மேஷம்: எதிலும் முன்னேற்றம் உண்டு. தைரியமாக சில முக்கிய முடிவுகள் எடுப்பீர்கள். சொந்த - பந்தங்களுடன் இருந்து வந்த மனத்தாங்கல் நீங்கி மகிழ்ச்சி உண்டாகும். பணவரவு ஓரளவு திருப்திகரமாக இருக்கும்.
ரிஷபம்: கிரஹப்பிரவேசம், திருமணம், சீமந்தம் என்று குடும்பத்தில் கலகலப்பான சூழல் உருவாகும். உங்களுடைய ஆலோசனையை அனைவரும் ஏற்றுக் கொள்வார்கள். கேட்ட இடத்தில் இருந்து பணம் கிடைக்கும்.
மிதுனம்: தாயாருடன் கொஞ்சம் மனத்தாங்கல் வரும். பணவரவு திருப்தி தரும் என்றாலும் அநாவசிய செலவுகள் வந்து போகும். மின்னணு, மின்சார சாதனங்கள் பழுதாகும். பால்ய நண்பர்களை சந்திக்க வாய்ப்பு உண்டு.
கடகம்: சின்னச் சின்ன விஷயங்களுக்கெல்லாம் கோபப்படாதீர்கள். எதிர்பார்த்த தொகைகள் எல்லாம் தாமதமாக வரும். பயணத்தால் அலைச்சல் அதிகரிக்கும். குடும்ப பிரச்சினைகளை பிறரிடம் கூறுவதை தவிர்க்கவும்.
» தமிழகத்தில் அக். 11 வரை மிதமான மழைக்கு வாய்ப்பு
» சந்திரபாபு நாயுடுவின் நீதிமன்ற காவல் நீட்டிப்பு: ஜாமீன் மனு மீது இன்று விசாரணை
சிம்மம்: தொட்ட காரியங்கள் துலங்கும். தம்பதிக்குள் நெருக்கம் அதிகரிக்கும். வாகன வசதி பெருகும். இழுபறியாக இருந்து வந்த வேலைகள் இன்று முடிவடையும். பூர்வீக வீட்டை சீரமைத்து விரிவுபடுத்தி கட்டுவீர்கள்.
கன்னி: உங்களின் ஆளுமைத் திறன் அதிகரிக்கும். சவாலான காரியங்களையும் சாதாரணமாக முடித்து காட்டுவீர். உறவினர், நண்பர்கள் மத்தியில் மதிப்பு, மரியாதை கூடும். அக்கம் பக்கத்தினருடன் அளவாகப் பேசிப் பழகவும்.
துலாம்: தந்தைவழியில் உதவிகள் கிடைக்கும். வழக்குகள் சாதகமாக அமையும். நண்பர்கள், உறவினர்கள் வீட்டு சுபகாரியங்களுக்கு தலைமை தாங்குவீர்கள். பிள்ளைகளின் படிப்பில் கவனம் செலுத்துவது அவசியம்.
விருச்சிகம்: வீடு, வாகனப் பராமரிப்புச் செலவுகள் அதிகரிக்கும். தந்தைவழி உறவினர்களுடன் கருத்து மோதல்களும், பிரச்சினைகளும் வரக் கூடும். அடுத்தவர் விஷயங்களில் தலையிடுவதை தவிர்த்துவிடவும்.
தனுசு: பழுதாகியிருந்த வாகனம் சரியாகும். கிரஹப்பிரவேசம், சீமந்தம் என்று வீடு களைகட்டும். மகன், மகளின் கல்யாணப் பேச்சுவார்த்தை கைகூடும். நீண்ட நாளாக இழுபறியாக இருந்த வழக்கில் முன்னேற்றம் உண்டு.
மகரம்: மனைவிவழியில் சில உதவிகள் கிடைக்கும். புதுவாகனம் வாங்குவீர்கள். அரசு சம்பந்தப்பட்ட காரியங்கள் நல்ல விதத்தில் நிறைவேறும். பணவரவு அதிகரிக்கும். பிள்ளைகளின் சாதனைகளால் பெருமை உண்டு.
கும்பம்: நீண்ட நாளைய எதிர்பார்ப்புகள் நிறைவேறும். பழைய நண்பர்கள் தேடி வந்து பேசுவார்கள். தந்தைவழி உறவினர்கள் மூலம் சில உதவிகள் கிட்டும். நேர்மறை, தெய்வீக சிந்தனைகள் அதிகரிக்கும்.
மீனம்: ஆன்மிக ஆற்றல் கிட்டும். கடந்த காலத்தில் நடந்த நல்ல சம்பவங்களை நினைத்து மகிழ்வீர்கள். நண்பர்கள், உறவினர்கள் மத்தியில் மதிப்பு, மரியாதை கூடும். யாரிடமும் பகையை வளர்த்துக் கொள்ள வேண்டாம்.
- ஜோதிஷபூஷண் வேங்கடசுப்பிரமணியன்