இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: வீண் அலைச்சல், டென்ஷன், கோபம் யாவும் நீங்கும். விருந்தினர் வருகையால் குடும்பத்தில் மகிழ்ச்சி தங்கும். இழுபறியாக இருந்த வேலைகள் முடியும். பணவரவு உண்டு.

ரிஷபம்: மறதியால் பிரச்சினைகள் வந்து நீங்கும். அக்கம்பக்கத்தினரிடம் உள்ள கோபத்தை குடும்பத்தாரிடம் காட்டாதீர்கள். விமர்சனங்களை கண்டும் காணாமல் இருப்பது நல்லது.

மிதுனம்: சில வேலைகளை மற்றவர்களை நம்பாமல் நீங்களே முன்னின்று முடிப்பது நல்லது. பிள்ளைகளால் அலைச்சல் அதிகரிக்கும். யாருக்கும் எந்த உறுதிமொழியும் தர வேண்டாம்.

கடகம்: நீண்ட நாட்களுக்குப் பின்னர் குடும்பத்தினருடன் மனம்விட்டு பேசுவீர்கள். நம்பிக்கைக்கு உரியவர்களை ஆலோசித்து முக்கிய முடிவுகள் எடுப்பீர்கள். அதிகாரப் பதவியில் இருப்பவர் உதவுவார்.

சிம்மம்: எதிர்பார்ப்புகள் நிறைவேறும். பிள்ளைகளை புதிய பாதையில் வழி நடத்துவீர்கள். சிலர் உங்கள் உதவியை நாடுவார்கள். புண்ணிய தலங்களுக்கு குடும்பத்துடன் சென்று வருவீர்கள்.

கன்னி: கணவன் - மனைவிக்குள் நிலவிய கருத்துவேறுபாடு நீங்கும். புதியவர்கள் நண்பர்களாவார்கள். இக்கட்டான சூழ்நிலையில் அக்கம்பக்கத்தினர் கைகொடுத்து உதவுவார்கள்.

துலாம்: செலவுகளை குறைக்க முடியாமல் திணறுவீர்கள். குடும்பத்தில் உள்ளவர்களின் உணர்வுகளை புரிந்து கொள்ளுங்கள். உங்கள் மீது சிலர் வீண் பழி சுமத்துவார்கள்.

விருச்சிகம்: உங்களின் பலம், பலவீனத்தை உணர்ந்து செயல்படுவீர்கள். சகோதரர்களால் நன்மை உண்டு. கல்யாணப் பேச்சுவார்த்தையில் முன்னேற்றம் உண்டு. கலைப்பொருட்கள் சேரும்.

தனுசு: உங்கள் ஆலோசனையை குடும்பத்தினர் ஏற்றுக் கொள்வர். வெளிவட்டாரத்தில் செல்வாக்கு கூடும். அரசால் அனுகூலம் உண்டு. சொத்து தொடர்பான வழக்கில் வெற்றி பெறுவீர்கள்.

மகரம்: குடும்பத்தின் அடிப்படை வசதிகளை மேம்படுத்துவீர்கள். உறவினர்களில் உண்மையானவர்களை கண்டறிவீர்கள். ஆடம்பர செலவுகளை குறைத்து சேமிக்கத் தொடங்குவீர்கள்.

கும்பம்: எதிர்ப்புகளை தாண்டி முன்னேறுவீர்கள். தாயாருடன் கருத்துமோதல்கள் வரக்கூடும். கலைப்பொருட்கள் வாங்குவீர்கள். வீட்டை விரிவுபடுத்தும் முயற்சியில் ஈடுபடுவீர்கள்.

மீனம்: துணிச்சலாக சில முக்கிய முடிவுகள் எடுப்பீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பிரபலங்கள் அறிமுகமாவார்கள். வாகனம் செலவு வைக்கும்.