இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தம்பதிக்குள் அனுசரித்து போவது நல்லது. ஆடம்பர செலவுகளால் சேமிப்பு கரையும். சகோதர வகையில் மனத்தாங்கல் வரும். அக்கம் பக்கத்தினருடன் அளவாக பழகவும். பழைய வழக்கு தீர வழி கிடைக்கும்.

ரிஷபம்: ஆன்மிகப் பெரியோரின் ஆசி கிட்டும். பழைய கடனை பைசல் செய்வீர்கள். நெருங்கியவர்களுக்காக மற்றவர்களின் உதவியை நாடுவீர்கள். பழைய பள்ளி, கல்லூரி நண்பர்களை சந்தித்து மகிழ்வீர்கள்.

மிதுனம்: பிள்ளைகளால் பெருமையடைவீர்கள். குடும்பத்துடன் புண்ணிய ஸ்தலங்கள் சென்று வருவீர். வெளிவட்டாரத்தில் மதிப்பு கூடும். இல்லத்துக்கு தேவையான நவீன மின்னணு சாதனங்கள் வாங்குவீர்கள்.

கடகம்: கணவன் - மனைவிக்குள் நெருக்கம் உண்டாகும். கைமாற்றாக வாங்கியிருந்த பணத்தை திருப்பித் தருவீர்கள். முக்கிய பிரமுகர்களுடன் எதிர்பாராத சந்திப்பு நிகழும். கலை பொருட்கள் சேரும்.

சிம்மம்: எவ்வளவு பணம் வந்தாலும் எடுத்து வைக்க முடியவில்லையே என்று ஆதங்கப்படுவீர்கள். சில விஷயங்களுக்கு அனுபவ அறிவை பயன்படுத்துவது நல்லது. பிறரிடம் குடும்ப பிரச்சினைகளைக் கூற வேண்டாம்.

கன்னி: மூத்த சகோதர வகையில் உதவிகள் கிடைக்கும். தாயார் ஆதரித்து பேசுவார். பூர்வீக வீடு, மனை தொடர்பான சொத்துச் சிக்கலில் ஒன்று தீரும். குடும்பத்துடன் வெளியூர் பயணம், சுற்றுலா செல்ல திட்டமிடுவீர்கள்.

துலாம்: குடும்பத்தில் உங்கள் வார்த்தைக்கு மதிப்பு கூடும். அதிகாரப் பதவியில் இருப்பவர்கள் அறிமுகமாவர். எதிர்பார்த்த இடத்திலிருந்து நல்ல செய்திகள் வரும். பிள்ளைகளின் சாதனைகளால் பெருமையடைவீர்கள்.

விருச்சிகம்: குடும்பத்தில் உங்கள் கை ஓங்கும். உங்களைச் சுற்றி இருப்பவர்களின் சுயரூபத்தை புரிந்து கொள்வீர்கள். புதிய நண்பர்களால் ஆதாயம் உண்டு. மனைவிவழி உறவினர்கள் வருகையால் வீட்டில் மகிழ்ச்சி தங்கும்.

தனுசு: பிள்ளைகளின் பாசம் அதிகரிக்கும். தாய்வழி உறவினர்களுடன் மனஸ்தாபம் வந்து நீங்கும். அநாவசிய செலவுகளை குறைத்து கொள்வது நல்லது. பழைய வழக்குகளின் தீர்ப்பு, உங்களுக்கு சாதகமாக அமையும்.

மகரம்: வாழ்க்கையின் நெளிவு, சுளிவுகளை கற்றுக் கொள்வீர்கள். பழைய பிரச்சினைகளுக்கு முக்கிய தீர்வு காண்பீர்கள். பிரபலங்களின் நட்பு கிட்டும். அரசால் அனுகூலம் உண்டு. வீட்டில் சுப நிகழ்ச்ச்சிகள் நடைபெறும்.

கும்பம்: புதியவர்கள் நண்பர்களாவார்கள். விலை உயர்ந்த பொருட்கள் வாங்குவீர். உறவினர்கள், நண்பர்கள் மத்தியில் மதிப்பு, மரியாதை கூடும். விருந்தினர் வருகையால் வீடு களைகட்டும். வழக்குகள் சாதகமாகும்.

மீனம்: முக்கிய கோப்புகளை கையாளும்போது அலட்சியம் வேண்டாம். கோபத்தால் இழப்பு ஏற்படலாம். பிறர் விஷயத்தில் அநாவசியமாக தலையிட வேண்டாம். குடும்ப பிரச்சினைகளால் அமைதி இழப்பீர்கள்.

- ஜோதிஷபூஷண் வேங்கடசுப்பிரமணியன்