- பெருங்குளம் ராமகிருஷ்ண ஜோஸ்யர்
மிருகசீரிஷம்:
செவ்வாயை நட்சத்திரநாதனாகக் கொண்ட மிருகசீரிஷம் நட்சத்திரத்தில் பிறந்த அன்பர்களே!
இந்த ஆண்டு காரியத் தடை, தாமதம் ஏற்படலாம். கவனமாக செயல்படுவது நல்லது. பயணங்கள் ஏற்படும். மனக்குழப்பம் நீங்கி தெளிவான முடிவுகள் எடுப்பீர்கள். மற்றவர்களிடம் கெட்ட பெயர் வாங்க நேரலாம். பொருள்களை கவனமாக பாதுகாத்துக் கொள்வது நல்லது. ஆரோக்கியம் பாதிக்கப்படலாம். தொழில் வியாபாரத்தில் லாபம் குறையும் நிலை உண்டாகலாம்.
திட்டமிட்டு செயல்படுவது நன்மைதரும். வியாபாரம் தொடர்பான பயணங்கள் அலைச்சலை தரும். உத்தியோகத்தில் இருப்பவர்கள் கவனமாக பணிகளை மேற்கொள்வது அவசியம். உழைப்பு அதிகமாகும். குடும்பத்தில் திடீர் பிரச்சினை ஏற்பட்டு பின்னர் சரியாகும். கணவன், மனைவிக்கிடையே கருத்து வேற்றுமை ஏற்படலாம். குழந்தைகள் பற்றிய கவலை அதிகரிக்கும்.
பெண்கள் எந்த ஒரு சிக்கலான பிரச்சினைகளிலும் தெளிவான முடிவுகளை எடுப்பீர்கள். கலைத்துறையினருக்கு எதிர்பார்க்கும் காரியங்கள் சாதகமாக நடந்து முடியும். அரசியல்வாதிகளுக்கு புதிய பொறுப்புகள் கிடைக்கும். மாணவர்கள் கல்வியில் முன்னேற்றம் காண திட்டமிட்டு படிப்பது நல்லது.
பொதுவாக இந்த ஆண்டு உங்களுக்கு சுபவிரயச் செலவுகள் ஏற்படும்.
பரிகாரம்: நந்திதேவரை வணங்கி வர எல்லா நன்மைகளும் உண்டாகும். தொழில் போட்டிகள் குறையும்.
மதிப்பெண்கள்: 82% நல்லபலன்களை எதிர்பார்க்கலாம்.
*******************************************