இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: எளிதில் முடிய வேண்டிய காரியங்கள் கூட இழுபறியாகும். பிள்ளைகளின் உடல் நலத்தில் கவனம் தேவை. வியாபாரத்தில் சிக்கல் வரலாம். அலுவலகத்தில் யாரைப் பற்றியும் குறை கூறுவதை தவிர்த்துவிடவும்.

ரிஷபம்: வெளிவட்டார தொடர்புகள் விரிவடையும். ஆன்மிகத்தில் நாட்டம் அதிகரிக்கும். குடும்பத்தில் இருந்த குழப்பம் நீங்கும். வியாபாரத்தில் ஓரளவு லாபம் பெறுவீர். அலுவலகத்தில் உரிய அங்கீகாரம் கிடைக்கும்.

மிதுனம்: பிள்ளைகளின் விருப்பத்தை நிறைவேற்றுவீர். பூர்வீக சொத்துப் பிரச்சினையை பேசி தீர்ப்பீர். மூத்த சகோதரர் உதவுவார். உத்தியோகத்தில் விமர்சனங்களை தாண்டி முன்னேறுவீர். தேவையற்ற பேச்சு வேண்டாம்.

கடகம்: தைரியமாக சில முக்கிய முடிவுகள் எடுப்பீர். பிள்ளைகளால் உறவினர், நண்பர்கள் மத்தியில் மதிப்பு உயரும். தொழிலில் பங்குதாரர்கள் ஆதரவாக இருப்பர். பாக்கிகள் வசூலாகும். அலுவலகத்தில் பதவி உயரும்.

சிம்மம்: புதுதிட்டங்களை தீட்டுவீர். பழைய நண்பர்கள் தேடி வருவார்கள். தாயாருக்கு இருந்து வந்த மருத்துவ செலவு குறையும். வியாபாரத்தில் பாக்கிகள் வசூலாகும். அலுவலகத்தில் நீங்கள் தேடிய ஆவணம் கிடைக்கும்.

கன்னி: இங்கிதமாக பேசி அனைவரையும் கவருவீர். பிரபலங்களால் ஆதாயம் உண்டு. வியாபாரத்தை விரிவுபடுத்துவீர். பிள்ளைகளின் உடல்நலம் சீராகும். வியாபாரம் சூடு பிடிக்கும். அலுவலகத்தில் மதிப்பு உயரும்.

துலாம்: குடும்பத்தாரின் எண்ணங்களை பூர்த்தி செய்வீர்.தந்தை வழியில் இருந்து வந்த மனஸ்தாபங்கள் விலகும். உத்தியோகத்தில் உயரதிகாரிகள் உங்களை கலந்தாலோசித்து சில முடிவுகள் எடுப்பர். வியாபாரம் சிறக்கும்.

விருச்சிகம்: அநாவசியமாக யாருக்காகவும் எந்த உறுதி மொழியும் தரவேண்டாம். வாகனம் செலவு வைக்கும். வியாபாரத் தில் பணியாட்களால் தொல்லை அதிகரிக்கும். அலுவலகத்தில் வீண் விவாதங்களை தவிர்ப்பது நல்லது.

தனுசு: உங்களை சுற்றியிருப்பவர்களில் நல்லவர்களை கண்டறிவீர். எடுத்த வேலைகளை விரைந்து முடிப்பீர். வியாபாரத்தில் நற்பெயர் கிட்டும். உத்தியோகத்தில் மேலதிகாரியுடன் இருந்து வந்த பனிப்போர் விலகும்.

மகரம்: சுறுசுறுப்புடன் செயல்பட்டு முக்கிய வேலைகளை முடிப்பீர்கள். சொந்த ஊரிலிருந்து நற்செய்திகள் வரும். வியாபாரத்தில் பாக்கிகளை வசூலிப்பீர். உத்தியோகத்தில் உங்கள் மீதான வீண் பழிகள் விலகி நிம்மதி கிட்டும்.

கும்பம்: எதிர்பார்த்தபடி சில வேலைகளை முடிப்பீர். தம்பதிக்குள் விட்டுக்கொடுத்து போவீர். வியாபாரத்தில் சில தந்திரங்களை கற்பீர். அலுவலகத்தில் முக்கிய பதவிக்கு தேர்வு செய்யப்படுவீர். பொறுப்புகள் கூடும்.

மீனம்: வீட்டில் விலையுயர்ந்த அலங்கார பொருட்கள், எலெக்ட்ரானிக்ஸ் பொருட்களை வாங்குவீர்கள், தெய்வீக ஈடுபாடு அதிகரிக்கும். வியாபாரத்தில் போட்டி விலகும். அலுவலகத்தில் மேலதிகாரி ஆதரவாக இருப்பார்.

- ஜோதிஷபூஷண் வேங்கடசுப்பிரமணியன்