இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: தெளிவாக பேசி சில வேலைகளை முடித்துக் காட்டுவீர். தம்பதிக்குள் அன்யோன்யம் அதிகரிக்கும். வங்கியில் வாங்கிய கடனை தீர்க்க வழி கிடைக்கும். வியாபாரம் சிறக்கும். உத்தியோகத்தில் நிம்மதி கிட்டும்.

ரிஷபம்: குடும்பத்துடன் குலதெய்வ கோயிலுக்கு சென்று வருவீர். பிள்ளைகளின் உடல்நலம் சீராகும். வாகனத்தை மாற்றுவீர். வியாபாரம் லாபம் தரும். உத்தியோகத்தில் சக ஊழியர்களின் ஆதரவு கிட்டும்.

மிதுனம்: நம்பிக்கைக்கு உரியவர்களை ஆலோசித்து சில முக்கிய முடிவுகள் எடுப்பீர். தம்பதிக்குள் நெருக்கம் அதிகரிக்கும். பழைய உறவினர்கள் வீடு தேடி வருவர். வியாபாரத்தை விரிவுபடுத்துவீர். உத்தியோகம் சிறக்கும்.

கடகம்: எதிர்ப்புகள் விலகும். உங்களின் செயலை பார்த்து மற்றவர்கள் வியப்பர். குடும்பத்தில் நிம்மதி தங்கும். புது இடத்துக்கு கடையை மாற்றுவீர். உத்தியோகத்தில் உங்கள் கை ஓங்கும். மேலதிகாரி பாராட்டுவார்.

சிம்மம்: குடும்பத்தில் விட்டுக் கொடுத்து போகவும். கையிருப்பு கரையக் கூடும். வாகனத்தில் நிதானம் தேவை. உத்தியோகத்தில் மேலதிகாரியிடம் கோபத்தை காட்டாதீர். வியாபாரத்தில் பங்குதாரரிடம் எச்சரிக்கை அவசியம்.

கன்னி: நீண்ட நாள் பிரச்சினைகளுக்கு தீர்வு காண்பீர். குடும்பத்தில் சந்தோஷம் நிலைக்கும். பிள்ளைகள் பொறுப்பாக நடந்து கொள்வர். வியாபாரத்தில் பணியாட்களின் ஆதரவு உண்டு. அலுவலகத்தில் மதிப்பு உயரும்.

துலாம்: புது முயற்சிகளில் ஈடுபடுவீர்கள். குடும்பத்தில் உங்கள் கை ஓங்கும். குலதெய்வ பிரார்த்தனை நிம்மதி தரும். வியாபாரத்தில் போட்டிகளை சமாளிப்பீர்கள். உத்தியோகத்தில் சக ஊழியர்களின் ஆதரவு உண்டு.

விருச்சிகம்: எதிர்பார்த்த வேலை தடையின்றி முடியும். மகளுக்கு நல்ல வரன் அமையும். தூக்கமின்மை, மன உளைச்சல் நீங்கும். தாய்வழி உறவினர்கள் தேடி வருவர். அலுவலகத்தில் நிம்மதியுண்டு. வியாபாரம் லாபம் தரும்.

தனுசு: பேச்சில் தெளிவு பிறக்கும். சகோதரர்களால் ஆதாய முண்டு. முரண்டு பிடித்த பிள்ளைகள் பொறுப்புணர்ந்து செயல்படுவர். தாயாரின் உடல்நலம் சீராகும். வியாபாரம் சிறக்கும். அலுவலகத்தில் மதிப்பு உயரும்.

மகரம்: உங்களின் அணுகுமுறையை மாற்றி தடைபட்ட வேலையை முடிப்பீர். சகோதரியின் விசேஷத்துக்கு அதிகம் உழைப்பீர். உத்தியோகத்தில் உங்கள் திறமை வெளிப்படும். வியாபாரத்தை விரிவுபடுத்துவீர்.

கும்பம்: மற்றவர்களின் ரசனைக்கேற்ப செயல்படுவீர். உறவினர்கள் உங்களை பெருமையாக பார்ப்பார்கள். சொந்த ஊரில் மதிப்பு உயரும். வியாபாரத்தில் பழைய பாக்கி வசூலாகும். அலுவலகத்தில் பொறுப்பு கூடும்.

மீனம்: முன்கோபம், டென்ஷன் இருக்கும். குடும்ப உறுப்பினர்களிடம் விட்டுக் கொடுத்து போவது நல்லது. வாகனம் செலவு வைக்கும். வியாபாரத்தில் ஓரளவு லாபம் கிடைக்கும். அலுவலகத்தில் அமைதி காக்கவும்.

- ஜோதிஷபூஷண் வேங்கடசுப்பிரமணியன்