இந்த வாரம் இப்படித்தான்! வார  நட்சத்திர பலன்கள் - (மார்ச் 2 முதல் 8ம் தேதி வரை) புனர்பூசம், பூசம், ஆயில்யம்- ‘சொல்வாக்கு ஜோதிடர்’ ஜெயம் சரவணன்

இந்த வாரம் இப்படித்தான்! வார நட்சத்திர பலன்கள் - (மார்ச் 2 முதல் 8ம் தேதி வரை) புனர்பூசம், பூசம், ஆயில்யம்- ‘சொல்வாக்கு ஜோதிடர்’ ஜெயம் சரவணன்
புனர்பூசம் -

நன்மைகள் அதிகமாக நடைபெறும் வாரம்.

எதிர்பார்த்த பணவரவு கிடைக்கும். வியாபார பேச்சுவார்த்தைகள் வெற்றிகரமாக நடக்கும். பணியிடத்தில் பெரிய மாறுதல்கள் ஏதும் இருக்காது. தொழிலில் நல்ல முன்னேற்றம் ஏற்படும். புதிய ஒப்பந்தங்கள் கிடைக்கும். பங்கு வர்த்தகத்தில் சீரான லாபம் உண்டாகும்.

ரியல்எஸ்டேட் துறையில் இருப்பவர்களுக்கு நல்ல முன்னேற்றம் ஏற்படும். பெண்கள் தங்கள் ஆரோக்கியத்தில் கவனம் செலுத்த வேண்டும். சகோதர வழியில் இருந்த வருத்தங்கள் நீங்கி ஒற்றுமை ஏற்படும்.

மாணவர்கள் தேர்வுகளில் நல்ல மதிப்பெண் கிடைக்கப் பெறுவார்கள், அடுத்த ஆண்டு கல்விக்காக இப்போதே தங்களை தயார் செய்து கொள்வார்கள். கலைத்துறையினருக்கு புதிய வாய்ப்புகள் கிடைக்கும், அயல்நாடு செல்லும் யோகமும் உண்டு.

இந்த வாரம் -

திங்கள் -
எந்த ஒரு விஷயத்திலும் அவசரப்படாமல் செயல்படுங்கள். மனக்குழப்பத்திற்கு ஆளாக வேண்டாம். தேவையில்லாத சர்ச்சைகள் தேடிவரும். எதிலும் தலையிடாமல் இருப்பது நல்லது.

செவ்வாய் -
வருமானம் இருமடங்காகும். எடுத்துக்கொண்ட முயற்சிகள் அனைத்தும் வெற்றியாகும். அதிக முயற்சி எடுக்காத விஷயங்கள் கூட இப்பொழுது தானாக முடியும். நீண்டநாளாக பேசி வந்த வியாபாரம் இன்று பேசி முடிவு எடுக்கப்படும்.

புதன் -
பயணங்கள் அதிகரிக்கும். குடும்பத்தினர் தேவைகளுக்காக செலவு செய்ய வேண்டியது வரும். ஆடம்பர செலவுகளை கட்டுப்படுத்த வேண்டும். தொலைபேசி வழித் தகவல் மகிழ்ச்சி தரும். வெளிநாட்டிலிருந்து ஒரு சில உதவிகள் கிடைக்கும். வேற்று மொழி அல்லது இனத்தை சேர்ந்தவர்களால் ஆதாயம் கிடைக்கும்.

வியாழன் -
சொந்த வீடு வாங்கும் கனவு நிறைவேறும். எதிர்பார்த்த வங்கிக் கடன் கிடைக்கும். உறவுகளால் உதவிகள் கிடைக்கும். இல்லத்தில் சுப விசேஷங்களுக்கான பேச்சுவார்த்தைகள் நடக்கும்.

வெள்ளி -
நண்பர்களுக்கும், உறவினர்களுக்கும் ஒரு சில வேலைகளை செய்து கொடுப்பீர்கள்.அலுவலக சக ஊழியர்களுக்கு நீங்களாக உதவி செய்வீர்கள். தொழில் தொடர்பான சந்திப்புகள் மனநிறைவைத் தருவதாக இருக்கும். ஆலய வழிபாடு ஏற்படும்.

சனி-
அலைச்சல்கள் அதிகமாகும், ஒருசில ஏமாற்றங்களையும் சந்திக்க வேண்டியது வரும், எதிலும் அவசரம் காட்ட வேண்டாம். ஒப்பந்தங்கள் எதுவும் போட வேண்டாம், பயணங்களைத் தவிர்க்க வேண்டும்.

வணங்கவேண்டிய தெய்வம் -
சக்கரத்தாழ்வார் வழிபாடு செய்யுங்கள். விஷ்ணு சகஸ்ரநாமம் பாராயணம் செய்யுங்கள். நன்மைகளை ஏற்படுத்தி தரும். உயர்வான வாழ்வுக்கு வழிவகுக்கும்.
********************************************************************

பூசம்.
அதிக அளவிலான நன்மைகள் நடைபெறும்.

எடுத்துக் கொண்ட முயற்சிகள் அனைத்தும் வெற்றியாகும். பயணங்களால் ஆதாயமடைவீர்கள். வெளிநாடு செல்லும் முயற்சி சாதகமாக இருக்கும். வெளிநாடு செல்வதற்கு தேவையான உதவிகள் கிடைக்கும்.

உத்தியோகத்தில் சிறியளவிலான மாறுதல்கள் இருக்கும். ஒரு சிலருக்கு பதவி உயர்வு கிடைக்கும். தொழிலில் அபரிமிதமான வளர்ச்சி காண்பார்கள். புதிய ஒப்பந்தங்கள் கிடைக்கப் பெறுவார்கள். பங்கு வர்த்தகத் துறையில் இருப்பவர்களுக்கு அபரிமிதமான வளர்ச்சி முன்னேற்றம் ஏற்படும்.

புதிதாக தொழில் தொடங்கும் சிந்தனை உடையவர்கள் இந்த வாரம் தொழில் தொடங்குவதற்கான வாய்ப்புகள் உண்டு. பெண்கள் தங்கள் ஆரோக்கியத்தில் இருந்த பாதிப்புகள் நீங்கி, நல்ல முன்னேற்றம் ஏற்படும். மருத்துவச் செலவுகள் குறையும். குழந்தைகளைப் பற்றிய கவலை நீங்கும்.

சொந்த வீடு வாங்கும் முயற்சி வெற்றியாகும். பூர்வீகச் சொத்து சம்பந்தமான விஷயங்களில் ஏதேனும் வழக்கு நடந்து கொண்டிருந்தால் வழக்கில் உங்களுக்கு சாதகமான தீர்ப்பு கிடைக்கும். திரைத்துறை கலைஞர்களுக்கு புதிய வாய்ப்புகள் கிடைக்கும். அயல்நாடு செல்லும் வாய்ப்பும் உண்டாகும்.

இந்த வாரம் -

திங்கள் -
எதிர்பார்த்த பண உதவி கிடைக்கும். வங்கியில் வீட்டுக் கடன் கிடைக்கும். பயணங்களால் ஆதாயம் கிடைக்கப் பெறுவீர்கள். ஒரு சில முடிவுகளை எடுத்து அதை செயல்படுத்துவீர்கள். எடுத்த காரியத்தை வெற்றிகரமாக முடிப்பீர்கள்.

செவ்வாய் -
நிதானமாக செயல்பட்டு காரியங்களை சாதித்துக் கொள்ள வேண்டும். அலுவலகத்தில் திட்டமிட்டு உங்களுக்கு பணிச்சுமையை அதிகரிப்பார்கள். பொறுமையாக ஏற்றுக் கொள்ளுங்கள். வீண் வாக்குவாதங்களில் ஈடுபட வேண்டாம். அவசரமான முடிவுகள் எடுக்க வேண்டாம். கோப்புகளில் கையெழுத்து போடும்முன் யோசித்து கையெழுத்திடுங்கள்.

