இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: உங்களின் புகழ், கவுரவம் உயரும். குடும்பத்தில் சுபநிகழ்ச்சிகள் ஏற்பாடாகும். பணவரவு அதிகரிக்கும். வாசனை திரவியம், கலை பொருட்கள் வாங்குவீர்கள். அரசியல் தலைவர்களின் நட்பு கிடைக்கும்.

ரிஷபம்: வங்கியில் அடமானம் வைத்த பொருட்களை மீட்பீர்கள். மனைவி வழியில் மதிப்பு கூடும். புத்துணர்ச்சியுடன் காணப்படுவீர்கள். வியாபாரத்தில் புது வழிமுறைகளை கையாளுவீர்கள். மனதில் நிம்மதி பிறக்கும்.

மிதுனம்: நவீன மின்னணு, மின்சார சாதனங்கள் வாங்கி மகிழ்வீர்கள். கேட்ட இடத்தில் உதவிகள் கிடைக்கும். குடும்பத்தாரின் பேச்சுக்கு செவி சாய்ப்பீர்கள். அக்கம் -பக்கத்தினர் நேசக்கரம் நீட்டுவார்கள்.

கடகம்: தாய்வழி உறவினர்கள் மத்தியில் மதிப்பு உயரும். சுப நிகழ்ச்சிகளாலும், விருந்தினர்களின் வருகையாலும் வீடு களைகட்டும். சொத்து வாங்குவது, விற்பது லாபகரமாக அமையும். திடீர் பயணம் உண்டு.

சிம்மம்: புதிய கோணத்தில் சிந்தித்து செயல்படுவீர்கள். குடும்பத்தினரால் மனநிம்மதி கிட்டும். பழைய சொந்த பந்தங்கள் தேடி வருவார்கள். அரசு அதிகாரிகளின் உதவியால் சில காரியங்களை முடிப்பீர்கள்.

கன்னி: நெருங்கியவர்களால் தர்மசங்கடமான சூழ்நிலையை சமாளிக்க வேண்டி வரும். தியானத்தில் ஈடுபடுவது நல்லது. குடும்பத்தினருடன் விட்டுக்கொடுத்து செல்லுங்கள். எதிர்பாராத செலவுகள் ஏற்படும்.

துலாம்: வியாபார ரீதியாக சிலரை சந்திப்பீர்கள். கடந்தகால சுகமான அனுபவங்களை, சாதனைகளை அவ்வப்போது நினைத்து மகிழ்வீர்கள். வீண் விவாதங்களை தவிர்த்து விடுங்கள். எதிலும் உங்கள் கை ஓங்கும்.

விருச்சிகம்: குடும்பத்தினரால் மனநிம்மதி கிட்டும். கடன் பிரச்சினைகள் முடிவுக்கு வரும். வெளிவட்டாரத்தில் புதியவர்களின் நட்பு கிடைக்கும். அலுவலகத்தில் இழுபறியான வேலைகளை முடிப்பீர்கள்.

தனுசு: முகப்பொலிவு கூடும். கணவன் - மனைவிக்குள் இருந்த மனஸ்தாபம் நீங்கும். கடன் தொகையை வசூலித்து விடுவீர். எதிர்பார்த்த இடத்திலிருந்து தக்க சமயத்தில் உதவி கிடைக்கும். தாயார் ஆதரவாக இருப்பார்.

மகரம்: குடும்பத்தில் நிம்மதி தங்கும். ஆடம்பரச் செலவுகளை குறைத்து வருங்காலத்துக்காக சேமிக்கத் தொடங்குவீர்கள். உறவினர், நண்பர்கள் மத்தியில் மதிக்கப்படுவீர்கள். வேலைப்பளு குறையும்.

கும்பம்: திறமையுடன் செயல்பட்டு சில காரியங்களை முடிப்பீர்கள். மனக்குழப்பம் நீங்கும். கணவன் - மனைவிக்குள் விட்டு கொடுத்து செல்வது நல்லது. வெளிவட்டாரத்தில் மதிப்பு உயரும். வியாபாரத்தில் லாபம் கிட்டும்.

மீனம்: தவிர்க்க முடியாத செலவுகள் வந்து போகும். நெருங்கிய உறவினர்கள், நண்பர்களால் அன்புத் தொல்லை அதிகமாகும். நல்ல வாய்ப்புகளை பயன்படுத்தாமல் போய்விட்டோமே என்று ஆதங்கப்படுவீர்கள்.

- ஜோதிஷபூஷண் வேங்கடசுப்பிரமணியன்