இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: நம்பிக்கைக்கு உரியவர்களை ஆலோசித்து சில முக்கிய முடிவுகள் எடுப்பீர்கள். கணவன் மனைவிக்குள் அன்யோன்யம் அதிகரிக்கும். பழைய நண்பர்கள் வீடு தேடி வருவர். வியாபாரம், உத்தியோகம் சிறக்கும்.

ரிஷபம்: குடும்பத்துடன் குலதெய்வ கோயிலுக்கு சென்று வருவீர்கள். பிள்ளைகளின் உடல்நலம் சீராகும். வியாபாரம் சூடு பிடித்து நல்ல லாபம் பார்க்கலாம். அலுவலகத்தில் சக ஊழியர்களின் ஆதரவு கிட்டும்.

மிதுனம்: குடும்பத்தில் விட்டுக் கொடுத்து போவது நல்லது. பிள்ளைகளின் படிப்பு தொடர்பாக செலவு ஏற்படும். வியாபாரத்தில் பழைய பாக்கிகளை போராடி வசூலிப்பீர். அலுவலகத்தில் வீண் விவாதம் வேண்டாம்.

கடகம்: மறைமுக எதிர்ப்பு விலகும். உங்களின் செயல் அனைவரும் வியக்கும்படி இருக்கும். குடும்பத்தில் நிம்மதி தங்கும். புது இடத்துக்கு கடையை மாற்றுவீர். லாபம் உண்டு. உத்தியோகத்தில் உங்கள் கை ஓங்கும்.

சிம்மம்: நீண்ட நாள் பிரச்சினைகளுக்கு தீர்வு காண்பீர். குடும்பத்தில் சந்தோஷம் நிலைக்கும். பிள்ளைகள் பொறுப்பு உணர்ந்து நடந்து கொள்வர். வியாபாரத்தில் பணியாட்களின் ஆதரவு உண்டு. உத்தியோகம் சிறக்கும்.

கன்னி: எதிர்பார்த்த வேலைகள் தடையின்றி முடியும். மகளுக்கு நல்ல வரன் அமையும். தூக்கமின்மை, மன உளைச்சல் நீங்கும். வியாபாரத்தை விரிவுபடுத்த முயற்சி மேற்கொள்வீர்கள். அலுவலகத்தில் நிம்மதியுண்டு.

துலாம்: புது முயற்சிகளில் ஈடுபடுவீர்கள். குடும்பத்தில் உங்கள்கை ஓங்கும். குலதெய்வ பிரார்த்தனை நிம்மதி தரும். உத்தியோகத்தில் சக ஊழியர்களை அனுசரித்து நடக்கவும். வியாபாரத்தில் போட்டியை சமாளிப்பீர்.

விருச்சிகம்: குடும்பத்தில் விட்டுக் கொடுத்து போவது நல்லது. பிள்ளைகள் படிப்பு தொடர்பாக அலைச்சல் உண்டு. வாகனத்தில் நிதானம் தேவை. வியாபாரம் சூடு பிடிக்கும். அலுவலகத்தில் வீண் விவாதம் வேண்டாம்.

தனுசு: தெளிவு பிறக்கும். சகோதர சகோதரிகளால் ஆதாயம் உண்டு. தாயாரின் உடல்நலம் நிம்மதி தரும். உத்தியோகத்தில் மேன்மை உண்டு. பங்குதாரரின் ஆலோசனைப்படி வியாபாரத்தை விரிவுபடுத்துவீர்கள்.

மகரம்: உங்களின் அணுகுமுறையை மாற்றி தடைபட்ட வேலையை முடிப்பீர்கள். சகோதரியின் விசேஷத்துக்கு அதிகம் உழைப்பீர். உத்தியோகத்தில் உங்களின் திறமை வெளிப்படும். வியாபாரத்தில் லாபம் உண்டு.

கும்பம்: மற்றவர்களின் ரசனைக்கேற்ப செயல்படுவீர். உறவினர்கள் உங்களை பெருமையாக பார்ப்பர். ஊர் நிகழ்ச்சிகளுக்கு தலைமை தாங்குவீர். வியாபாரத்தில் பழைய பாக்கிகள் வசூலாகும். உத்தியோகம் சிறக்கும்.

மீனம்: தெளிவாக பேசி சில வேலைகளை முடித்துக் காட்டுவீர்கள். கணவன் மனைவிக்குள் அன்யோன்யம் அதிகரிக்கும். வங்கியில் வாங்கிய கடனை பைசல் செய்வீர்கள். வியாபாரம், உத்தியோகத்தில் நிம்மதி கிட்டும்.

- ஜோதிஷபூஷண் வேங்கடசுப்பிரமணியன்