இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: சகோதர வகையில் ஒற்றுமை பிறக்கும். கேட்ட இடத்தில் இருந்து உதவிகள் கிடைக்கும். விலையுயர்ந்த ஆடை, ஆபரணம் வாங்குவீர்கள்.உறவினர், நண்பர்கள் மத்தியில் மதிப்பு, மரியாதை கூடும்.

ரிஷபம்: குடும்பத்தாரின் விருப்பங்களை நிறைவேற்றுவீர்கள். பிரபலங்களின் நட்பு கிடைக்கும். நெருங்கியவர்களுக்காக மற்றவர்களின் உதவியை நாடுவீர்கள். பழைய கடன்களில் ஒன்று தீர வழி கிடைக்கும்.

மிதுனம்: புதிய சிந்தனைகள் மனதில் தோன்றும். பிள்ளைகள் குடும்ப சூழ்நிலை அறிந்து செயல்படுவார்கள். சிக்கனமாக செலவழித்து சேமிக்கத் தொடங்குவீர்கள். பால்ய நண்பர்களை சந்தித்து மகிழ்வீர்கள்.

கடகம்: எதிர்பார்த்தவற்றில் சில தள்ளிப் போனாலும், எதிர்பாராத ஒரு வேலை முடியும். தாய்வழி உறவினர்களுடன் கருத்து வேறுபாடுகள் வந்து நீங்கும்.பூர்வீகவீட்டை சீரமைத்து, விரிவுபடுத்தி கட்ட திட்டமிடுவீர்கள்.

சிம்மம்: குடும்பத்தில் உங்கள் வார்த்தைக்கு மதிப்பு கூடும். சொத்து பிரச்சினைக்கு சுமுகத் தீர்வு கிடைக்கும். திருமணம், கிரஹப்பிரவேசம், சீமந்தம் என்று விருந்தினர் வருகையால் வீடு களைகட்டும். பணவரவு உண்டு.

கன்னி: தம்பதிக்குள் நெருக்கம் உண்டாகும். நீண்ட நாள் பிரச்சினைகளுக்கு தீர்வு காண்பீர்கள். திடீர் பணவரவு உண்டு. விலை உயர்ந்த பொருட்கள் வாங்குவீர்கள். பிள்ளைகளின் எதிர்காலம் குறித்து கவலை அடைவீர்கள்.

துலாம்: சிக்கலான, சவாலான காரியங்களை எல்லாம் கையில் எடுத்துக் கொண்டிருக்காதீர்கள். உறவினர், நண்பர்களை பகைத்துக் கொள்ளாதீர். பணவரவு திருப்தி தரும். பிள்ளைகளின் சாதனையால் பெருமை அடைவீர்கள்.

விருச்சிகம்: குடும்பத்தில் விட்டுக் கொடுத்துப் போவது நல்லது. பழைய கடனைத் தீர்க்க முயற்சி செய்வீர்கள். மனைவியின் உடல்நலத்தில் கவனம் தேவை. பால்ய நண்பர்கள் உங்கள் உதவியை நாடி வருவார்கள்.

தனுசு: குடும்பத்தில் ஒற்றுமை பிறக்கும். அடுத்தவர் மனநிலையை உணர்ந்து பேசும் பக்குவம் உண்டாகும். காணாமல் போன முக்கிய ஆவணங்கள் கிடைக்கும். யாருக்காகவும் உறுதிமொழி தருவதைத் தவிர்க்கவும்.

மகரம்: உங்களின் இலக்கை நோக்கி முன்னேறுவீர். உடன் பிறந்தவர்கள் உங்களிடம் முக்கிய விஷயங்களை பகிர்ந்து கொள்வார்கள். விலகி நின்றவர்கள் விரும்பி வருவார்கள். வீண் விவாதங்களை தவிர்க்கப் பாருங்கள்.

கும்பம்: குழப்பங்கள் நீங்கி குடும்பத்தில் கலகலப்பான சூழல் உருவாகும். புதியவர்கள் நண்பர்களாவார்கள். நேர்மறை எண்ணங்கள் பிறக்கும். எதிர்பார்த்த இடத்திலிருந்து நல்ல செய்தி வரும். புதிய பதவி கிடைக்கும்.

மீனம்: பிள்ளைகளிடம் கோபத்தை காட்டாதீர்கள். பணப் பற்றாக்குறையால் பிறரிடம் கைமாற்று வாங்க வேண்டிவரும். வெளுத்ததெல்லாம் பாலாக நினைக்காதீர்கள். பழைய வாகனத்தை விற்றுவிட்டு புதிது வாங்குவீர்கள்.

- ஜோதிஷபூஷண் வேங்கடசுப்பிரமணியன்