மேஷம்: பிரபலமானவர்களின் நட்பு கிடைக்கும். தள்ளிப் போன வழக்கில் சாதகமான தீர்ப்பு வரும். அரசு காரியங்கள் விரைந்து முடியும். புதியவர்கள் அறிமுகமா
வார்கள். நண்பர், உறவினர் மத்தியில் மதிப்பு கூடும்.
ரிஷபம்: புதிய பாதையில் பயணிக்கத் தொடங்குவீர்கள். பண வரவு உண்டு. உங்கள் ரசனைக்கேற்ப வீடு, வாகனம் அமையும். கணவன் - மனைவிக்குள் மனம் விட்டு பேசுவீர்கள். நண்பர்களை சந்தித்து மகிழ்வீர்கள்.
மிதுனம்: நண்பர்கள் உதவுவார்கள். விலை உயர்ந்த ஆடை, ஆபரணங்கள் வாங்குவீர்கள். வீட்டில் கூடுதலாக ஒரு தளம் கட்டுவீர்கள். ஆன்மிகம் அதிகரிக்கும். நீண்ட நாளாக பேசாத உறவினர் வலிய வந்து பேசுவார்.
கடகம்: எதிர்மறை சிந்தனை வந்து நீங்கும். திட்டமிட்ட காரியங்கள் தாமதமாக முடியும். எதிலும் அவசரப்பட வேண்டாம். பழைய கடன்களில் ஒன்று தீர வழி கிடைக்
கும். உறவினர் வருகையால் வீட்டில் மகிழ்ச்சி தங்கும்.
» ஆம்பூர் | சாலை விரிவாக்கம் மற்றும் மேம்பாலம் பணிகள் - மத்திய இணையமைச்சர் வி.கே.சிங் நேரில் ஆய்வு
சிம்மம்: பணப் பற்றாக்குறை, வீண் டென்ஷன் வந்து போகும். நட்பை இழக்க நேரிடும். ஆன்மிகப் பெரியோரின் ஆசி கிட்டும். பூர்வீக கிராமத்து விழாவில் முதல் மரியாதை கிடைக்கும். பொருட்கள் சேரும்.
கன்னி: விஐபிகளின் அறிமுகம் கிட்டும். வேற்றுமொழி, மதத்தினரால் ஆதாயம் உண்டு. குலதெய்வ பிரார்த்தனைகளை குடும்பத்தினருடன் நிறைவேற்றுவீர்கள். பழைய பள்ளி, கல்லூரி நண்பர்களை சந்திப்பீர்கள்.
துலாம்: பழைய பிரச்சினைகளுக்கு தீர்வு காண்பீர்கள். உறவினர்கள், நண்பர்கள் வீட்டு சுப நிகழ்ச்சிகளை முன்னின்று நடத்துவீர்கள். வழக்கில் வெற்றி உண்டு. யாருக்கும், எதற்காகவும் ஜாமீன் கையெழுத்திட வேண்டாம்.
விருச்சிகம்: பழைய கடனைத் தீர்க்க யோசிப்பீர்கள். புது வேலை கிடைக்கும். தந்தையின் உடல் நலம் சீராகும். பழைய சொந்தம் தேடி வரும். நீண்ட நாளாக இழுத்தடிக்கும் வழக்கில் முன்னேற்றம் இருக்கும்.
தனுசு: யாருக்கும் ஜாமீன் கையெழுத்திட வேண்டாம். அநாவசியப் பேச்சை தவிர்ப்பது நல்லது. சகோதர வகையில் சங்கடங்கள் வரும். பூர்வீக வீட்டை சீரமைத்து, விரிவுபடுத்தி கட்டத் திட்டமிடுவீர்கள். பணவரவு உண்டு.
மகரம்: அழகு, இளமை கூடும். விஐபிகளின் நட்பு கிடைக்கும். அரசு காரியங்கள் விரைந்து முடியும். மனைவிவழியில் ஆதாயம் உண்டு. உறவினர் வீட்டு சுப நிகழ்ச்சிகளில் பங்கேற்பீர்கள். புதிய வாகனம் வாங்குவீர்கள்.
கும்பம்: மாறுபட்ட அணுகுமுறையால் பழைய பிரச்சினைகளுக்கு தீர்வு காண்பீர்கள். பெரிய பதவியில் இருப்பவர்களின் தொடர்பு கிடைக்கும். குடும்பத்தில் கை ஓங்கும். எதிர்பார்த்த இடத்தில் இருந்து பணம் வரும்.
மீனம்: பேசாமல் இருந்த உறவினர் பேசுவார். நண்பர்கள் சிலர் உங்கள் உதவியை நாடுவர். குல தெய்வப் பிரார்த்தனைகளை நிறைவேற்றுவீர்கள். அக்கம் - பக்கத்தினருடன் தேவையற்ற விவாதங்களைத் தவிர்க்கவும்.
- ஜோதிஷபூஷண் வேங்கடசுப்பிரமணியன்