இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வெளியூரிலிருந்து உறவினர், நண்பர்களின் வருகை உண்டு. குடும்பத்தினரின் எண்ணங்களை பூர்த்தி செய்வீர்கள். புண்ணிய ஸ்தலங்கள் சென்று வருவீர்கள். பழைய கடனில் ஒன்று தீர வழி கிடைக்கும்.

ரிஷபம்: மன உளைச்சல் நீங்கும். கலகலப்பாக சிரித்துப் பேசும் சூழல் அமையும். தந்தைவழி உறவினர்களால் மகிழ்ச்சியுண்டு. பூர்வீக சொத்து பிரச்சினை தொடர் பான பேச்சுவார்த்தை சுமூகமாக முடியும்.

மிதுனம்: திறமையுடன் செயல்பட்டு செயற்கரிய காரியங்களை செய்து முடிப்பீர்கள். மனக்குழப்பங்கள் நீங்கும். வேற்று மதத்தினரால் நன்மை கிட்டும். தந்தையாரின் உடல் நிலை பாதிக்கும். பணவரவு உண்டு.

கடகம்: கணவன் - மனைவிக்குள் விட்டுக் கொடுத்துப் போவது நல்லது. மற்றவர்களுக்கு உதவி செய்யப் போய் உபத்திரவத்தில் சிக்கிக் கொள்ளாதீர்கள். வாக்குறுதியை நிறைவேற்ற போராட வேண்டி வரும்.

சிம்மம்: எதிர்பார்த்த உதவிகள் தக்க சமயத்தில் கிடைக்கும். தெளிவான முடிவுகளால் தொல்லைகள் நீங்கும். குடும்பத்தாரின் ஒத்துழைப்பு அதிகரிக்கும். மற்றவர் விஷயங்களில் தலையிடாமல் இருக்க வேண்டும்.

கன்னி: அரசு காரியங்களில் இருந்து வந்த தடைகள் விலகும். வெளிவட்டாரத் தொடர்பு அதிகரிக்கும். வெளியூர் பயணங்கள் மகிழ்ச்சி தரும். தள்ளி இருந்த உறவினர்கள் வலிய வந்து பேசுவார்கள். பொருட்கள் சேரும்.

துலாம்: குடும்பத்தில் உள்ளவர்களின் உணர்வுகளைப் புரிந்து கொள்வீர்கள். பிள்ளைகளால் பெருமை அடைவீர்கள். வழக்கில் இருந்து வந்த தேக்க நிலை மாறும். யாருக்கும் ஜாமீன் கையெழுத்திட வேண்டாம்.

விருச்சிகம்: வெளியூர் பயணங்களால் ஆதாயம் உண்டு. தாயாருக்கு உடல் நலக்குறைவு ஏற்பட வாய்ப்பிருக்கிறது. புது வீடு, மனை, வாகனம் வாங்க யோசிப்பீர்கள். புதிய நண்பர்களால் தொல்லை அதிகரிக்கும்.

தனுசு: வீடு, வாகனத்தை மாற்றுவீர்கள். நீங்கள் முன்பு செய்த உதவிகளுக்கு இப்பொழுது பாராட்டப்படுவீர்கள். உறவினர்கள் மத்தியில் மதிக்கப்படுவீர்கள். நீண்ட நாளாக பேசாத நண்பர் வந்து பேசுவார்.

மகரம்: சுறுசுறுப்புடன் செயல்களை விரைந்து முடிப்பீர்கள். சிந்தனைத் திறன் அதிகரிக்கும். குடும்பத்தில் கலகலப்பான சூழல் ஏற்படும். உங்களின் ஆரோக்கியம் சீராகும். தாய்வழி உறவினர் மத்தியில் மதிப்பு கூடும்.

கும்பம்: கணவன் - மனைவிக்குள் ஈகோ பிரச்சினைகள் வந்து நீங்கும். நெருங்கியவரிடம் உங்களின் மனக்குறைகளை சொல்லி ஆதங்கப்படுவீர்கள். சுபநிகழ்ச்சிகளால் அலைச்சல், செலவீனங்கள் அதிகரிக்கும்.

மீனம்: பிள்ளைகளின் உணர்வுகளைப் புரிந்து கொள்ளுங்கள். எதிர்மறை எண்ணங்கள் வரக்கூடும். உடல் நலத்தில் கவனம் தேவை. யாருக்கும் சாட்சி கையெழுத்திட வேண்டாம். மன அமைதிக்கு தியானம் செய்யவும்.

- ஜோதிஷபூஷண் வேங்கடசுப்பிரமணியன்