இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உற்சாகம், தோற்றப் பொலிவு கூடும். எதிர்பார்த்த இடத்தில் இருந்து நல்ல சேதி வரும். புதியவர் நட்பால் உற்சாகம் அடைவீர்கள். வெளி வட்டாரத்தில் மகிழ்ச்சி தங்கும்.

ரிஷபம்: செலவை குறைக்க முடியாமல் திணறுவீர்கள். குடும்பத்தினரின் உணர்வுகளை புரிந்துகொண்டு, அதற்கேற்ப செயல்படுங்கள். உணவு விஷயத்தில் கட்டுப்பாடு அவசியம்.

மிதுனம்: எதிர்காலம் பற்றிய கவலைகள் வந்து நீங்கும். வெளி வட்டாரத்தில் யாரையும் விமர்சிக்க வேண்டாம். எதிர்மறை எண்ணங்களுக்கு இடம்தராமல் நம்பிக்கையுடன் செயல்படுங்கள்.

கடகம்: சொந்த முயற்சியால் முன்னேறுவீர்கள். வெளி வட்டாரத்தில் செல்வாக்கு கூடும். சொந்த பந்தங்கள் கேட்ட உதவியை செய்வீர்கள். ஆன்மிகம், தியானத்தில் ஈடுபாடு ஏற்படும்.

சிம்மம்: புகழ், கவுரவம் கூடும். உங்களால் வளர்ச்சியடைந்த சிலரை சந்திக்க நேரிடும். விஐபிகளால் ஆதாயம் உண்டு. சுபச் செலவுகள் வரும். யாரையும் எடுத்தெறிந்து பேசக் கூடாது.

கன்னி: குடும்பத்தில் ஒற்றுமைக்கு குறைவிருக்காது. பணப் புழக்கம் உயரும். எதிர்பாராத இடத்தில் இருந்து தக்க சமயத்தில் உதவிகள் கிடைக்கும். மதிப்பு, மரியாதை, அந்தஸ்து கூடும்.

துலாம்: யாரையும் நம்பி பொறுப்புகளை ஒப்படைக்காதீர்கள். நெருங்கியவர்கள் உங்களை உதாசீனப்படுத்தி பேசுவார்கள். அதை பொருட்படுத்த வேண்டாம். வேலைச்சுமை அதிகரிக்கும்.

விருச்சிகம்: தொழில், வேலையில் நெளிவு, சுளிவுகளை கற்றுக் கொள்வீர்கள். பிள்ளைகளால் மதிப்பு கூடும். தடைபட்ட திருமணம் நல்லபடியாக நடைபெறும். புதிதாக வீடு, மனை வாங்குவீர்கள்.

தனுசு: அதிகார பதவியில் இருப்பவர்களின் நட்பு கிடைக்கும். பழைய சொந்த பந்தங்கள் உங்களை தேடி வருவார்கள். உங்கள் ஆலோசனைகள், முடிவுகளை அனைவரும் ஏற்று நடப்பார்கள்.

மகரம்: சுற்றி இருப்பவர்களின் சுயரூபம் தெரியவரும். நட்பு வழியில் நல்ல சேதி கேட்பீர்கள். உங்கள் நீண்ட நாள் கனவு நிறைவேறும். அனைவரையும் அரவணைத்து செல்வீர்கள்.

கும்பம்: திட்டமிட்ட காரியங்களை சிறப்பாக செய்து முடிப்பீர்கள். மகளுக்கு நல்ல இடத்தில் வரன் அமையும். வெளியூர் பயணங்களால் அலைச்சல் இருந்தாலும், ஆதாயமும் உண்டு.

மீனம்: சகோதர வகையில் ஆதாயம், அனுகூலம் உண்டு. பூர்வீக சொத்து பிரச்சினைக்கு சுமுக தீர்வு கிடைக்கும். குடும்பத்தாரின் விருப்பங்களை அறிந்து நிறைவேற்றுவீர்கள்.

- ஜோதிஷபூஷண் வேங்கடசுப்பிரமணியன்