புதன் -
எடுத்துக் கொண்ட அனைத்து செயல்களிலும் வெற்றி கிடைக்கும். பணவரவு எதிர்பார்த்தபடியே கிடைக்கும்.வியாபார பேச்சுவார்த்தைகள் ஒப்பந்தங்களாக மாறும்.குடும்பத்தில் சுப நிகழ்ச்சிகள் நடப்பதற்கான வாய்ப்புகள் உண்டு.

வியாழன் -
செலவுகள் அதிகமாக இருக்கும்., வீட்டு பராமரிப்புச் செலவுகள், வாகனப் பராமரிப்புச் செலவுகள் என செலவுகளைக் கட்டுப்படுத்த முடியாது. உறவினர்களுக்காக ஒரு சில உதவிகளை செய்து தர வேண்டிய நிர்பந்தம் உண்டாகும்.

வெள்ளி-
பயணங்களால் ஆதாயம் ஏற்படும். வெளியூர் அல்லது வெளிநாட்டிலிருந்து நல்ல தகவல்கள் கிடைக்கும். லாபம் இரட்டிப்பாக இருக்கும்.தொழிலுக்காக எடுத்துக் கொள்ளும் முயற்சியில் முன்னேற்றம் ஏற்படும்.எதிர்ப்புக் காட்டிய நபர்கள் உங்களிடம் சரண் அடைவார்கள்.

சனி-
குடும்பத்தினருக்காகவும் நண்பர்களுக்காகவும் செலவு செய்வீர்கள். அலைச்சல் அதிகமாக இருக்கும். உடல் சோர்வு உண்டாகும்.எதிர்பாராத செலவுகள் ஏற்படும்.

ஞாயிறு -
வியாபாரம் பேச்சுவார்த்தைகள் ஒப்பந்தங்களாக மாறும். எதிர்பார்த்த பணம் கிடைக்கும். ஆதாயம் தரும் ஒப்பந்தம் ஒன்று நிறைவேறும். தொழிலுக்குத் தேவையான உதவிகள் கிடைக்கும்.

வணங்கவேண்டிய தெய்வம்-
சிவபெருமானுக்கு வில்வ அர்ச்சனை செய்யுங்கள். சிவபெருமானுக்கும், நந்தி பகவானுக்கும் நெய் தீபம் ஏற்றி வணங்குங்கள். நன்மைகள் அதிகமாகும். எதிர்ப்புகள் குறையும்.
******************************************************************

ஆயில்யம் -
எடுத்துக்கொண்ட முயற்சிகள் அனைத்திலும் வெற்றி கிடைக்கும்.

உத்தியோகத்தில் இடமாற்றம் ஏற்பட வாய்ப்புண்டு. ஒருசிலர் பணிசெய்த நிறுவனத்திலிருந்து வேறு நிறுவனத்திற்கு மாறுவார்கள். வெளிநாடு செல்வதற்கான வாய்ப்புகள் அதிகம். தொழிலில் எதிர்பாராத அளவுக்கு புதிய ஒப்பந்தங்கள் கிடைக்கும்.

தொழில் முதலீடுகள் கிடைக்கப்பெறுவீர்கள்.வியாபாரிகள் தங்கள் வியாபாரத்தில் நல்ல வளர்ச்சி காண்பார்கள். எதிர்பார்த்ததைவிட லாபம் அதிகமாக இருக்கும் புதிய வியாபார கடைகள் ஆரம்பிக்கும் சிந்தனை தோன்றும். பங்கு வர்த்தகத் துறை சீராக இருக்கும்.

பெண்கள் தங்களுடைய எண்ணங்கள் முழுமையாக நிறைவேறும் வாரம் இது. வேலை இல்லாதவர்களுக்கு வேலை கிடைக்கும். திருமணமாகாத பெண்களுக்கு திருமணம் நடக்கும். சொந்த வீடு வாங்கும் முயற்சியில் தேவையான உதவிகள் கிடைக்கும். குழந்தை பாக்கியம் இல்லாத பெண்களுக்கு இப்பொழுது குழந்தை பாக்கியம் கிடைக்கும்.மாணவர்களுக்கு கல்வியில் சிறு தடைகள் ஏற்படும். அதையெல்லாம் சமாளித்து முன்னேற்றம் காண்பார்கள்.

