மேஷம்: குடும்ப அந்தரங்க விஷயங்களை மற்றவர்களுடன் பகிர்ந்து கொள்ள வேண்டாம். சிலரின் தவறுகளை சுட்டிக் காட்டுவதன் மூலம் சச்சரவுகளில் சிக்குவீர்கள். வீடு, வாகன பராமரிப்புச் செலவுகள் அதிகரிக்கும்.
ரிஷபம்: எதிர்காலம் பற்றிய கவலைகள் வந்து நீங்கும். உறவினர், நண்பர்கள் சிலர் பண உதவி கேட்டு தொந்தரவு தருவார்கள். யாரையும் பகைத்துக் கொள்ள வேண்டாம். அனைவரிடத்தும் இணக்கமான போக்கு நன்மையைத் தரும்.
மிதுனம்: சோர்வு நீங்கி துடிப்புடன் காணப்படுவீர்கள். கணவன் - மனைவிக்குள் மகிழ்ச்சியுண்டு. விருந்தினர்கள், நண்பர்களின் வருகையால் வீட்டில் மகிழ்ச்சி தங்கும். பழைய கடன்களில் ஒன்று தீர வழி கிடைக்கும்.
கடகம்: தன்னம்பிக்கையுடன் செயல்பட்டு காரியங்களை சாதிப்பீர்கள். குடும்பத்தினருடன் இருந்து வந்த கசப்புணர்வு நீங்கும். கையில் பணம் தேவையான அளவு இருக்கும். பூர்வீக வீட்டை சீரமைத்து, விரிவுபடுத்தி கட்டுவீர்கள்.
சிம்மம்: பழைய நல்ல சம்பவங்களை நினைவுகூர்ந்து மகிழ்வீர்கள். பிள்ளைகளின் நினைவாற்றல் பெருகும். மகளின் கல்யாணப் பேச்சுவார்த்தை முன்னேற்றம் தருவதாக அமையும். நண்பர்கள் மத்தியில் மதிப்பு கூடும்.
கன்னி: வெளுத்ததெல்லாம் பாலாக நினைத்து சிலரிடம் பேசி சிக்கிக் கொள்ளாதீர்கள். தம்பதிக்குள் மனஸ்தாபம் வந்து நீங்கும். அதிக வேலைச்சுமையால் அவ்வப்போது கோபப்படுவீர்கள். தியானம் செய்யவும்.
துலாம்: ஆரவாரமின்றி சில வேலைகளை முடிப்பீர்கள். குடும்பத்தில் கலகலப்பான சூழல் ஏற்படும். வெளியூர் பயணங்களால் ஆதாயம் உண்டு. தன்னம்பிக்கை துளிர்விடும். பழைய பள்ளி, கல்லூரி நண்பர்களை சந்திப்பீர்கள்.
விருச்சிகம்: நம்பிக்கைக்கு உரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. பணவரவு உண்டு. வெளியூர் பயணங்கள் மகிழ்ச்சி தரும். பிள்ளைகள் உங்கள் ஆலோசனைகளை கேட்டு நடப்பார்கள்.
தனுசு: அதிரடியாக செயல்பட்டு சில காரியங்களை விரைந்து முடிப்பீர்கள். குடும்பத்தில் கலகலப்பான சூழல் ஏற்படும். அரசாங்க காரியங்களில் வெற்றியுண்டு. வெளியூர் பயணம், சுற்றுலா செல்ல திட்டமிடுவீர்கள்.
மகரம்: தம்பதிக்குள் அன்யோன்யம் பிறக்கும். பிள்ளைகளின் நீண்ட நாள் கோரிக்கைகளை பூர்த்தி செய்வீர்கள். புதிய வீடு கட்ட திட்டமிடுவீர்கள். அதற்கான வங்கிக் கடனுதவி எளிதில் கிடைக்கும். வாகனம் செலவு வைக்கும்.
கும்பம்: சகோதர வகையில் ஆதாயம் பெறுவீர்கள். உறவினர்களால் மகிழ்ச்சியுண்டு. நட்பு வட்டம் விரியும். ஆடம்பர செலவுகளை குறைப்பீர்கள். வீட்டில் சீரமைப்புப் பணிகளை மேற்கொள்வீர்கள். பணவரவு உண்டு.
மீனம்: குடும்பத்தினரின் எண்ணங்களைப் பூர்த்தி செய்வீர்கள். நண்பர்கள், உறவினர்களின் உதவி கிட்டும். சகோதர வகையில் மகிழ்ச்சியுண்டு. அக்கம் - பக்கம் வீட்டாரின் ஆதரவு பெருகும். வீண் விவாதங்களைத் தவிர்க்கவும்.
- ஜோதிஷபூஷண் வேங்கடசுப்பிரமணியன்