மேஷம்: வாழ்க்கையின் நெளிவு, சுளிவுகளை கற்று கொள்வீர். நண்பர்கள் உதவிகரமாக இருப்பார்கள். புது வேலை அமையும். பூர்வீக வீட்டை சீரமைத்து, விரிவுபடுத்தி கட்டுவீர்கள். பணவரவு திருப்திகரமாக இருக்கும்.
ரிஷபம்: இழுபறியாக இருந்த பழைய பிரச்சினைகளுக்கு முற்றுப் புள்ளி வைப்பீர்கள். பிள்ளைகளின் சாதனைகளால் பெருமையடைவீர்கள். குடும்பத்துடன் சென்று குலதெய்வ பிரார்த்தனைகளை நிறைவேற்றுவீர்கள்.
மிதுனம்: புதிய பாதையில் பயணிக்கத் தொடங்குவீர். பிரபலங்கள் நண்பர்களாவர். பூர்வீக சொத்துப் பங்கை கேட்டு வாங்குவீர்கள். கேட்ட இடத்தில் பணம் கிடைக்கும். பழைய வழக்குகள் உங்களுக்கு சாதகமாகும்.
கடகம்: திடீர் பணவரவு, செல்வாக்கு உண்டு. பழுதான வாகனம்சீராகும். சிலர் புது வாகனம் வாங்குவீர்கள். நீண்ட நாளாக மனதில் இருந்த தேவையில்லாத பயம் விலகும். பழைய பள்ளி, கல்லூரி நண்பர்களை சந்தித்து மகிழ்வீர்கள்.
» ஆசிய கோப்பை கிரிக்கெட் | இந்திய அணியில் வாஷிங்டன் சுந்தர் சேர்க்கப்பட்ட காரணம் இதுதான்?
» ஒடிசா முதல்வர் நவீன் பட்நாயக்கின் சகோதரி மறைவு - பிரதமர் மோடி இரங்கல்
சிம்மம்: சந்தர்ப்ப சூழ்நிலையை புரிந்து கொண்டு சமயோஜிதமாகப் பேசும் சாமர்த்தியம் வரும். பணவரவு உண்டு. அக்கம் பக்கத்தினருடன் அளவாக பேசிப் பழகவும். உறவினர், நண்பர்கள் வருகையால் வீடு களைகட்டும்.
கன்னி: வேலைச்சுமை அதிகரிக்கும். முடிந்துவிடும் என நினைத்த விஷயங்கள் கூட அலைய வைத்து முடியும். வாயு தொந்தரவால் நெஞ்சு வலி, வயிறு உப்புசம், அலர்ஜி வரக் கூடும். வீண் விவாதங்களை தவிர்க்கவும்.
துலாம்: அலைச்சலுடன் ஆதாயம் உண்டு. குடும்பத்துடன் வெளியூர் பயணம், சுற்றுலா செல்ல திட்டமிடுவீர்கள். வாகனம், வீடு பராமரிப்பு செலவுகள் அதிகமாகும். வழக்குகள் உங்களுக்கு சாதகமாக அமையும்.
விருச்சிகம்: குடும்பத்தில் மகிழ்ச்சி தங்கும். உறவினர்கள் தேடி வந்து பேசுவார்கள். திருமணம், சீமந்தம் போன்ற சுப நிகழ்ச்சிகளில் முதல் மரியாதை கிடைக்கும். பிள்ளைகள் உங்களை புரிந்து கொள்ளாமல் இருப்பார்கள்.
தனுசு: புதிய திட்டங்கள் நிறைவேறும். பூர்வீகச் சொத்தை மாற்றியமைக்கும் முயற்சியில் இறங்குவீர்கள். பிள்ளைகள் ஆக்கப்பூர்வமாக செயல்படுவார்கள். நண்பர்களுடன் சேர்ந்து புதிய தொழில் தொடங்குவீர்கள்.
மகரம்: சோம்பல் நீங்கி உற்சாகமாக காணப்படுவீர்கள். பணப் புழக்கம் அதிகரிக்கும். அழகு, இளமை கூடும். ஃப்ரிட்ஜ்,
வாஷிங் மெஷின் வாங்குவீர். மன அமைதி பெற தியானம் செய்யவும்.ஆன்மிகத்தில் நாட்டம் ஏற்படும்.
கும்பம்: பழைய பிரச்சினைகள் தலை தூக்கும். வீண் பயம், கவலைகள் தோன்றி நீங்கும். பூர்வீக சொத்து வழக்கில் நிதானம் அவசியம். மின்சாதனங்களை கவனமாக கையாளுங்கள். தொழில் தொடங்க கடனுதவி கிடைக்கும்.
மீனம்: குழப்பங்கள் நீங்கி குடும்பத்தில் நிம்மதி உண்டு. அலைச்சல் குறையும். பழைய வாகனத்தை விற்று
விட்டு புதிது வாங்குவீர். மனைவிவழி உறவினர்களால் அனுகூலம் உண்டு. பிள்ளைகளால் மகிழ்ச்சி தங்கும்.
- ஜோதிஷபூஷண் வேங்கடசுப்பிரமணியன்
ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |