இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்

மேஷம்: கணவன் - மனைவிக்குள் வீண் சந்தேகம் வந்து நீங்கும். யாரை நம்புவது என்ற குழப்பத்துக்கு ஆளாவீர்கள். நீங்கள் நகைச்சுவையாக சொல்லும் கருத்துகள்கூட சீரியஸாக வாய்ப்பு உள்ளது.

ரிஷபம்: தேவையற்ற விவாதங்களை தவிர்ப்பது நல்லது. குடும்பத்தை பற்றிய கவலைகள் வந்து நீங்கும். பழைய பிரச்சினைகளுக்கு சுமுக தீர்வு காண்பீர்கள். ஆன்மிகத்தில் ஈடுபாடு கூடும்.

மிதுனம்: வெளியூரில் இருந்து நல்ல சேதி வரும். வேலைச்சுமை குறையும். குடும்பத்தினருடன் கலந்துபேசி, முக்கிய முடிவுகள் எடுப்பீர்கள். அனைவரையும் அரவணைத்து செல்வீர்கள்.

கடகம்: உங்களை சுற்றி இருப்பவர்களால் ஏற்பட்ட தொல்லைகள், தொந்தரவுகள் அகலும். வெளி வட்டாரத்தில் மதிப்பு, மரியாதை கூடும். உறவினர்கள், நண்பர்களை சந்தித்து மகிழ்வீர்கள்.

சிம்மம்: பிள்ளைகளின் உடல்நலத்தில் அதிக அக்கறை காட்டுவீர்கள். பிரியமானவர்களின் சந்திப்பு நிகழும். பணிகளை விரைந்து முடிப்பீர்கள். வாகனத்தை சரிசெய்வீர்கள். பண வரவு கூடும்.

கன்னி: மற்றவர்களை நம்பி பெரிய முடிவுகள் எடுக்க வேண்டாம். யாரையும் தூக்கியெறிந்து பேசாதீர்கள். எதிர்பார்த்த பணம் சற்று தாமதமாகும். ஆன்மிகம், தியானம், யோகாவில் நாட்டம் ஏற்படும்.

துலாம்: சாதுர்யமாக பேசி கடினமான காரியங்களையும் சாதிப்பீர்கள். புதிய ரக ஆடை, ஆபரணங்கள் வாங்கி மகிழ்வீர்கள். பொறுப்பை உணர்ந்து நடக்கும் பிள்ளைகளை பாராட்டுவீர்கள்.

விருச்சிகம்: குடும்பத்தில் உங்கள் கை ஓங்கும். பிள்ளைகள் உங்கள் பேச்சுக்கு மதிப்பளிப்பார்கள். உறவினர்கள் பாராட்டுவார்கள். எதிர்பார்த்த வேலை தடையின்றி முடியும். எதிலும் பொறுமை தேவை.

தனுசு: மனைவி வழி உறவினர்களால் ஒத்துழைப்பு அதிகரிக்கும். வீண், ஆடம்பர செலவுகளை தவிர்க்கப் பாருங்கள். நட்பு வட்டாரம் விரிவடையும். அரசு, வங்கி காரியங்கள் சாதகமாக முடியும்.

மகரம்: சொத்து சம்பந்தப்பட்ட பிரச்சினைக்கு சுமுக தீர்வு காண்பீர்கள். பண வரவு உண்டு. பழுதான வாகனத்தை சரிசெய்வீர்கள். தந்தை வழி உறவினர்களால் ஆதாயம் உண்டாகும்.

கும்பம்: கணவன் - மனைவிக்குள் அன்யோன்யம் பிறக்கும். பிள்ளைகளின் பேச்சை ரசிப்பீர்கள். உடன்பிறந்தவர்கள் தக்க சமயத்தில் உதவுவார்கள். அக்கம் பக்கத்தினரின் அன்புத் தொல்லை நீங்கும்.

மீனம்: நீண்டகால எதிர்பார்ப்புகள் நிறைவேறும். குடும்பத்தினருடன் மனம்விட்டு பேசுவீர்கள். பிள்ளைகள் பொறுப்பாக நடந்துகொள்வார்கள். அரசு காரியங்களில் ஆர்வம் காட்டுவீர்கள்.

- ஜோதிஷபூஷண் வேங்கடசுப்பிரமணியன்