இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: மனக் குழப்பங்கள் நீங்கும். நம்பிக்கைக்கு உரியவர்களின் ஆதரவு கிட்டும். தாய்வழி உறவினர்களால் ஆதாயம் உண்டு. பணவரவு திருப்திகரமாக இருக்கும். பால்ய நண்பர்களை சந்திப்பீர்கள்.

ரிஷபம்: சிந்தனைத் திறன் அதிகரிக்கும். அதிரடியாக செயல்பட்டு சில காரியங்களை விரைந்து முடிப்பீர்கள். குடும்பத்தில் கலகலப்பான சூழல் ஏற்படும். பணவரவு உண்டு. பூர்வீக வீட்டை விற்பனை செய்ய முயற்சி செய்வீர்.

மிதுனம்: தம்பதிக்குள் அன்யோன்யம் பிறக்கும். பிள்ளைகளின் நீண்ட நாள் கோரிக்கைகளை பூர்த்தி செய்வீர்கள். அரசாங்க வேலைகளில் அனுகூலமான நிலை காணப்படும். உறவினர் வருகையால் வீடு களைகட்டும்.

கடகம்: சின்னச் சின்ன வேலைகளையும் அலைந்து முடிக்கவேண்டி வரும். பிற்பகல் முதல் சொந்த - பந்தங்களின் அன்புத் தொல்லைகள் குறையும். வீடு, வாகன பராமரிப்புச் செலவுகள் அதிகரிக்க வாய்ப்பு உண்டு.

சிம்மம்: புதியவர்கள் அறிமுகமாவார்கள். விலை உயர்ந்த ஆபரணம் வாங்குவீர்கள். பிற்பகல் முதல் எதிலும் முன் எச்சரிக்கையுடன் செயல்படப் பாருங்கள். வெளியூர் பயணம், சுற்றுலா செல்ல திட்டமிடுவீர்கள்.

கன்னி: ஆடம்பர செலவை குறைப்பீர். சில முக்கிய முடிவுகளை எடுப்பீர்கள். குடும்பத்தினரின் எண்ணங்களைப் பூர்த்தி செய்வீர். பழைய கடன்களில் ஒன்றுதீரவழி கிடைக்கும். வழக்கில் முன்னேற்றம் இருக்கும்.

துலாம்: சோர்வு, அலைச்சல் நீங்கி ஆனந்தமாக காணப்படுவீர்கள். குடும்பத்தில் மதியத்துக்கு மேல் அமைதி நிலவும். பழைய பள்ளி, கல்லூரி நண்பர்களை சந்திப்பீர்கள். பூர்வீக வீட்டை சீரமைத்து, விரிவுபடுத்தி கட்டுவீர்கள்.

விருச்சிகம்: நீண்ட நாள் எண்ணங்கள் பூர்த்தியாக முயற்சிப்பீர்கள். கணவன் - மனைவிக்குள் அன்யோன்யம் பிறக்கும். பிள்ளைகளின் உடல்நலத்தில் அக்கறை காட்டுவீர்கள். பணவரவு திருப்தி தரும்.

தனுசு: மன உறுதியுடன் செயல்பட்டு சில வேலைகளை முடிப்பீர்கள். உறவினர்கள், நண்பர்களின் வருகையால் மகிழ்ச்சியுண்டு. நீங்கள் வேடிக்கையாக பேசுவது தவறாக புரிந்து கொள்ளப்படும்.

மகரம்: புதுத் திட்டம் தீட்டுவீர்கள். அரசு காரியங்கள் சாதகமாக முடியும். பிள்ளைகளை அவர்கள் விரும்பிய கல்வி நிறுவனத்தில் சேர்ப்பீர்கள். வெளியூர் பயணத்தால் ஆதாயம் உண்டு. வாகனம் செலவு வைக்கும்.

கும்பம்: நண்பகல் வரை பண விஷயத்தில் கறாராக இருங்கள். பிற்பகல் முதல் குடும்பத்தில் நிலவி வந்த சண்டை, சச்சரவுகள் நீங்கி மகிழ்ச்சி தங்கும். குடும்பத்துடன் குலதெய்வ கோயிலுக்குச் செல்ல திட்டமிடுவீர்கள்.

மீனம்: குடும்பத்தினருடன் விவாதங்கள் வந்து போகும். பால்ய நண்பர்களை பகைத்துக் கொள்ளாதீர்கள். பழைய கடனைத் தீர்க்க முயற்சி செய்வீர்கள். எதிலும் கவனமுடன் செயல்படப் பாருங்கள்.

- ஜோதிஷபூஷண் வேங்கடசுப்பிரமணியன்