மேஷம்: பெரிய பதவிக்கு தேர்ந்தெடுக்கப்படுவீர்கள். வீண் குழப்பங்களிலிருந்து விடுபடுவீர்கள். அனைத்து காரியங்களும் தடையின்றி முடியும். புதிய தொழில் தொடங்க முயற்சி மேற்கொள்வீர்கள். பணவரவு திருப்தி தரும்.
ரிஷபம்: மகன், மகளின் திருமணப் பேச்சுவார்த்தை நல்ல விதத்தில் முடியும். உறவினர், நண்பர்கள் மத்தியில் மதிப்பு கூடும். வெளி வட்டாரங்களில் உரிய அங்கீகாரம் கிடைக்கும். சுப நிகழ்ச்சிகளில் பங்கேற்பீர்.
மிதுனம்: செலவுகளை குறைத்து சேமிப்பதில் ஆர்வம் காட்டுவீர்கள். குடும்ப அந்தரங்க விஷயங்களை வெளியில் சொல்லிக் கொண்டிருக்காதீர்கள். உறவினர், நண்பர்களுடன் வீண் விவாதங்களை தவிர்ப்பது நல்லது.
கடகம்: குழப்பம் நீங்கி எதிலும் தெளிவு பிறக்கும். பழுதாகியிருந்த பழைய வாகனத்தை மாற்றி புதிது வாங்குவீர்கள். மகிழ்ச்சியான சம்பவங்கள் குடும்பத்தில் நிகழும். பூர்வீக வீட்டை சீரமைத்து, விரிவுபடுத்தி கட்டுவீர்.
» செப் 29 முதல் அக்.1 வரை வாஷிங்டனில் ‘உலக கலாச்சார விழா’: வாழும் கலை அமைப்பு தகவல்
» யூனிடெக்கின் ரூ.125 கோடி சொத்து முடக்கம்: சட்டவிரோத பரிவர்த்தனையில் அமலாக்கத் துறை நடவடிக்கை
சிம்மம்: எந்தத் தடைகள், பிரச்சினைகள் வந்தாலும் அவற்றை சாமர்த்தியமாக சமாளிக்கும் சக்தி கிடைக்கும். முக்கிய பிரமுகர்களின் உதவியால் சில வேலைகள் முடிவடையும். சகோதரர்கள் ஆதரவாக இருப்பர்.
கன்னி: எல்லா வகையிலும் வெற்றி கிட்டும். எதிர்பார்த்த தொகை கைக்கு வரும். அக்கம் பக்கத்தினர் ஆதரவாக இருப்பார்கள். பிள்ளைகளை அவர்கள் விரும்பிய படிப்பில் சேர்ப்பது நல்லது. கலை பொருட்கள் சேரும்.
துலாம்: நண்பர்கள், உறவினர்களின் வருகையால் வீடு களைகட்டும். பழைய இனிய சம்பவங்களை நினைவுகூர்ந்து மகிழ்வீர்கள். இழுபறியாக இருந்த வழக்குகள் உங்களுக்கு சாதகமாக நிறைவடையும். பணவரவு உண்டு.
விருச்சிகம்: அரசியல் செல்வாக்கு கொண்டவர் உங்களுக்கு அறிமுகமாவார். தம்பதிக்குள் அன்யோன்யம் அதிகரிக்கும். பணியிட மாற்றமாக வேற்றுமாநிலம் செல்லும் வாய்ப்பு வரும். வீண் விவாதம் தவிர்க்கவும்.
தனுசு: உறவினர்கள், நண்பர்கள் உதவிக் கரம் நீட்டுவர். நீண்ட நாளாக எதிர்பார்த்து காத்திருந்த பணம் கைக்கு வரும். புதிய வாகனம் வாங்குவீர்கள். மகனுக்கு வெளிநாட்டு நிறுவனத்தில் பணி கிடைக்கும்.
மகரம்: தாழ்வுமனப்பான்மை வந்து போகும். யாரை நம்புவது, நம்பாமல் இருப்பது என்பதில் குழப்பம் வரும். கையொப்பமிட்டு காசோலைகளை வைக்க வேண்டாம். அக்கம் பக்கத்தினருடன் அளவாகப் பேசிப் பழகவும்.
கும்பம்: வேலைச் சுமை இருக்கும். எந்த காரியத்தை தொட்டாலும் தடங்கல் ஏற்பட்டு பிறகு நிறைவடையும். மற்றவர்களை எதிர்பார்க்காமல் நீங்களே நேரடியாக களத்தில் இறங்கி வேலைகளை முடிப்பது நலம்.
மீனம்: மகிழ்ச்சிகரமான செய்திகள் வரும். மூத்த சகோதர வகையில் உதவிகள் கிடைக்கும். எங்கு சென்றாலும் மதிப்பு, மரியாதை கூடும். முன் பின் தெரியாதவர்களிடம் எச்சரிக்கையுடன் பழகுவது அவசியம்.
- ஜோதிஷபூஷண் வேங்கடசுப்பிரமணியன்