மேஷம்: குடும்பத்தினரிடம் விட்டுக்கொடுத்து போவது நல்லது. அக்கம் பக்கத்தினரின் செயல்பாடுகளால் கோபம், எரிச்சல் அடைவீர்கள். ஆன்மிகம், தியானம், யோகாவில் ஈடுபாடு உண்டாகும்.
ரிஷபம்: இங்கிதமான பேச்சால் எல்லோரையும் கவர்வீர்கள். தோற்றப் பொலிவு கூடும். பிள்ளைகள் நம்பிக்கை தருவார்கள். பயணங்கள் சிறப்பாக அமையும். தொழிலில் போட்டிகள் குறையும்.
மிதுனம்: பழைய கசப்பான சம்பவங்களை பேசிக் கொண்டி ருக்க வேண்டாம். உடல்நலத்தை கவனித்துக் கொள்ளுங்கள். இடையூறுகள், தடைகள் உடைபடும். எக்காரியத்திலும் பொறுமை தேவை.
கடகம்: மனப் போராட்டம் ஓயும். சமயோசிதமான பேச்சால், தடைபட்ட வேலைகளை முடிப்பீர்கள். குடும்பத்தில் மகிழ்ச்சி பொங்கும். பணவரவு உண்டு. வியாபாரத்தில் போட்டிகள் நீங்கும்.
சிம்மம்: தொட்டதெல்லாம் துலங்கும். தடைகள் நீங்கும். இழுபறியாக இருந்த வேலைகள் விறுவிறுப்பாக நடந்து முடிவடையும். அரசு, வங்கி காரியங்கள் உடனடியாக நிறைவேறும் .
கன்னி: நீங்கள் ஏற்கெனவே செய்த உதவிகளுக்கு இப்போது பாராட்டு கிடைக்கும். உறவினர்கள் மத்தியில் மதிப்பு, மரியாதை கூடும். வியாபாரத்தில் புது சரக்குகளை கொள்முதல் செய்வீர்கள்.
துலாம்: வீட்டு உபயோக பொருட்கள், மின்னணு சாதனங்கள் வாங்குவீர்கள். பழைய கடனை நினைத்து வருந்த வேண்டாம். புதுவழி பிறக்கும். கூட்டுத் தொழிலில் பங்குதாரர் ஆதரவு உண்டு.
விருச்சிகம்: வீண் விமர்சனங்களை கண்டு அஞ்ச வேண்டாம். தலை சுற்றல், வயிற்றுப்போக்கு வந்து நீங்கும். தெய்வ வழிபாடு மனநிறைவை தரும். உத்தியோகத்தில் கூடுதல் கவனம் செலுத்துவது நல்லது.
தனுசு: சாதுர்யமாக பேசி காரியம் சாதிப்பீர்கள். உங்களிடம் கடன் வாங்கி ஏமாற்றியவர்கள் மனம் திருந்தி, பணத்தை திருப்பி தருவார்கள். வியாபாரத்தில் பழைய சரக்குகள் விற்றுத் தீரும்.
மகரம்: உங்கள் ஆளுமைத் திறன் அதிகரிக்கும். பூர்வீக சொத்தில் மாற்றம் செய்வீர்கள். உங்கள் ரசனைக் கேற்ப வீடு, வாகனம் அமையும். வியாபாரத்தை விரிவுபடுத்த முயற்சி செய்வீர்கள்
கும்பம்: குடும்பத்தில் நல்ல காரியங்கள் நடக்கும். வீட்டை விரிவுபடுத்தி கட்டுவீர்கள். பிள்ளைகளின் ஆர்வம் படிப்பில் திரும்பும். அலுவலகத்தில் பணிகளை விரைந்து முடித்து பாராட்டு பெறுவீர்கள்.
மீனம்: சுறுசுறுப்புடன் செயல்பட்டு, வேலைகளை விரைந்து முடிப்பீர்கள். குடும்பத்தில் கலகலப்பான சூழல் ஏற்படும். ஆரோக்கியம் சீராகும். வியாபாரம் சூடுபிடிக்கும். பழைய பாக்கிகள் வசூலாகும்.
- ஜோதிஷபூஷண் வேங்கடசுப்பிரமணியன்