மேஷம் முதல் மீனம் வரை: தமிழ்ப் புத்தாண்டு - ஒரு வரியில் பலன்களும் பரிகாரமும்

மேஷம்: மன உறுதியுடன் இலக்கை எட்டிப் பிடிப்பதாகவே மேஷம் ராசியினருக்கு விசுவாவசு வருட தமிழ்ப் புத்தாண்டு அமையும். பரிகாரம்: பிள்ளையார்பட்டி கற்பக விநாயகரை வழிபடுங்கள். ஏழை மாணவர்களுக்கு படிக்க உதவுங்கள். தென்னை மரக்கன்று நட்டு பராமரியுங்கள். சுபிட்சம் உண்டாகும்.

ரிஷபம்: தன்னம்பிக்கையுடன் செயல்பட்டு வெற்றி பெற வைப்பதாக ரிஷபம் ராசியினருக்கு விசுவாவசு வருட தமிழ்ப் புத்தாண்டு அமையும். பரிகாரம்: ஸ்ரீகால பைரவரை ஞாயிற்றுக்கிழமைதோறும் தீபமேற்றி வழிபடுங்கள். பார்வையற்றோருக்கு ஏதேனும் ஒருவகையில் உதவுங்கள். தென்னங்கன்று நட்டு பராமரியுங்கள். நல்லது நடக்கும்.

மிதுனம்: தடைகளைத் தாண்டி சாதிக்க வைப்பதாகவே மிதுனம் ராசியினருக்கு இந்தத் தமிழ்ப் புத்தாண்டு அமையும். பரிகாரம்: ஸ்ரீவராகி அம்மனை வழிபடுங்கள். ஆதரவற்ற வயதானவர்களுக்கு உணவு, உடையை தானமாக கொடுங்கள். வேப்ப மரக்கன்று நட்டு பராமரியுங்கள். வெற்றியுண்டு.

கடகம்: விசுவாவசு வருட தமிழ்ப் புத்தாண்டு பல சவால்களை கொடுத்து, சாதிக்க வைப்பதாகவே கடகம் ராசியினருக்கு அமையும். பரிகாரம்: ஸ்ரீமதுரை மீனாட்சியம்மனை வழிபடுங்கள். அபிராமி அந்தாதி படியுங்கள். மனவளம் குன்றியவர்களுக்கு உணவு, உடை கொடுங்கள். புன்னை மரக்கன்று நட்டு பராமரியுங்கள். மகிழ்ச்சி பொங்கும்.

சிம்மம்: சில சிரமங்களைக் கொடுத்தாலும் பலவிதங்களிலும் முன்னேற்றத்தை தேடித் தருவதாகவே சிம்மம் ராசியினருக்கு இந்தத் தமிழ்ப் புத்தாண்டு அமையும். பரிகாரம்: வடலூர் வள்ளலார் ராமலிங்க சுவாமிகளை வணங்குங்கள். செருப்பு தைக்கும் தொழிலாளிக்கு உதவுங்கள். வில்வ மரக்கன்று நட்டு பராமரியுங்கள். நினைப்பது நடக்கும்.

கன்னி: இந்தத் தமிழ்ப் புத்தாண்டு நெடுநாள் கனவை நனவாக்குவதாகவே கன்னி ராசியினருக்கு அமையும். பரிகாரம்: பழநி மலை முருகனை வழிபடுங்கள். சாலைப் பணி செய்பவர்களுக்கு எந்த வழியிலாவது உதவுங்கள். நெல்லி மரக்கன்று நட்டு பராமரியுங்கள். நினைத்தது நிறைவேறும்.

துலாம்: விசுவாவசு வருட தமிழ்ப் புத்தாண்டு துலாம் ராசியினரின் தரத்தை ஒருபடி உயரச் செய்வதாக அமையும். பரிகாரம்: ஸ்ரீதுர்கை அம்மனை தீபமேற்றி வணங்குங்கள். வாய் பேச முடியாதவர்களுக்கு தங்களால் முடிந்த உதவியை செய்யுங்கள். செம்பருத்தி செடியை நட்டு பராமரியுங்கள். மகிழ்ச்சி பொங்கும்.

விருச்சிகம்: விருச்சிகம் ராசியினருக்கு இந்த விசுவாவசு வருட தமிழ்ப் புத்தாண்டு அனுபவங்கள் பல தந்து அதன் மூலம் அவர்களைச் சீர்படுத்துவதாக அமையும். பரிகாரம்: மேல்மலையனூர் அங்காள பரமேஸ்வரி அம்மனை வணங்குங்கள். கோயில் உழவாரப் பணிக்கு உதவுங்கள். மாமரக்கன்று நட்டு பராமரியுங்கள். எல்லாம் இன்பமயமாகும்.

தனுசு: இந்தத் தமிழ்ப் புத்தாண்டு, தனுசு ராசியினரை வளர்ச்சிப் பாதையில் அழைத்துச் செல்வதாக அமையும். பரிகாரம்: திருச்செந்தூர் முருகனை வழிபடுங்கள். காது கேளாதவர்களுக்கு ஏதேனும் ஒருவகையில் உதவுங்கள். வாழை மரக்கன்று நட்டு பராமரியுங்கள். எதிலும் வெற்றி கிட்டும்.

மகரம்: சவால்கள் நிறைந்ததாகவும், சாமர்த்தியத்தைக் கற்றுத் தருவதாகவுமே மகரம் ராசியினருக்கு விசுவாவசு வருட தமிழ்ப் புத்தாண்டு அமையும். பரிகாரம்: ஸ்ரீகாஞ்சி காமாட்சி அம்மனை வழிபடுங்கள். பள்ளிக் கூடங்களை புதுப்பிக்க முடிந்த வரை உதவுங்கள். எலுமிச்சை மரக்கன்று நட்டு பராமரியுங்கள். முன்னேற்றம் உண்டு.

கும்பம்: இந்தத் தமிழ்ப் புத்தாண்டு, முதலில் ஒருவித அழுத்தத்தைக் கொடுத்தாலும் நிறைவில் பெரும் வெற்றியைத் தருவதாகவே கும்பம் ராசியினருக்கு அமையும். பரிகாரம்: ஸ்ரீகுருபகவானை கொண்டைக்கடலை மாலை சாற்றி வணங்குங்கள். ரத்த தானம் செய்யுங்கள். தென்னை மரக் கன்று நட்டு பராமரியுங்கள். எதிலும் சாதிப்பீர்கள்.

மீனம்: விசுவாவசு வருட தமிழ்ப் புத்தாண்டு, தடைகளைத் தாண்டி முன்னேற வைப்பதாகவே மீன ராசியினருக்கு அமையும். பரிகாரம்: திருவண்ணாமலை அண்ணாமலையாரை வணங்குங்கள். கிரிவலம் வாருங்கள். உடல் ஊனமுற்றோருக்கு முடிந்த வரை உதவுங்கள். பலாமரக் கன்று நட்டு பராமரியுங்கள். விரும்பியதெல்லாம் நடக்கும்.

12 ராசிகளுக்கான தமிழ்ப் புத்தாண்டு பலன்கள் முழுமையாகவும் தனித்தனியாகவும் வாசிக்க > மேஷம் | ரிஷபம் | மிதுனம் | கடகம் | சிம்மம் | கன்னி | துலாம் | விருச்சிகம் | தனுசு | மகரம் | கும்பம் | மீனம்

- ஜோதிஷபூஷண் வேங்கடசுப்பிரமணியன்