இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: விடாப்பிடியாகச் செயல்பட்டு வெற்றி காண்பீர்கள். கணவன் - மனைவிக்குள் மனம்விட்டுப் பேசுவீர்கள். சகோதரர் வகையில் நன்மை கிட்டும். பணவரவு திருப்தி தரும்.

ரிஷபம்: விவாதங்களில் வெற்றி பெறுவீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பெரிய பதவி, பொறுப்பு தேடி வரும். திடீர் பயணம் ஏற்படும்.

மிதுனம்: கணவன் - மனைவிக்குள் அன்யோன்யம் அதிகரிக்கும். கைமாற்றாக வாங்கியிருந்த பணத்தை தந்து முடிப்பீர்கள். குடும்பத்தினரின் கோரிக்கைகளுக்கு முக்கியத்துவம் தருவீர்கள்.

கடகம்: கணவன் - மனைவிக்குள் ஒருவருக்கொருவர் விட்டுக் கொடுத்து போவது நல்லது. வாகனத்தை இயக்கும்போது கவனம் தேவை. மின்னணு சாதனங்கள் திடீரென பழுதாகும்.

சிம்மம்: திடமாக முடிவுகள் எடுப்பீர்கள். விருந்தினர் வருகையால் குடும்பத்தில் கலகலப்பான சூழல் ஏற்படும். எதிர்பார்த்திருந்த தொகை கைக்கு வரும். மனைவிவழியில் உதவியுண்டு.

கன்னி: தடைகளைத் தாண்டி முன்னேறுவீர்கள். முக்கிய பிரமுகர் ஒருவரின் உதவியால் சில காரியங்களை முடிப்பீர்கள். சோர்வு நீங்கி சுறுசுறுப்படைவீர்கள். கலைப்பொருட்கள் சேரும்.

துலாம்: உறவினர்கள், நண்பர்கள் வீட்டு சுபகாரியங்களில் குடும்பத்துடன் கலந்து கொள்வீர்கள். புது வீடு, மனை வாங்கும் சூழல் கனிந்து வரும்.. கலை, இசையில் ஈடுபாடு அதிகரிக்கும்.

விருச்சிகம்: நெடுநாட்களாகத் திட்டமிட்டிருந்த காரியம் கைகூடி வரும். அதிகாரப் பதவியில் இருப்பவர்கள் அறிமுகமாவார்கள். விலை உயர்ந்த ஆடை, ஆபரணங்கள் வாங்குவீர்கள்.

தனுசு: கணவன் - மனைவிக்குள் நிலவிய கருத்துவேறுபாடு நீங்கும். நல்ல நிறுவனத்தில் வேலை கிடைக்கும். பூர்வீகச் சொத்து கைக்கு வரும். பிள்ளைகளின் பொறுப்புணர்வு அதிகமாகும்.

மகரம்: பணவரவு அதிகரிக்கும். பிரபலங்களுடன் எதிர்பாராத சந்திப்பு நிகழும். குடும்பத்தில் சுபகாரியங்களுக்கு ஏற்பாடாகும். பிள்ளைகளின் கூடாப் பழக்கவழக்கங்கள் விலகும்.

கும்பம்: வீண் பகை, விரயச் செலவு, முன்கோபம், திடீர் பயணம் வந்து செல்லும். அரசாங்க அதிகாரிகளை பகைத்துக் கொள்ளாதீர்கள். அடுத்தவர் விவகாரங்களில் தலையிட வேண்டாம்.

மீனம்: வேலைகளை உடனே முடிக்க வேண்டுமென்று நினைப்பீர்கள். பிள்ளைகளால் அலைச்சல் உண்டு. அக்கம்பக்கத்தினரின் செயல்பாடுகள் கோபம், எரிச்சலை உண்டாக்கும்.