இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வெளியூரிலிருந்து உறவினர்கள், நண்பர்களின் வருகை உண்டு. குடும்பத்தினரின் விருப்பங்களை நிறைவேற்றுவீர்கள். புண்ணிய ஸ்தலங்கள் சென்று வருவீர்கள். பழைய கடன்களில் ஒன்று தீர வழி கிடைக்கும்.

ரிஷபம்: மன உளைச்சல் நீங்கும். சுப நிகழ்ச்சிகளில் கலந்து கொண்டு சிரித்துப் பேசும் சூழல் அமையும். தந்தை வழி உறவினர்களால் ஆதாயம் உண்டு. பழைய பள்ளி, கல்லூரி நண்பர்களை சந்திக்கும் வாய்ப்பு ஏற்படும்.

மிதுனம்: திறமையுடன் செயல்பட்டு செயற்கரிய காரியங்களை செய்து முடிப்பீர்கள். மனக்குழப்பங்கள் நீங்கும். வேற்று மதத்தினரால் நன்மை கிட்டும். தந்தையின் உடல் நிலை பாதிக்கும். பணவரவு திருப்தி தரும்.

கடகம்: கணவன் - மனைவிக்குள் விட்டுக் கொடுத்து போவது நல்லது. மற்றவர்களுக்கு உதவி செய்யப் போய் உபத்திரவத்தில் சிக்கிக் கொள்ளாதீர்கள். வாக்குறுதியை நிறைவேற்ற மிகவும் போராட வேண்டி வரும்.

சிம்மம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லைகள் நீங்கும். நண்பர், குடும்பத்தாரின் ஒத்துழைப்பு அதிகரிக்கும். மகளுக்கு நல்ல இடத்தில் இருந்து வரன் அமையும்.

கன்னி: அரசு காரியங்களில் இருந்து வந்த தடைகள் விலகும். வெளிவட்டாரத் தொடர்பு அதிகரிக்கும். வெளியூர் பயணங்கள் மகிழ்ச்சி தரும். தள்ளி இருந்த உறவினர்கள் வலிய வந்து பேசுவார்கள். பொருட்கள் சேரும்.

துலாம்: குடும்பத்தில் உள்ளவர்களின் உணர்வுகளை புரிந்து கொள்வீர்கள். பிள்ளைகளின் சாதனைகளால் பெருமையடைவீர்கள். இழுபறி வழக்கில் இருந்து வந்த தேக்கநிலை மாறும். பூர்வீக வீட்டை சீரமைத்து கட்டுவீர்கள்.

விருச்சிகம்: வெளியூர் பயணங்களால் ஆதாயம் உண்டு. தாயாருக்கு உடல் நலக்குறைவு ஏற்பட வாய்ப்பு உண்டு. புது வீடு, வாகனம் வாங்க திட்டமிடுவீர்கள். பணவரவு திருப்திகரமாக இருக்கும். பழைய கடன் வசூலாகும்.

தனுசு: வீடு, வாகனத்தை மாற்றுவீர்கள். நீங்கள் முன்பு செய்த உதவிகளுக்கு இப்போது பாராட்டப்படுவீர்கள். நண்பர்கள், உறவினர்கள் மத்தியில் மதிப்பு, மரியாதை கூடும்.பழைய கடன்களில் ஒன்று தீர வழி கிடைக்கும்.

மகரம்: சுறுசுறுப்புடன் செயல்களை விரைந்து முடிப்பீர்கள். சிந்தனைத் திறன் அதிகரிக்கும். குடும்பத்தில் கலகலப்பான சூழல் ஏற்படும். உங்களின் ஆரோக்கியம் சீராகும். மனைவிவழியில் உதவிகரமாக இருப்பார்கள்.

கும்பம்: கணவன் - மனைவிக்குள் ஈகோ பிரச்சினைகள் வந்து நீங்கும். நெருங்கியவரிடம் உங்களின் மனக்குறைகளை சொல்லி ஆதங்கப்படுவீர்கள். யாரையும் தூக்கி எறிந்து பேசாதீர்கள். தியானம் செய்யவும்.

மீனம்: பிள்ளைகளின் உணர்வுகளைப் புரிந்து கொள்ளுங்கள். எதிர்மறை எண்ணங்கள் வரக்கூடும். உடல் நலத்தில் கவனம் தேவை. யாருக்கும் சாட்சி கையெழுத்திட வேண்டாம். பழைய வாகனம் செலவு வைக்கும்.

- ஜோதிஷபூஷண் வேங்கடசுப்பிரமணியன்