இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உங்களுக்குள் இருந்த திறமைகள் வெளிப்படும். சகோதர வகையில் நன்மை உண்டு. மகளின் கல்யாணப் பேச்சுவார்த்தை சுமுகமாக முடியும். மனைவிவழி உறவினர் மத்தியில் மதிப்பு, மரியாதை கூடும்.

ரிஷபம்: குடும்பத்தினர் உங்கள் ஆலோசனையை ஏற்பர். வழக்கில் சாதகமான தீர்ப்பு வரும். உங்களால் மற்றவர்கள் ஆதாயமடைவார்கள். நண்பர்கள், உறவினர்கள் வீட்டு விசேஷங்களை முன்னின்று நடத்துவீர்கள்.

மிதுனம்: குடும்பத்தின் அடிப்படை வசதிகளை மேம்படுத்துவீர்கள். சொந்த - பந்தங்களுடன் சென்று குலதெய்வ பிரார்த்தனையை நிறைவேற்றுவீர்கள். அக்கம் பக்கத்தினரின் அன்புத் தொல்லை அதிகரிக்கும்.

கடகம்: நட்பு வட்டம் விரியும். உங்களை குழப்பிக் கொண்டிருக்கும் பழைய பிரச்சினைகளை தீர்ப்பீர்கள். தாயாருடன் வீண் விவாதம் வந்து போகும். நீண்ட நாட்களாக பார்க்க நினைத்த பால்ய நண்பரை சந்திப்பீர்கள்.

சிம்மம்: கம்பீரமாக பேசி சில காரியங்களை முடிப்பீர்கள். உடன்பிறந்தவர்கள் உறுதுணையாக இருப்பார்கள். உறவினர்கள், நண்பர்கள் வீட்டு சுப நிகழ்ச்சிகளில் கலந்துகொள்வீர்கள். வாகனத்தை சீர் செய்வீர்கள்.

கன்னி: கணவன் - மனைவிக்குள் இருந்த மனஸ்தாபம் நீங்கும். கடனாக கொடுத்த பணத்தை வசூலிப்பீர். எதிர்பார்த்த இடத்திலிருந்து உதவிகள் கிடைக்கும். பிள்ளைகளின் படிப்பு தொடர்பான அலைச்சல் இருக்கும்.

துலாம்: அடுத்தவர்களை குறை கூறுவதை நிறுத்த வேண்டும். மற்றவர்களுக்கு நியாயம் பேச போய் பெயரை கெடுத்து கொள்ளாதீர்கள். பண விஷயத்தில் கறாராக இருப்பது நன்மை பயக்கும். வாகனம் செலவு வைக்கும்.

விருச்சிகம்: எடுத்த வேலையை முடிப்பதற்குள் அலைச்சல் அதிகரிக்கும். உறவினர், நண்பர்களுடன் மனஸ்தாபம் வந்து நீங்கும். விலை உயர்ந்த பொருட்களை கவனமாக கையாளுங்கள். தியானம் செய்யவும்.

தனுசு: சின்ன சின்ன வாய்ப்புகளை சமயோஜிதமாக பயன்படுத்திக் கொள்வீர்கள். பெற்றோரின் ஆதரவு உண்டு. பழைய பிரச்சினைகளை நினைத்து மனம் கலங்க வேண்டாம். தம்பதிக்குள் நெருக்கம் அதிகரிக்கும்.

மகரம்: தன்னம்பிக்கையுடன் பொதுக் காரியங்களில் ஈடுபடுவீர்கள். பிள்ளைகள் கேட்டதை வாங்கித் தருவீர்கள். சிலர் உங்களை நம்பி முக்கிய பொறுப்புகளை ஒப்படைப்பார்கள். பணவரவு திருப்தி தரும்.

கும்பம்: குடும்பத்தினருடன் கிரஹப்பிரவேசம், திருமணம், சீமந்தம் போன்ற சுப நிகழ்ச்சிகளில் கலந்து கொள்வீர்கள். ஆன்மிக நாட்டம் அதிகரிக்கும். நண்பர்கள், உறவினர்களுடன் இருந்த மோதல்கள் விலகும்.

மீனம்: குடும்பத்தாரின் விருப்பங்களை நிறைவேற்ற போராட வேண்டியிருக்கும். யாரும் உங்களை புரிந்து கொள்ளவில்லை என ஆதங்கப்படுவீர்கள். தேவையில்லாத விஷயங்களில் தலையிடுவதை தவிர்க்கவும்.

- ஜோதிஷபூஷண் வேங்கடசுப்பிரமணியன்