மேஷம்: கணவன் - மனைவிக்குள் குழப்பம், கருத்து வேறுபாடுகள் வந்து நீங்கும். யாரையும் பகைத்துக் கொள்ளாதீர்கள். சகோதர வகையில் பிணக்குகள் வரும். வாகனம் பழுதாகும். திடீர் விருந்தினர் வருகை உண்டு.
ரிஷபம்: மனதில் பட்டதை பளிச்சென்று பேசி அனைவரையும் ஆச்சரியப்படுத்துவீர்கள். முகப் பொலிவுடன் காணப்படுவீர்கள். முடியாமல் போன சில காரியங்களை இன்று முடிப்பீர். பால்ய நண்பரை சந்திப்பீர்கள்.
மிதுனம்: தவறு செய்பவர்களை தட்டிக் கேட்பீர். உடன்பிறந்தவர்கள் உறுதுணையாக இருப்பார்கள். ஆன்மிகப் பெரியோரின் ஆசி கிட்டும். உங்களால் மற்றவர்கள் ஆதாயமடைவார்கள். கலை பொருட்கள் சேரும்.
கடகம்: திட்டமிட்ட காரியங்கள் கைகூடும். முக்கிய பிரமுகர்கள் அறிமுகமாவர். பிள்ளைகள் நீண்ட நாட்களாக கேட்டு கொண்டிருந்ததை வாங்கி தருவீர். பூர்வீக வீட்டை சீரமைத்து விரிவுபடுத்தி கட்டத் திட்டமிடுவீர்கள்.
» தமிழகத்தில் 6 நாட்களுக்கு மழை வாய்ப்பு
» கிறிஸ்துமஸ் பண்டிகையையொட்டி சென்னையில் இருந்து 640 சிறப்பு பேருந்து இயக்கம்
சிம்மம்: பிள்ளைகளின் வருங்காலம் குறித்து அதிகம் யோசிப்பீர்கள். யோகா, தியானம் என மனம் செல்லும். பழைய நினைவுகளில் மூழ்குவீர்கள். குடும்பத்துடன் வெளியூர் பயணம், சுற்றுலா செல்ல திட்டமிடுவீர்.
கன்னி: தாய்வழி உறவினர்கள் மத்தியில் மதிப்பு, மரியாதை கூடும். பயணங்களால் பயனடைவீர்கள். பழைய பள்ளி, கல்லூரி நண்பர்களை சந்திப்பீர்கள். புதிய வீட்டு மனை, வாகனம் வாங்க கடனுதவி கிடைக்கும்.
துலாம்: பிரச்சினைகளின் ஆணிவேரை கண்டறிவீர். பிள்ளைகளால் புகழ், கவுரவம் உயரும். உங்களால் வளர்ச்சி அடைந்த சிலரை இப்போது சந்திக்க நேரிடும். அக்கம் பக்கத்தினரிடம் அளவாகப் பேசி பழகவும்.
விருச்சிகம்: உங்களைச் சுற்றியிருப்பவர்களில் நல்லவர்கள் யார், அல்லாதவர்கள் யார் என்பதை உணருவீர்கள். பழைய கடனைத் தீர்க்க முயற்சி செய்வீர்கள். மனைவிவழி உறவினர்களின் வருகை உண்டு.
தனுசு: எதிர்ப்புகளையும் தாண்டி முன்னேறுவீர்கள். வீடு, வாகன பராமரிப்பு செலவுகள் அதிகரிக்கும். விருந்தினர் வருகையால் வீடு களைகட்டும். நீண்ட நாளாக இழுபறியாக இருந்த வழக்கில் முன்னேற்றம் உண்டு.
மகரம்: விவாதங்களில் வெaற்றி பெறுவீர்கள். சொந்த - பந்தம் மதிக்குமளவுக்கு நடந்து கொள்வீர். எங்கு சென்றாலும் நல்ல வரவேற்பு கிடைக்கும். தாய்வழி சொத்து தொடர்பான பேச்சுவார்த்தையில் வெற்றி உண்டு.
கும்பம்: பிள்ளைகளின் தேவைகளைப் பூர்த்தி செய்வீர்கள். வெளிவட்டாரத்தில் புது அனுபவம் உண்டாகும். கேட்ட இடத்தில் உதவிகள் கிடைக்கும். புதிய பதவி உங்களைத் தேடி வரும். வாகனத்தை மாற்றுவீர்கள்.
மீனம்: முன் கோபத்தை குறைப்பது அவசியம். பண விஷயத்தில் கறாராக இருக்க வேண்டும். பழைய நினைவுகளை நினைத்து கொஞ்சம் நிம்மதி இழப்பீர்கள். குலதெய்வ வழிபாடு மேற்கொள்ள திட்டமிடுவீர்கள்.
ஜோதிஷபூஷண் வேங்கடசுப்பிரமணியன்