இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பிள்ளைகள் பிடிவாதமாக இருப்பார்கள். எவ்வளவு பணம் வந்தாலும் பற்றாக்குறை நீடிக்கும். அண்டை, அயலார் சிலரின் செயல்பாடுகளால் கோபம், எரிச்சல் அடையலாம். பால்ய நண்பர்களை சந்திப்பீர்கள்.

ரிஷபம்: பளிச்சென்று பேசி எல்லோரையும் கவருவீர்கள். தம்பதிக்குள் அன்யோன்யம் பிறக்கும். பிள்ளைகளின் எதிர்காலத்துக்கான முக்கிய முடிவுகளை எடுப்பீர்கள். பழைய வாகனம் செலவு வைக்கும்.

மிதுனம்: தைரியமான முடிவுகளை எடுத்து வெற்றி காண்பீர்கள். கணவன் - மனைவிக்குள் விட்டுக் கொடுத்து போவீர்கள். தாய்வழி உறவினர்கள் மத்தியில் மதிப்பு, மரியாதை கூடும். வழக்குகள் சாதகமாகும்.

கடகம்: நீண்ட நாளாக இருந்துவந்த மனக் குழப்பங்கள் விலகும். வெளியூரிலிருந்து உறவினர், நண்பர்களின் வருகையால் வீடு களைகட்டும். குடும்பத்தினரின் எண்ணங்களை ஒவ்வொன்றாக பூர்த்தி செய்வீர்கள்.

சிம்மம்: பழைய கசப்பான சம்பவங்களை பேசிக் கொண்டிருக்க வேண்டாம். அடுத்தவர்கள் விவகாரங்களில் தலையிடுவதால் வீண் பழிக்கு ஆளாவீர்கள். வெளிவட்டாரத்தில் நிதானம் அவசியம்.

கன்னி: நண்பர்கள், உறவினர்கள் மத்தியில் மதிப்பு, மரியாதை கூடும். பணப் பற்றாகுறை விலகும். மனதுக்குப் பிடித்தவர்களை சந்தித்து மகிழ்வீர்கள். பிள்ளைகளின் குறைகளை சுட்டிக் காட்டி நல்வழிப்படுத்துவீர்கள்.

துலாம்: உற்சாகமான பேச்சால் அனைவரையும் கவருவீர்கள். வீடு, வாகனத்தை மாற்றுவீர்கள். நீங்கள் முன்பு செய்த உதவிகளுக்கு இப்போது பாராட்டுகள் குவியும். பழைய பள்ளி, கல்லூரி நண்பர்களை சந்திப்பீர்கள்.

விருச்சிகம்: குடும்பத்தினருடன் மனம் விட்டுப் பேசுவதால் குழப்பங்கள் தீரும். பிள்ளைகளின் உடல்நிலை சீராகும். பணவரவு திருப்திகரமாக இருக்கும். உடன் பிறந்தவர்கள் ஆதரவுக் கரம் நீட்டுவர்.

தனுசு: அடிமனதில் இருந்த பயம் விலகும். துணிச்சலுடன் சில முடிவுகளை எடுப்பீர்கள். அலைச்சல் தந்த வேலைகளை உடனே முடிப்பீர்கள். ஆடம்பரச் செலவுகளை குறைத்து சேமிக்க முயற்சி செய்வீர்கள்.

மகரம்: உங்களின் குறிக்கோளை எட்டிப் பிடிக்க முயற்சிப்பீர்கள். பிள்ளைகளின் அடிமனதில் என்ன இருக்கிறது என்பதை தெரிந்து கொள்வீர்கள். அக்கம் பக்கத்தினரிடம் அளவாகப் பேசிப் பழகவும். பணவரவு உண்டு.

கும்பம்: அதிரடி திட்டங்களை தீட்டுவீர்கள். பணவரவு உண்டு. விருந்தினர் வருகையால் மகிழ்ச்சி தங்கும். வீட்டில் சீரமைப்புப் பணிகளை மேற்கொள்வீர்கள். புதிய தொழில் முயற்சிகள் வெற்றியடையும்.

மீனம்: உங்களை அறியாமலேயே தாழ்வு மனப்பான்மை தலை தூக்கும். அடுத்தவர்கள் மனது காயப்படும்படி பேசாதீர். யாருக்கும் பணம், நகை வாங்கித் தருவதில் ஈடுபட வேண்டாம். புதிய வாகனம் வாங்குவீர்கள்.

- ஜோதிஷபூஷண் வேங்கடசுப்பிரமணியன்