இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் வீண் மனஸ்தாபம் வந்து நீங்கும். நண்பர்களில் யாரை நம்புவது என்ற மனக் குழப்பத்துக்கு ஆளாவீர். நீங்கள் சாதாரணமாக சொல்லும் விஷயம் கூட விபரீதமாக புரிந்து கொள்ளப்படும்.

ரிஷபம்: சகோதர வகையில் சொத்து பிரச்சினைகள் வந்து நீங்கும். ரத்த அழுத்தம் அதிகரிக்கும். மனைவியுடன் கருத்து மோதல்கள் வரும். பழைய பள்ளி, கல்லூரி நண்பர்களை சந்திக்கும் வாய்ப்பு உருவாகும்.

மிதுனம்: வெளியூரிலிருந்து நல்ல செய்தி வந்து சேரும். குடும்பத்தினருடன் கலந்துரையாடி முக்கிய முடிவுகளை எடுப்பீர்கள். இன்றைய தினம் வேலைச்சுமை குறையும். பழைய வாகனம் செலவு வைக்கும்.

கடகம்: உங்களை சுற்றியிருப்பவர்களால் இருந்துவந்த தொல்லைகள் அகலும். பணவரவு உண்டு. வெளிவட்டாரத்தில் மதிப்பு, மரியாதை கூடும். உறவினர்கள், நண்பர்களை சந்தித்து மகிழ்வீர்கள்.

சிம்மம்: பிள்ளைகளின் உடல்நலத்தில் அக்கறை காட்டுவீர்கள். பிரியமானவர்களின் சந்திப்பு நிகழும். நிறைவடையாமல் இருந்த பணிகளை விரைந்து முடிப்பீர்கள்.
வாகனத்தை சீர் செய்வீர்கள். பணவரவு உயரும்.

கன்னி: மற்றவர்களை நம்பி பெரிய முடிவுகள் எடுக்க வேண்டாம். யாரையும் தூக்கி எறிந்து பேசாதீர்கள். எதிர்பார்த்த பணம் தாமதமாக வரும். இழுபறியாக இருந்த வழக்குகளில் முன்னேற்றம் இருக்கும்.

துலாம்: சாதுர்யமாக பேசி கடினமான காரியங்களையும் சாதிப்பீர்கள். புது ரக ஆடை ஆபரணங்கள் அணிந்து மகிழ்வீர்கள். பிள்ளைகளின் பொறுப்புணர்வை பாராட்டுவீர்கள். எதிலும் நிதானம் அவசியம்.

விருச்சிகம்: குடும்பத்தில் உங்கள் கை ஓங்கும். பிள்ளைகள் உங்கள் பேச்சுக்கு மதிப்பளிப்பார்கள். உறவினர், நண்பர்கள் மத்தியில் மதிப்பு, மரியாதை கூடும். எதிர்பார்த்த வேலைகள் தடையின்றி முடியும்.

தனுசு: மனைவி வழியில் ஒத்துழைப்பு அதிகரிக்கும். ஆடம்பரச் செலவுகளை தவிர்க்கப் பாருங்கள். நட்பு வட்டம் விரியும். அரசு காரியங்கள் சாதகமாக முடியும். அக்கம் பக்கத்தினரிடம் அளவாக பேசிப் பழகவும்.

மகரம்: சொத்து சம்பந்தப்பட்ட பிரச்சினைக்கு சுமுகத் தீர்வு காண்பீர்கள். ஓரளவு பணம் வரும். பழைய வாகனத்தை சீர்செய்வீர்கள். தந்தைவழி உறவினர்களால் ஆதாயமுண்டு. புதிய நண்பர்கள் கிடைப்பார்கள்.

கும்பம்:கணவன் - மனைவிக்குள் அன்யோன்யம் பிறக்கும். பிள்ளைகளின் பேச்சை ரசிப்பீர்கள். உடன்பிறந்தவர்களால் பண உதவி கிடைக்கும். அக்கம் - பக்கம் வீட்டாரின் அன்புத் தொல்லை விலகும்.

மீனம்: நீண்ட நாள் எதிர்பார்ப்புகள் பூர்த்தியாகும். குடும்பத்தினருடன் மனம் விட்டுப் பேசுவீர். பிள்ளைகள் பொறுப்பாக நடந்து கொள்வர். அரசு காரியங்களில் ஆர்வம் காட்டுவீர். பணவரவு திருப்தி தரும்.

- ஜோதிஷபூஷண் வேங்கடசுப்பிரமணியன்