இந்த நாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: பணவரவு உயரும். எதிர்ப்புகள் அகலும். கடன் பிரச்சினையிலிருந்து விடுபடுவதற்காக ஓயாமல் உழைப்பீர். முகப்பொலிவு, ஆரோக்கியம் கூடும். பூர்வீக வீட்டை சீரமைத்து, விரிவுபடுத்தி கட்டுவீர்கள்.

ரிஷபம்: செலவுகள் கட்டுக்கடங்காமல் போகும் என்றாலும் சமாளித்து விடுவீர்கள். திடீர் பயணங்கள் அதிகரிக்கும்.
குடும்ப பிரச்சினைகளை பிறரிடம் கூற வேண்டாம். அக்கம் பக்கத்தினருடன் அளவாக பழகவும்.

மிதுனம்: கவலைகள், மன இறுக்கம் குறையும். திட்டமிட்டு செயல்படுவீர்கள். கணவன் - மனைவிக்குள் அன்யோன்யம் அதிகரிக்கும். இல்லத்தில் திருமணம், சீமந்தம் போன்ற சுப நிகழ்ச்சிகள் நடந்தேறும்.

கடகம்: எதிரிகளை வீழ்த்தும் வல்லமை உண்டாகும். கறாராக பேசி காரியம் சாதிப்பீர்கள். சேமிக்கும் அளவுக்கு வருவாய் அதிகரிக்கும். பழுதான சாதனங்களை மாற்றுவீர்கள். பழைய வழக்குகள் சாதகமாகும்.

சிம்மம்: குடும்பத்தில் உங்கள் வார்த்தைக்கு மதிப்பு கூடும். எதிர்பார்த்த விலைக்கே பூர்வீக நிலம், வீட்டை விற்க திட்டமிடுவீர்கள். முக்கிய பிரமுகர்களின் நட்பு கிடைக்கும். ஆன்மிகத்தில் மனம் லயிக்கும்.

கன்னி: மனதில் இருந்து வந்த குழப்பங்கள் நீங்கும். விருந்தினர் வருகையால் குடும்பத்தில் மகிழ்ச்சி தங்கும். பிள்ளைகளின் போக்கில் நல்ல மாற்றம் ஏற்படும். புதிய வீடு, வாகனம் வாங்க கடனுதவி கிடைக்கும்.

துலாம்: புதியவர்கள் அறிமுகவார்கள். வர வேண்டிய பணம் கைக்கு வரும். வருங்காலத்துக்காக சேமிக்கத் தொடங்குவீர். வழக்குகள் சாதகமாக முடியும். உறவினர், நண்பர்கள் மத்தியில் மதிப்பு, மரியாதை கூடும்.

விருச்சிகம்: எதிர்பார்த்து காத்திருந்த தொகை வந்து சேரும். குழப்பங்கள் அனைத்தும் நீங்கி குடும்பத்தில் அமைதி
பிறக்கும். உங்கள் ஆலோசனையை எல்லோரும் ஏற்றுக் கொள்வார்கள். புதிய வாகனம் வாங்குவீர்கள்.

தனுசு: பல சவால்களை சமாளிக்க தன்னம்பிக்கை துளிர்விடும். பெற்றோரின் ஆரோக்கியத்தில் அதிக அக்கறை காட்டுவது மிகவும் நல்லது. உறவினர், நண்பர்கள் மத்தியில் மரியாதை கூடும். பணவரவு உண்டு.

மகரம்: தவிர்க்க முடியாத செலவுகளும், பயணங்களும் ஏற்படும். உறவினர், நண்பர்களின் வீட்டு விசேஷங்களை நீங்கள்தான் முன்னின்று நடத்த வேண்டிய சூழ்நிலை வரும். பழைய வாகனம் செலவு வைக்கும்.

கும்பம்: சுப நிகழ்ச்சிகள், பொது விழாக்களில் முதல் மரியாதை கிடைக்கும். நவீன ரக வாகனம், எலக்ட்ரிக்கல், எலக்ட்ரானிக்ஸ் சாதனங்கள் வாங்கி மகிழ்வீர். அக்கம் பக்கத்தினரிடம் அளவாகப் பேசி பழகவும்.

மீனம்: கடின உழைப்பால் சாதிப்பீர்கள். மனப் போராட்டங்கள் ஓயும். சமயோஜிதமான பேச்சால் தடைபட்ட வேலைகளை முடிப்பீர். குடும்ப உறுப்பினர்களுடன் ஆலோசித்து முக்கிய முடிவுகள் எடுக்கவும்.

- ஜோதிஷபூஷண் வேங்கடசுப்பிரமணியன்