இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: அதிரடி திட்டங்களை தீட்டுவீர்கள். பணவரவு திருப்திகரமாக இருக்கும். உங்களை தேடிவந்து சிலர் உதவி கேட்பார்கள். ஆன்மிகவாதிகளின் சந்திப்பு நிகழும். வாகனம் செலவு வைக்கும்.

ரிஷபம்: முகப்பொலிவு கூடி புத்துணர்ச்சியுடன் காணப்படுவீர்கள். துடிப்புடன் செயல்பட்டு வேலைகளை முடிப்பீர்கள். குடும்பத்தில் கலகலப்பான சூழல் நிலவும். பிள்ளைகளால் பெருமை உண்டு.

மிதுனம்: பளிச்சென்று பேசி எல்லோரையும் கவர்வீர்கள். கணவன் - மனைவிக்குள் அன்யோன்யம் அதிகரிக்கும். வருங்காலத்துக்கான முக்கிய முடிவுகளை துணிச்சலுடன் எடுப்பீர்கள்.

கடகம்: வெளிவட்டாரத்தில் மதிக்கப்படுவீர்கள். மனதில் நிலவிய குழப்பம் விலகி தெளிவு ஏற்படும். உறவினர்கள், நண்பர்களின் சந்திப்பு நிகழும். வீட்டை விரிவுபடுத்தும் முயற்சியில் ஈடுபடுவீர்கள்.

சிம்மம்: வெளியூரிலிருந்து உறவினர்கள், நண்பர்களின் திடீர் வருகையால் வீடு களைகட்டும். குடும்பத்துக்குத் தேவையான அடிப்படை வசதிகளை பூர்த்தி செய்வீர்கள். கலைப்பொருட்கள் சேரும்.

கன்னி: சின்னச் சின்ன பிரச்சினைகள் ஏற்படக் கூடும். நீங்கள் ஒன்று பேசப் போய் மற்றவர்கள் அதை வேறுவிதமாகப் புரிந்து கொள்வார்கள். எதிலும் நிதானமுடன் செயல்படுங்கள்.

துலாம்: விடாப்பிடியாக செயல்பட்டு சில வேலைகளை முடிப்பீர்கள். குடும்பத்தில் ஒருவருக்கொருவர் அனுசரித்து செல்லுங்கள். அநாவசியச் செலவுகளை தவிர்ப்பது நல்லது.

விருச்சிகம்: உறவினர், நண்பர்களின் வருகையுண்டு. ஆடம்பர செலவுகளை குறைத்து சேமிக்கத் தொடங்குவீர்கள். மனதுக்குப் பிடித்தவரை நீண்ட நாட்களுக்குப் பின் சந்தித்து மகிழ்வீர்கள்.

தனுசு: உறவினர்கள் மத்தியில் மதிக்கப்படுவீர்கள். சகோதரர் வகையில் நன்மை பிறக்கும். உற்சாகமான பேச்சால் அனைவரையும் கவர்ந்து விடுவீர்கள். வீடு, வாகனத்தை மாற்றுவீர்கள்.

மகரம்: சோர்வு நீங்கி சுறுசுறுப்படைவீர்கள். சிந்தனைத்திறன் அதிகரிக்கும். குடும்பத்தில் கலகலப்பான சூழல் ஏற்படும். வீடு, மனை வாங்குவது குறித்து குடும்பத்தினருடன் ஆலோசி்ப்பீர்கள்.

கும்பம்: அக்கம்பக்கத்தில் இருப்பவர்களை அனுசரித்து செல்லுங்கள். எதற்கெடுத்தாலும் அடுத்தவர்களை குறை கூறுவதை நிறுத்துங்கள். சாலையை கடக்கும்போது கவனம் தேவை.

மீனம்: புத்துணர்ச்சியுடன் காணப்படுவீர்கள். கணவன் - மனைவிக்குள் நிலவிய கருத்துவேறுபாடுகள் நீங்கும். விருந்தினர், நண்பர்களின் வருகையால் வீட்டில் மகிழ்ச்சி தங்கும்.