இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அதிகாரப் பதவியில் இருப்பவர்களின் நட்பு கிடைக்கும். பழைய உறவினர்கள் தேடி வந்து பேசுவர். வியாபாரத்தில் புது சரக்குகளை கொள்முதல் செய்வீர். அலுவலகத்தில் வீண் விவாதங்களை தவிர்ப்பது நல்லது.

ரிஷபம்: தாயாரின் உடல்நலம் சீராகும்.இங்கிதமாகவும், இதமாகவும் பேசி அனைவரையும் கவருவீர். பிள்ளைகள் பொறுப்பாக நடந்து கொள்வர். வியாபாரம் சூடு பிடித்து லாபம் உண்டு. உத்தியோகத்தில் மேன்மை அடைவீர்.

மிதுனம்: திட்டமிட்டு சில வேலைகளை போராடி முடிப்பீர். குடும்பத்தில் சிறு சிறு கருத்துமோதல் வரும். பங்குதாரர் உதவியுடன் வியாபாரத்தை விரிவுபடுத்துவீர். அலுவலகத்தில் சக ஊழியர்களை குறை கூற வேண்டாம்.

கடகம்: கல்வித் தகுதியை அதிகப்படுத்திக் கொள்வீர். அறிஞர்களின் நட்பு கிடைக்கும். உடன் பிறந்தவர்கள் ஆதரவாக இருப்பார்கள். வியாபாரத்தில் போட்டிகள் குறையும். சிலருக்கு பெரிய பொறுப்புகள் கிடைக்கும்.

சிம்மம்: புது புது யோசனைகளை தந்து உங்களைச் சுற்றியிருப்பவர்களை அசத்துவீர்கள். பாதியில் நின்ற வேலைகள் முடியும். வியாபாரத்தில் பாக்கி வசூலாகும். அலுவலகத்தில் எதிர்பார்த்த இடமாற்றம் கிடைக்கும்.

கன்னி: கூடுதலான பணவரவால் வீட்டிலுள்ள பழைய பொருட்களை மாற்றுவீர். உத்தியோகத்தில் உயரதிகாரி பாராட்டும் விதமாக நடப்பீர். வியாபாரத்தில் பாக்கிகள் வசூலாகும். வெளியூர் பயணம் ஏற்பட வாய்ப்புண்டு.

துலாம்: தொட்ட காரியங்கள் அனைத்தும் துலங்கும். தனிப்பட்ட முறையில் சில முக்கிய முடிவுகளை தைரியமாக எடுப்பீர். வியாபார வட்டத்தில் மதிப்புகூடும். அலுவலகத்தில் மேலதிகாரிகள் பாராட்டுவர்.

விருச்சிகம்: உறவினர்கள், நண்பர்கள் வகையில் விரயச் செலவுகள் வரக்கூடும். பிள்ளைகளிடம் முன்கோபத்தை காட்டாதீர்கள். வியாபாரத்தில் பணியாட்கள் தொந்தரவு தருவார்கள். அலுவலகத்தில் அமைதி காப்பது நல்லது.

தனுசு: முகத்தில் தெளிவு பிறக்கும். குடும்பத்துடன் சேர்ந்து புண்ணிய தலங்கள் சென்று வருவீர். தாயாரின் உடல் நலத்தில் முன்னேற்றம் உண்டு. உத்தியோகத்தில் உயரதிகாரி நண்பர்களாவார்கள். வியாபாரம் சிறக்கும்.

மகரம்: பிரபலங்களின் வீட்டு விசேஷங்களில் கலந்து கொள்வீர். புது ஆடை, ஆபரணங்களில் மனம் லயிக்கும். அலுவலகத்தில் சக ஊழியருடன் இணக்கமாக இருக்கவும். வியாபாரத்தில் பழைய சரக்குகள் விற்றுத் தீரும்.

கும்பம்: சமயோஜித புத்தியுடன் பல காரியங்களையும் முடித்து காட்டுவீர். உறவினர் மத்தியில் மதிப்பு உயரும். அலுவலகத்தில் சக ஊழியர் உதவியுடன் சாதனை படைப்பீர். வியாபார வட்டத்தில் கவுரவ பதவி தேடி வரும்.

மீனம்: அடிமனதில் இருந்த போராட்டம் நீங்கும். புதிய நட்புகளால் உற்சாகமடைவீர். கோபத்தை குறைக்கவும். வியாபாரத்தில் போட்டி விலகும். அலுவலகத்தில் தேவையற்ற விவாதங்களில் ஈடுபட வேண்டாம்.

- ஜோதிஷபூஷண் வேங்கடசுப்பிரமணியன்