணம் கைக்கு வருவதால் மன நிம்மதி கிட்டும். மனைவிவழி உறவினர் மத்தியில் மதிப்பு உயரும். தாயாரின் ஆசையை நிறைவேற்றுவீர். வியாபாரம், உத்தியோகத்தில் மேன்மை உண்டு.

மகரம்:ஊர் திருவிழாவில் முதல் மரியாதை கிடைக்கும். உடன் பிறந்தவர்களுடன் இருந்த மனத்தாங்கல் நீங்கும். பணவரவு உண்டு. வியாபாரத்தில் லாபம் கிடைக்கும். அலுவலகத்தில் வீண் விவாதங்களில் ஈடுபடாதீர்கள்.

கும்பம்:பழைய பிரச்சினைகளை பேசித் தீர்ப்பீர்கள். கணவன் - மனைவிக்குள் அன்யோன்யம் பிறக்கும். கையில் காசு பணம் புரளும். வியாபாரத்தில் போட்டிகள் குறையும். அலுவலகத்தில் பணியாட்களின் ஆதரவுண்டு.

மீனம்: கொஞ்சம் நிதானமாக செயல்படுவது நல்லது. குடும்பத்தில் பெரியோரின் அறிவுரையை ஏற்பது நல்லது. வியாபாரத்தில் பழைய சரக்குகள் தேங்கும். அலுவலகத்தில் யாரையும் பகைத்து கொள்ளாதீர்கள்.

- ஜோதிஷபூஷண் வேங்கடசுப்பிரமணியன்