இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மறைமுகப் போட்டிகளை வெல்வீர்கள். எடுத்த வேலையை தடையின்றி முடிப்பீர்கள். அரசாங்க அதிகாரிகளின் நட்பு கிடைக்கும். கணவன் - மனைவிக்குள் அன்யோன்யம் பிறக்கும். பணவரவு திருப்தி தரும்.

ரிஷபம்: பேச்சுத் திறமையால் சில காரியங்களை விரைந்து முடிப்பீர்கள். சொன்ன சொல்லைக் காப்பாற்ற அதிரடியாக செயல்படுவீர்கள். உடல் நலம் சீராகும். தந்தைவழி உறவினர்கள் ஆதரவுக் கரம் நீட்டுவர்.

மிதுனம்: ஒரே நாளில் நான்கைந்து வேலைகளை பார்க்கவேண்டி வரும். குடும்பத்தினரை பற்றி யாரிடமும் குறைவாக பேச வேண்டாம். அடுத்தவர் பிரச்சினையில் தலையிடுவதால் பழிச்சொல் ஏற்படக் கூடும்.

கடகம்: தம்பதிக்குள் இருந்து வந்த பிணக்குகள் நீங்கி அன்யோன்யம் அதிகரிக்கும். தக்க சமயத்தில் எதிர்பார்த்த உதவி கிடைக்கும். குழப்பமில்லாத, தெளிவான முடிவுகளால் நீண்ட நாள் பிரச்சினைகள் தீரும்.

சிம்மம்: திறமைகளை வெளிப்படுத்த நல்ல சந்தர்ப்பங்கள் அமையும். நண்பர்கள், உடன்பிறந்தவர்களின் ஒத்துழைப்பு அதிகரிக்கும். குடும்பத்தினரின் எண்ணங்களைக் கேட்டறிந்து பூர்த்தி செய்வீர்கள்.

கன்னி: குடும்பத்தினரின் ஆதரவு கிட்டும். சகோதரர்களின் நீண்ட நாள் விருப்பங்களை நிறைவேற்றுவீர்கள். அடிக்கடி செலவு வைத்த வாகனம் சீராகும். பூர்வீக வீட்டை சீரமைத்து, புதுப்பித்து கட்டுவீர்கள்.

துலாம்: நீண்ட நாளாக மனதிலிருந்து வந்த குழப்பங்களுக்கு நல்ல தீர்வு கிடைக்கும். தம்பதிக்குள் விட்டுக் கொடுத்துப்போவீர்கள். விருந்தினர் வருகை உண்டு. பிள்ளைகளை அவர்கள் விரும்பிய படிப்பில் சேர்க்கவும்.

விருச்சிகம்: காரியங்களை முடிப்பதிலிருந்த தடுமாற்ற நிலை மாறும். குடும்பத்தில் மகிழ்ச்சி தங்கும். சோம்பல் நீங்கி சுறுசுறுப்படைவீர்கள். வெளியூர் பயணங்களால் ஆதாயம் உண்டு. பூர்வீக சொத்துப் பிரச்சினைகள் தீரும்.

தனுசு: ஆடம்பரச் செலவுகளை தவிர்த்து எளிமையாக வாழவிரும்புவீர். தம்பதிக்குள் அன்யோன்யம் பிறக்கும். உடன் பிறந்தவர்களுடன் இருந்து வந்த மனக்கசப்புகள் நீங்கும். பழைய கடன்களில் ஒன்று தீர வழி கிடைக்கும்.

மகரம்: முக்கிய விஷயங்களை நீங்களே நேரடியாக சென்று செய்வது நல்லது. அடுத்தவர்களை குறை கூறிக் கொண்டிருக்காமல் உங்களை மாற்றிக் கொள்ளப் பாருங்கள். அக்கம் பக்கம் வீட்டாருடன் அளவாகப் பழகவும்.

கும்பம்: பிள்ளைகளால் டென்ஷன் அதிகரிக்கும். பழைய பிரச்சினைகளுக்கு சுமுகத் தீர்வு காண்பது நல்லது. எதிர்மறை எண்ணங்களை தவிர்க்கவும். எதிலும் நிதானமாக செயல்பட வேண்டும். பணவரவு உண்டு.

மீனம்: தம்பதிக்குள் நெருக்கம் உண்டாகும். பிள்ளைகளால் உறவினர் மத்தியில் மதிக்கப்படுவீர். விரும்பிய பொருட்களை வாங்க திட்டமிடுவீர்கள். முன்கோபம், வீண் விவாதங்களைத் தவிர்க்கப் பாருங்கள்.

- ஜோதிஷபூஷண் வேங்கடசுப்பிரமணியன்