இந்த வாரம் -

திங்கள்-
வியாபார விஷயங்களில் மற்றவர்களுக்கு பங்கு கொடுக்க வேண்டிய நாளாக இருக்கும். தொழில் தொடர்பான பேச்சுவார்த்தைகள் மனநிறைவைத் தரும். ஒப்பந்தங்கள் ஏற்படுவதில் சிறு திருத்தங்கள் மேற்கொள்ள வேண்டியது வரும். அலுவலகப் பணிகளில் மற்றவர்களுக்கு உதவி செய்ய வேண்டிய சூழ்நிலை உருவாகும்.

செவ்வாய்-
அலுவலகத்தில் எதிர்பார்த்த சலுகைகள் கிடைக்கும். வேறு நிறுவனங்களில் இருந்து அழைப்பு வரவும் வாய்ப்பு உள்ளது. வெளிநாட்டிலிருந்து நல்ல தகவல் கிடைக்கும். நண்பர்களால் ஆதாயம் ஏற்படும். பயணங்களால் லாபம் உண்டு. எடுத்த வேலைகள் அனைத்தும் வெற்றிகரமாக முடிப்பீர்கள்.

புதன் -
எந்த ஒரு விஷயத்தை நிதானமாக கையாள வேண்டும். ஒப்பந்தங்கள் போடும்பொழுது முழுமையாக படித்துப் பார்த்த பின்பு ஒப்பந்தங்களை ஏற்கவேண்டும். அலுவலகத்திலும் அக்கம்பக்கத்தினருடனும் சுமூகமாக செல்ல வேண்டும். பயணங்களில் கவனமாக இருக்க வேண்டும்.

வியாழன் -
திட்டமிட்ட காரியங்கள் அனைத்தும் திட்டமிட்டபடி நடக்கும். பணவரவு தாராளமாக இருக்கும். எதிர்பார்த்த வங்கிக் கடன் கிடைக்கும். நீண்ட நாளாக வராமலிருந்த பணம் இப்பொழுது வசூலாகும். திருமண முயற்சிகள் முடிவாகும். குடும்பத்தில் சுப விசேஷங்கள் பற்றிய விஷயங்கள் முடிவாகும்.

வெள்ளி -
அதிக நன்மைகள் நடைபெறும். வியாபாரத்தில் லாபம் எதிர்பாராத அளவிற்கு இருக்கும். அலுவலகத்தில் தேங்கிய வேலைகள் அனைத்தும் சுறுசுறுப்பாக செய்து முடிப்பீர்கள்.சுப காரிய பேச்சுக்கள் மனதிற்கு நிறைவைத்தரும். வருமானம் அதிகரிக்கும். தேவைகள் நிறைவேறும்.

சனி-
குடும்பத்தில் ஏற்பட்ட ஒரு சில பிரச்சினைகளை முடிவுக்குக் கொண்டு வருவீர்கள். ஆதாயம் ஏற்படும் ஒரு வியாபார ஒப்பந்தம் ஏற்படும். எதிர்பார்த்த பணம் கிடைக்கும். சிறு தூரப் பயணங்கள் ஏற்படும். பயணங்களால் ஆதாயம் உண்டாகும். தொழில் தொடர்பான உதவிகள் கிடைக்கும்.

ஞாயிறு -
அதிக நன்மைகள் நடைபெறும் நாள் நினைத்தது நினைத்தபடியே நிறைவேறும் பணவரவு தாராளமாக இருக்கும் சுபகாரிய பேச்சுவார்த்தைகள் முடிவாகும். பெண்களுக்கு ஆடை ஆபரணச் சேர்க்கை ஏற்படும். முக்கியமாக, கடன் பிரச்சினை ஒன்று முடிவுக்கு வரும்.

வணங்கவேண்டிய தெய்வம்-

ஸ்ரீ மஹாலக்ஷ்மி தாயாருக்கு வெண் தாமரை மலர் கொண்டு அர்ச்சனை செய்து, நெய் தீபமேற்றி வணங்குங்கள். நன்மைகள் அதிகமாகும். தேவைகள் பூர்த்தி ஆகும்.
******************************************************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.