இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: திருமண பேச்சுவார்த்தை சுமுகமாக முடியும். உறவினர்களுடன் இருந்து வந்த மனஸ்தாபம் நீங்கும். பிள்ளைகள் பொறுப்பாக நடந்து கொள்வர். வியாபாரம் சூடு பிடிக்கும். உத்தியோகத்தில் மேன்மை உண்டு.

ரிஷபம்: தடைபட்ட காரியம் முடியும். விண்ணப்பித்து காத்திருந்தவர்களுக்கு வேலை கிடைக்கும். வியாபார ரீதியான பயணங்கள் சாதகமாகும். சரக்குகள் விற்றுத் தீரும். உத்தியோகத்தில் விரும்பிய இடமாற்றமுண்டு.

மிதுனம்: எளிதில் முடித்துவிடலாம் என நினைத்த காரியங்கள் கூட இழுபறியாகும். குடும்பத்தினரின் உணர்வுகளை புரிந்து கொள்ளவும். வியாபாரம் லாபம் தரும். அலுவலகத்தில் வீண் விவாதம் வேண்டாம்.

கடகம்: எண்ணங்கள் ஈடேறும். குடும்பத்தில் இழந்த செல்வாக்கை மீண்டும் பெறுவீர். எதிர்பார்த்த தொகை கைக்கு வரும். வியாபாரத்தில் விஐபிகளின் அறிமுகம் கிட்டும். உத்தியோகத்தில் பணிச்சுமை குறையும்.

சிம்மம்: வீண் குழப்பங்கள் விலகி வீட்டில் நிம்மதி பிறக்கும். பழைய கடன் பிரச்சினையை தீர்க்க வழி பிறக்கும். சகோதர வகையில் சுபச்செலவு உண்டு. உடல்நலம் சீராகும். வியாபாரம், உத்தியோகம் சிறக்கும்.

கன்னி: மனதைரியம் கூடும். கேட்ட இடத்தில் உதவி கிடைக்கும். சாதுர்யமாக பேசி முக்கிய காரியங்களை சாதித்து காட்டுவீர். வியாபாரத்தில் சரக்குகள் விற்று தீரும். அலுவலகத்தில் மேலதிகாரிகள் பாராட்டுவர்.

துலாம்: புதிய முயற்சிகள் வெற்றியடையும். வீட்டில் சந்தோஷம் நிலைக்கும். உறவினர், நண்பர்கள் மத்தியில் செல்வாக்கு கூடும். அலுவலகரீதியான பயணத்தால் ஆதாயம் உண்டு. வியாபாரத்தில் பாக்கிகள் வசூலாகும்.

விருச்சிகம்: பிள்ளைகளுக்காக சேமிக்கத் தொடங்குவீர். வீடு, மனை வாங்குவதற்கான முயற்சியில் இறங்குவீர். வியாபாரத்தில் புது யுக்திகளை கையாண்டு அதிக வாடிக்கையாளர்களை பெறுவீர். உத்தியோகம் சிறக்கும்.

தனுசு: சவாலான விஷயங்களை சர்வ சாதாரணமாக முடித்துக் காட்டுவீர்கள். செல்வம், செல்வாக்கு கூடும். போட்டிகளில் வெற்றி கிடைக்கும். வியாபாரத்தில் ஏற்றம் காண்பீர். அலுவலகத்தில் விவாதம் வேண்டாம்.

மகரம்: தம்பதிக்குள் விட்டுக் கொடுத்துப் போவது நல்லது. பிள்ளைகளின் உடல்நலத்தில் கவனம் தேவை. அலுவலகத்தில் பணிச்சுமை கூடும். விவாதம் தவிர்ப்பீர். வியாபாரத்தை விரிவுபடுத்த முயற்சி மேற்கொள்வீர்.

கும்பம்: முகப்பொலிவு கூடும். உடற்சோர்வு நீங்கும். வங்கிக் கடன் உதவி கிடைக்கும். உடன்பிறந்தவர்கள் உதவிகரமாக நடந்து கொள்வார்கள். சிலர் புது வாகனம் வாங்குவீர்கள். வியாபாரம், உத்தியோகம் சிறக்கும்.

மீனம்: சோர்வு, களைப்பு நீங்கி சுறுசுறுப்பாகவும், புத்துணர்ச்சியுடனும் இருப்பீர். குடும்ப உறுப்பினர்கள் மத்தியில் இருந்த கருத்துவேறுபாடு நீங்கும். வியாபாரம் சூடு பிடிக்கும். அலுவலகத்தில் அமைதி காக்கவும்.